كبسة ربيان بس غير .. بطريقتي الخاصة

السلام عليكم ورحمة الله وبركاته

اليوم وانا اطبخ الغدا كان عندي ربيان وما ني عارفة ايش اسوي فيه

قمت خربطت وطلعت باكله امممم تسلم يدي>>>>>>وحدة واثقة


المقادير

رز ابيض اطبخيه بالطريقة المعتادة

ربيان { انا دايما استخدم نوع يجي مسلوق وجاهز}

فلفل رومي مقطع طوال

بصل جوانح

فص ثوم مفروم

فطر شرائح

طماطم شرائح

ملعقتين اكل صويا صوص

فلفل اسود

ماجي حسب الرغبة

اوريغانوا وبقدونس ناشف


الطريقة

1}اشوح البصل والثوم على النار ثم اضيف باقي الخضار واقلب الى ان يذبل الطماطم ..
اضيف القليل من الماء حتى لا يحترق
2}اضيف الربيان بعد ما نظفته وقطعته صغير واقلبه جيدا طبعا انا مستخدمه نوع مسلوق .... فمطبوخ وجاهز مجرد اقلبه ثم اضيف
الفلفل والصويا والماجي والاريغانو والبقدونس.. واحركه الى ان يتسبك
3}اجيب قدر يدخل الفرن .. انا ما كان عندي فاستخدمت الصينية المتحركة
اضع الربيان كطبقة اولى ثم اضع الرز {انا خلطت معاه شوي الوان طعام}واكبسه زين وادخله الفرن مدة ربع ساعة تقريبا بس يتماسك..



بعدين اقلبه في صحن التقديم ..طبعا انا تعبت شوي لما قلبته لان الصينية ما كانت ملآنه للاخر

وقدمته مع سلطة الزبادي



وهنا وعافية

وان شاء الله يعجبكم