ياحبيلكم وياحبي لهالمنتدى..احسه اهلي بمافيه:27::39:
كثير من الاخوات الله يعينهن على الحياة الزوجيه..يشتكن من الزوج وعدم الاهتمام الحسّي وتبي رومانسيه ودلال واهتمام ونظرات وابتسامات ووو ..وتنهبل اذا قصر في هالامور البسيطه وتدهور حالتها وتجي تركض وتدخل حواء وتكتب موضوع تشكي فيه ودموعها اربع اربع:icon33::icon33::icon33:
الطريقه هذي حنا جبناها لانفسنا وخلينا
الزوج هو كل الحياة ولا حياة بدونه >>>صار اهم من المويه..واعجباااه
تنتظر زوجها يأكلها ويشربها ويتحدث معها ويضحك ويراعيها في كل حركه ..
ولو تأخر ضاق صدرها وزعلت ولو نام قبلها زعلت وقالت ما أهتميت فيني ولو تعشى برا قالت ماهتميت فيني ماهمك الا ربعك ولو قام يهوجس ضاق صدرها وانتكت وجاها اكتآب وتقول ما حس فيني اني قاعده عنده ..
كأنه الريموت حقها ماتتحرك الا به
يا اختي ياعزيزتي يا أنا لازم نكبر عقولنا ونعيش صح ومانربط تحركات الزوج بتحركاتنا
عيشي كأن ماعندك زوج سوي الي تحبينه روحي للي تحبين.. اشتغلي.. انتجي ....................زوجك اعتبريه زائر ..
ترى الزوج يعجب في اللي لها استقلال بنفسها وعايشه حياتها وكأنه ماهو موجود..
وطبعا تلبي له طلباته
لكن تستقل بنفسها وبتفكيرها وتحسسه انها مرتاحه
واذا شافها نشبه وماعندها ثقه الا فيه ونازعه شخصيتها بيمل منها ومن الجلسه معها
مثال صديقه لك لو كانت تلاحقك وماعندها سالفه وداجه وتبي تتونس بك ..ترتاحين معها؟؟الا بتملين
لكن لو هالصديقه عندها اشاء تجذبك بكلام او تصرف او علم او عمل او اي شي زين راح تنجذبين لها وتدورينها لانها تعطيك ومستغنيه عن الناس بنفسها
سولفي معه اعطيه الي يحبه ابتسمي له لأن الابتسامه تسحررررر
اجعلي زوجك مشارك في حياتك لاتجبرينه ولا يجبرك
اي شي يسويه يضايقك نفسيا لاتعيرينه اي اهتمام ولا تدققين عليه ، لان الزوج يكره التدقيق والملاحق ويهج
اسحبي زوجك واسحريه بعدم التركيز عليه بمعنى اوضح خليه يبحث عنك وخليه هو الي يدقق عليك
لو تتخيلين انك ماتحبين زوجك وماتكرهينه طبعاً ماراح تلاحقينه وماراح تدققين عليه < نفس الاحساس سويه
وشوفي وشلون زوجك يستغرب وينبهر ويبدا يعجب فيك اكثر ..
اعتبري زوجك زائر
ترا الموضوع يبيله صبر مهوب يوم ولليله تقولين مافاد
خلصت
ارائكم يالحلوات ..ترى الموضوع اشوفه مهم لا تقرون وتطلعون ..عشان يكون بالصفحه الاولى ارفعوه
او يالمشرفات ثبتوه
:27:
لافض فوك
هذا المفروض اللي نسويه
لان الزوج مو كل شي بهالحياة
يعطيك العافيه وسلمت اناملك