نزل من وزني 10 كيلو خلال شهر من غير رياضه^_^

السلام عليكم جميــــعا


أكيـــــــــــد كلكــــم تبون تعرفون كيف نزلت وزني صح؟؟؟

وعلى فكره انا لين الحين مستمره ابا انزل 5 زياده... ان شالله انزلهم بصحه وعافيه..

بصراحه انا ما اقدر اقول اني سويت رجيم.... كثر ما اني غيرت نظام اكلي...

يعني بالتفصيل بخبركم.. علشان ما اشووووووووف ولا سؤال هههههههه

الاسهل اني اخبركم شو هي الممنوعات...

الممنوعات هو كل شي فيه بطاطس او شبس او اي شي مقلي او فيه دهون او سكريات
يعني وقفت اكل الشبس... الاكل بره البيت ومن المطاعم وكنتاكي والبيتزا وكل شي من الانواع هذي وقفتهااااااا

طيب شو اكل؟؟؟

الصبح..

اشرب عصير اناناس ربيع... او كي دي دي... مع توست اسمر او ابيض (على المزاج) مع جبن وطماطم شريحه وحده

الظهر

اتغدى سيزر سلط مع دجاج مشوي.. وعصير اناناس مع ملعقه خل تفاح(اي خل تفاح بالسوبرماركت انا استخدم قودي)

او اخذ طاسه صغيره (ملة صغيره الي نشرب فيها الشوربه) املاها عيش .. واكل معاها صدر دياي مشوي ( قطعه صغيره) مع 5 ملاعق سلطه وبعدين عصير اناناس مع ملعقه خل تفاح

او عيش بنفس المقدار مع روب قليل الدسم وسلطه وعصير اناناس مع خل تفاح

بالليل اتعشى..

العشا يكون الساعه 7 المغرب..

اتعشى على حسب... ممكن ما اتعشى ابد بس اشرب عصير اناناس مع ملعقه خل تفاح
او
حبتين نقانق احطهم بالمايكروويف يحرون لمده 30 ثانيه.. واكلها بروحها واشرب عصير اناناس مع ملعقه خل
او
سلطه مع روب قليل الدسم وعصير اناناس مع خل
او
خبز سلايس مع شوية جبن وعصير اناناس مع ملعقه خل
او
صدر دياي مشوي(قطعه صغيره) مع عصير اناناس وخل تفاح
أو
صمون مع لبن اب وعصير اناناس مع خل تفاح


ووووووووووووووبس...

هذا كان نظامي لمده 3 اسابيع لشهر..

نزل وزني 10 كيلو تقريبا.. الحمدلله ومستااااااانسه ولا سوى لي دوخه ولاشي...
ونزل من مقاساتي وايد.. الكل يشوفني يقول ماشالله تغيرتي..
وما اصفر ويهي ولاحسيت بضعف او دوخه الحمدلله

والحين ما اقدر اكل اكثر من هالاكل... لأن بطني صغرت.. لو اكل زياده احس بطني يعورني.. وتعودت على هالنظام وما قمت اشتهي اكل شي ثاني

وما شربت اي خلطه منحفه ولا شي... ولا سويت رياضه.. ابد... بس مشي بالجامعه لما اداوم وبس...

يعني من غير رياضه ولا خلطات... بس هذا النظام

وعلى فكره ترى هالنظام يمكن ما شفتوه او قريتوا عنه من قبل... لأنه من اختراعي وناسبني.. واااايد..

فإذا تبون تجربونه.. جربوووووه ترى حسيته ممتاز ونفعني الحمدلله...

واذا تبون تنقلونه بعد انقلوه عادي... بس ما احلل اي وحده تنقله من غير ما تذكر اسمي (بيرلي مومنت من عالم حواء)
لأنها من اختراعي انا... وبراءه الاختراع لي..


ان شالله تنحفوووووووووووووووون اكثر واكثر


بالنسبه اذا بتسألوني.. عن اي اضافات ثانيه للرجيم.. ترى ما اعرف اذا بيعطيكم نفس المفعول ولالا..
هذا بالحرف الواحد اللي اسويه خلال الشهر.. وبستمر عليه اكثر...
:26:
وسلاااااااااااااااااااااااااااامتكم....