مره ضايق صدر .........ساعدوني بنصيحه

الأسرة والمجتمع

من غير مقدمات فرش بيتي له عشر سنوات ((بتنصعقون)) ودي أغيره ولا راح يكلفه 10000 ريال بس موراضي يقول حنا في بيت سكن وناقلين ((أي نقل يقول بينقل من خمس سنوات ولا شفت شي )) الي رافع ضغطي إن الي حولي أقل منه مستوى وغيرو بدل المره عشر وأنا لا يقول خذي المبلغ ولا تحطي في البيت شي .والله شي يقهر ما الحرمه الى بيتها إذا ما زينته وهتمت في وش المتع أجل .يقول إذ حطينا بيت ملك ((إذا صرت عجوز )) الله المستعا إذ راح العمر وش الفايده بالله كيف أقنعه والله من كثر الغيظ صرت أدعي عليه رفع ظغطي مدري كل هذ حرص على الفلوس ولا تناحه ولى عناد على فكره ((هو حاط أمه أمام عينه يخاف تقول سويت للحرمه وحطيت للحرم ))
من كثر ماني حامقه مقرره إذا مانفذ الي أبي بهجر أهله هالصيف ولا را أروح لحد منهم وخله يروح لحاله ويسألونه ليش ؟؟ وخله يعرف
للعلم ياكثر ما أتغاضى عن اخطائه ومعجبه هالحل يحسب الني مو ملاحظه بس هاليومين فجرت الوضع وخلطت الحابل على النابل ولي أربع أيام ماقعد في المكان الي يقعد فيه .
20
2K

يلزم عليك تسجيل الدخول أولًا لكتابة تعليق.

تسجيل دخول

كبرياء انثى
كبرياء انثى
بصؤاحه الله يساعدك
بس عيب انك تهجري اهله انتي ادعي له ولاتدعين عليه
مهما كان هذا زوجك وابو عيالك
ادعي رب العالمين انه يفرج عليك
وربي ماينسى عبده :)
سمسومه
سمسومه
http://www.al-wed.com/pic-vb/1.gif


هلا والله احس انك مكبره المسأله وش فيها انك ما غيرتي الاثاث ....؟؟؟؟
انتي لا تددقين واكره ما على الرجال المقارنه .....
انتي شوفي الي اقل منك واحمدي ربك والله بترتاحييين .......
واذا كنتي مصره وما راح تغيرين رايك وزوجك مقتدر تقدرين تغيرين رايه باسلوبك بس بدون طريقه الزعل او العناااااد لان العناااد يخرب بيوت ويهدمها...


http://www.al-wed.com/pic-vb/1.gif
دادونيا
دادونيا
والله يااختي
احمدي ربك ان مشكلتك بس السكن وان زوجك مو بخيل عليك
انتي موضروري كل شي تغيرينه مره وحده مره
وسعي صدره وواذا طلعتي ومريتو من محل ديكور اترجيه بدلع لما تنزلين وتاخذين لك قطعه وهكذا لما تخلصي بيتك
وبيني له ان كل شي بتاخذينه معاك للملك انشالله
وكلشي يجي بالمسايس وانا اختك
وش فايده ذكاااااااااء الانثى يالغاليه

وحتى لو مانفذ اللي تبين ياشيخه
مو ضروري اهم شي ان الشي هذا ماياثر على شكلك قدام الناس
واكبر دليل
تشوفين بعض المذيعات اشكالهم تاخذ عقلك واذا رحتي لببيتهم انصعقتي من قبحها
وما ضرها
ياشيخه وسعي صدرمك

ترى الموضوع ابد اب
د ابد
مايستاهل الهجر
غلط غلط اللي تسوينه وانا اختك
سادنة القمر
سادنة القمر
تعوذي من الشيطان ترى هو الي يكبر المسأله

الحين اجلسي واتذكري محاسن زوجك ووقفاته الحلوه معك ........... هذا الشي لحاله راح يهون عليك الموضوع وانك لو جلستي عند اهلك وهو اصر على موقفه وش آخرتها راح تقعدين طول عمرك عند اهلك حتى مجرد جلوسك عند اهلك شهر او شهرين راح تملين وتتمنين الرجعه لبيتك ومملكتك حتى ولو كان ابيت قديم او الاثاث قديم بس لك كلمه فيه او على الاقل يوخذ رايك مو زي جلست في بيت اهلك زي الضيفه ( صح كلامي والا لا )

الرجال مهما اختلفت طباعهم مستحيل يجي بالعناد او التحدي ...... انتي خذيه بالسياسه والهدوء وبيني له اثر تغيير الاثاث على نفسياتكم

أنا طلعت روحي لين وافق زوجي يطلعني من شقه محكوره فيها .... سنتين وانا احاول فيه

ومع ذلك الى الان ما طلعنا ..... تمت الموافقه فقط
فجر الرياض
فجر الرياض
كبرياء انثى

00000والله من الغيض يا ماأسمع من أهل وأطنش وأقوله كله عشانك لكن ما قدر!!


مالكة القلب
......ياعمري أنتي كل هذا سويته ما نفع هو الي ينفع معه الزعل والتهديد ساعتها يحس

وبالنسبه للنقل نقله صعب مره عشان كذا أنا منفجره لا نقل ولا فرش قال أيش حنا في سكن عسكري مشي حالك ؟؟يا ويلي بطق


سمسومه
............(( لان العناااد يخرب بيوت ويهدمها...))صادقه بس طفشني شوفي كم سنه على أيش فرش والله شي تافه

دادونيا
...والله كلامك جا على قلبي مثل العسل ودمعت عيوني الله يسلمك يقلبي
سادنة القمر
..والله كل مواقف تبيض الوجه بس هالموضوع موقف فيه مرررررررره
عساني أغير صالتي بس ألحين الله كريم













....