ربي يعينك اللي سويتيه لأنك كاتمه من زمان وطلعتي كل شي مرة وحدة .. انا احس ان افضل تهدي الأمر وهو اصلا بحاول يرضيك أن شاء الله وينسيك اللي صار

ي أختي فهميه الدين وسطيه لا ضرر و لا ضرار و لو شدد ع البنت الآن قولي بتكبر و تسوي العكس من الضغوط اللي بتسببها لها فخليها تعيش كل مرحلة بطبيعتها و كله لازم يكون بالرفق إذا تبغى الدين رسولنا عليه الصلاة و السلام قال( ما كان الرفق في شيء إلا زانه )

حبيبتي الله يعينك بس فعلا هو بالغ بردة فعله و انتي بعد تعبانا وحامل وفلتت اعصابك مالومك و اكيد شايلة بقلبك من اكثر من موقف و طلع كل شي مرة وحدا وانفجرتي.
انة من رأيي اذا زعلتي ورديتي بيت اهلك بتحاتين وانتي اللي بتتعبين وانة ابد ماحب الظلم والاضطهاد وان الرجل يستغل المراة و يضغط عليها بس انة اقول هذا الراي عشان تشترين راحتك، المهم من رايي تروحين له و تكلمينه على رواء قوليله انت تعرفني وتعرف اخلاقي واحيانا الانسان يسهى عن بعض الاشياء بارك الله فيك على التنبيه بس اتمنى يكون باسلوب حلو وطيب و مثل ما مذكور بالقران الكريم ( ولو كنت فضا غليظ القلب لانفضو من حولك) ف اهم شي الاسلوب والاخلاق و انة مو ضد انك تنبهني وتنبه بنتك بس اعتراضي عالاسلوب، وقوليله ان البنت صغيرة ماتفهم لازم نفهمها باسلوب لطيف عشان لا تكش من الدين بالعكس المفروض نحببها فيه و انتي بعد عطيه كم كلمة منك تخليه يفهم وجهة نظرك وان شاء الله ربي يلين قلبه و يخف عليكم شوي بس انة اقول روحتك لبيت اهلك انت اللي بتتعبين فيها وانتي الحين تحتاجين الراحة بدل التعب،، اضغطي على نفسك الحين شوية وروحي اجلسي معاه وكلميه احسن من ان المووضوع يكبر و راح تتعبين صدقيني عن تجربة..

انا كلمت اهلي بالموضوع وابوي قال بيكلمه بس مدري ليش حاسه اني خايفه فعلاً انا مابي اتطلق ولا اترك بيتي ابي بس يحس انه اللي يسويه غلط


وابوي قال لامي خلي يجيبها وتقعد ولا يشوفها بعد
وانا خايفه اقول لو سكت احسن


بس السكوت ما فادني طول هالسنين كل يوم الامور تتعقد صحيح انه طيب وحنون بس مخرربه هالشي حيل مدقق على كل تحركاتنا وحاولت افهمه باللين والهدوء واجيب له ادله من القران والسنه عن حسن المعاملة والدين يسر و و يقولي ادري وساعات يقول بتغير بس يوم يومين ويرجع

كلكم غلطانين ...الضحيه البنت ...هو غلط بالنصيحه بالصياح ..وانتي رديتي عليه بالصياح ..نصيحه اذا عصب ارخي ..واذا عصبتي يرخي ..خلو بينكم شعرة معاويه ...الله يصلحكم ..مااقدر اقولك روحي بيت اهلك لان زوجك حريص عليكم ويحبكم ...خلاص حازلي تأقلمي مع شخصيته الله يعينك كثير متأقلمات .وادعي الله يسخره لك ...اصمتي واقعدي في بيتك ولا تككلمي لاهلك احسن وهو يوم ويومين بيعتذر منك ..وانتي فهمي بنتك ان ابوها يحبها حتى لورفع صوته عليها الله ينبتها نبات حسن ..