ديمه الرياض @dymh_alryad

محررة

ارجو التاعل فرج الله همكم شكوى كسرت خاطري

:44:السلام عليكم ورحمة الله وبركاته
اخواتي هذا الموضوع نقلته لكم من منتدى ابي اعرف ارآئكم احس اني مدري وش اقول كسر خاطري:44:
الشكوى هي:

أنا متزوج من سنة ونصف وزجتي تعمل بعيدة عن بيت الزوجية
مشكلتي ان زوجتي حساسة
زوجتي حساسة

أنا إنسان عاطفي يعني ماحب يكون في البيت احد زعلان:44: ولأحب ازعل احد حتى إني اضغط على نفسي عشان مااحد يزعل مني
أحب يكون الجو مع زوجتي ودي ومبسوطين :39:
بس عيبي الوحيد إني أبي كلامي هو إلي يمشي
وزوجتي ماقصرت من الناحية هذي لانها قليله الكلام
المشكلة
إن زوجتي كلامها قليل ولا تطلب شي تحب دائما إني أعطيها وأوديها بدون ماتطلب تلمح بس وتزعل و تكتم ويضيق :mad:صدرها على كل شي وإذا كتمت يالله تكلمني حتى لو مالي دخل في الموضوع

وبعدين على اتفه الأسباب تزعل وتكتم يعني لو أنا رايحين لسوق ولا فيه شيء ضروري واستعجلت وقلت يالله خل نمشي كتمت الين بكره

أنا صراحة إذا سويت كذا أضيق ويبين علي
مدري أنا السبب إني إداري خاطرها في كلش صارت كذا وهل يمكن تتغير ولا كل البنات كذا
هي حساسة جدااااااا
تصدقون مثلا لو غيرت قناة التلفزيون عن القناة إلي هي متابعتها ماتقول رجعها ولى شي تكتم تكتيمه خفيفة اقولها تبين ذيك القناة ترد برد واضح فيه زعله ( لا هماك تبي تغير غير ) ودي تنشبلي ولا تزعل
تكتم على أي شي
لو كلمني زميلي وانا معها في السوق وقالي تعال ( أنا ماقلت ابجيك ) تقولي بطريقه نفسها خلاص رجعني البيت
البنت حساسة وتابعتني وش الحل
للمعلوميه أنا إنسان عاطفي جدا زي ماقلت فوق ماحب التكتيم لان فيه جفا
وانا أحب اكون فالها في البيت يعني ماتجلس الى في حضني وأتغزل فيها
بس اذا كتمت كل هذولي تتكنسل واتنرفز ويخرب يومي
معاد اقدر اسوي شي في العمل
وعشان كذا دايم انا إلي أبدا في الكلام حتى لو كانت هي الغلطانة
والله إني خايف إن التكتيم هذا ماخذته هي كسلاح:42:
أنا اداري خاطرها بس هي ماتداري خاطري يعني تذب في وجهي كلام جارح ولتحس وتردني عن حاجات وأنا متحمس لها بدون ماتناضر خاطري أبدا لأنها حساسة وتكتم!!!!!
وش الحل للمشكلة لأني تعبت اقولها اخترت أوقات زينه اخترت أوقات شينه بس مافيه فايده وإذا قلت لها ليش ماتغيرتي تقول ماحب احد يملي علي
وش المفروض اسوي أنا كنت إذا كتمت كتمت مثلها ونكدت على نفسي
هلا لازم أوديها لاهلاها وازعل عليها يمكن تتأدب
والى امنعها من أشياء مثلا ماتروح السوق لمده شهر أو ماتروح لخالتها أو أهلها هل هذي تفيد
المشكلة الثانية
يمكن لها دخل في المشكلة الأولى
لو أنا زعلت مثلا لازم تلقالها سبب تزعل ولا تجيني وتراضيني يوم يومين ولافيه فايده ماتجيك
واذا جتني كنها ذابحه نفسه يالله تجيني والى تقول اسفه ولاشى شي بس تجلس جنبي وتصيح:icon33: تقول أنت الغلطان وبعض الاحيان انا الي اروح لو واعتبها اذا شفت الموضوع طلع عن حده
أقولها إذا صرت زعلان راضيني مافيه فايده وانا ماحب اعقد الموضوع على طول ارضا لو جت
بس هي لو زعلت ماخليها ةالى ساعة وأرضيها وادعها وأشكل يالله ترضى عقب يوم
مادري هل مثلي كثير والى أنا بلحالي كذا
دلوني على الحل
هل في طرق أدبها وتعقل
أنا إنسان بيتوتي واحترم الحياة الزوجية ولا لي في المشاكل ولأني مثل بعض الناس إذا زعلت حرمته عادي لأنه دايم براى البيت ولايناضر مشاعرها
ولأتحمل حياه كلها كذا

ولا كل الحريم نفس الشيء
العلاقة الجميلة
غير موجودة كل الحريم نكديات هل هذا صحيحمنقوووول

يلزم عليك تسجيل الدخول أولًا لكتابة تعليق.

تسجيل دخول

ديمه الرياض • 14 سنة

يسعدني مروركم وتثلج صدري ارآئكم

أثيروثير • 14 سنة

خخخخخخخخخخخخخخخ
قولي أمزح تكفين!!!!<<<مومصدقه الضعيفه

وأخيراً شفت فيه موضوع في عالم الأنترنت

رجال يبي رضا زوجته ويبي حل في حياته

بس تبين رأيي؟؟؟ وبجد يعني بدون عاطفه أو أنحياز لأحد؟؟؟؟

ماألومها زوجي ومعطيني وجه وأتزعل على كيف أمي لازم أتمادى

وهو الحين وراه مايمسكها ويقول تعدلي لأغير أسلوبي وتتمنين أرجع زي أول؟؟؟

الا تعالي عطيه رابط قسم الحياة الاسريه عندنا وقولي أعطه لزوجتك خلها تعرف قدرك...

اللهم أصلح لي زوجي

ديمه الرياض • 14 سنة

ما أعرف اسوي روابط
بس انبسطت لمرورك اسعدتني كثير يا حبيبتي (أثير وثير)

جنى26 • 14 سنة

لا,,,,وتظلمون الرجااااااااال
تراااهم طيبين,,,,,,خخخخخ
الا من رحم ربي
يعني تزعلين وتنتظرين انه يجي ويعتذر,,,,,,,لين تلحسي حلمة اذنك,,,,,
مو قلت لكم طيبين

أثيروثير • 14 سنة

ديمه الرياض :

ما أعرف اسوي روابط بس انبسطت لمرورك اسعدتني كثير يا حبيبتي (أثير وثير)

ما أعرف اسوي روابط بس انبسطت لمرورك اسعدتني كثير يا حبيبتي (أثير وثير)

شوفي فوق ياعسووووووله الله يسلمك وأنسخي الرابط

وروحي للمكان اللي تبين تلصقين فيه الرابط وسوي كليك يمين في الماوس وسوي لصق والحمدلله خلصتي المهمه

مثال:::http://forum.hawaaworld.com/forumdisplay.php?s=&daysprune=7&f=4
وخلااااااص ياقوووووومر :icon28:
ويسلم لي الرد الحلو :)