أكزيما الوجه ..........

السلام عليكم
كل عام وأنتن بخير
لي مدة عن هالقسم
الله يعطيكم العافية يارب
بادخل بالموضوع على طول
بنات أنا كانت بشرتي بيضا وناعمة ولله الحمد ما أعرف الحبوب هذي نهائياً
والآن لي مايقارب 6شهور وانا أعاني منها
ومشكلتي مي في الحبوب لأنها راحت الحمدلله وباقي أثرها و****الله بيروح
بس اللي قاهرني الأكزيما

الأكزيما الأكزيما الأكزيما
طلعت في وجهي يابنات
تخيلوا أول ماطلعت لي تحت عيني اليسار وقعدت اسبوع وراحت وطلع مثلها في نفس المكان بس على جنب
بعدين راحت طلعت في نفس الجهة بس بجانب الأنف
وراحت وطلعت بجنب الذقن من الناحية اليمنى ولها الآن في هالمكان حوالي 4شهور
ماراحت ولا تحسنت يعني طلعت آخر شي في هالمكان وثبتت فيه

طبعاً وصف هالأكزيما :
أول ما تطلع على شكل دائرة وبعدين تصير هالدايرة مفرغة من الوسط والدايرة نفسها حمرا
وآخر وحدة طلعت بيضاوية وصارت تتسع الدايرة وانفتحت من الطرف وصارت كل ما لها تكبر وشوهت وجهي والحين نفسيتي عدم بسببها
ما أدري عندكم خلفيه عن هالنوع من الأكزيما ...
لأني رحت لأخصائية جلدية وقالت أكزيما بس لها الحين ست شهور ما راحت ولا اتحسنت ما أدري واش هي هذي
أفيدوني وجزاكن الله كل خير يالغاليات....