مشكلتي فوق ما تتصورونها ... ساعدوني الله يخليكم

السلام عليكم ورحمة الله وبركاته

خواتي انا مشكلتي مشكله مع الرضاعه والكل يستغرب من مشكلتي لانها فعلا غريبه

عندي اثنين من العيال بنت وولد اتصدقون ما رضعتهم الا اربع شهور وبعدين خلاص وقفت الرضاعه

والسبب ان حلمتي تتشقق ويصير فيها جرح فظيييع كانه حد جرحها بالسكين وبدل ما يطلع مني حليب يطلع دم

والله انه الدم يصب من الحلمه لدرجة اني لما اطلع الحلمه من فم طفلي احصل الدم مالي فمه كله ولا ينزل على شفايفه كلها دم واذا جيت اشفط اللي ينشفط مني بس دم مخلوط مع شوية حليب ويصير لون الحليب وردي

والله اني تعبببببااااااااااانه حيل حيل وما خليت شي ما سويته استخدمت كل شي


جربت عيادة النساء والجلديه وجربت مراهم الصيدليه اغلبها والاشياء الشعبيه وكلام امي وام زوجي وصديقاتي

ولا فاد شي ابد

والله على ما اقول شهيد

الله يخليكم اذا عنطك حل ربي يوفقكم ويسعدكم ويريح بالكم ويهنيكم ويرزقكم الجنه ساعدوني بليز

انا الحين حامل توني واريد ارضع عيالي