يا متزوجاااات خبرتكم تكفون نصائح للعروسات من الي افيدونا

رفـــع .. وياريت البنات يفيدوونـــآ ..

حبيبتي هذي طريقتي جهزت للزواجي.....

أول ....رميت ملابسي القديمه كلها وتصرفت فيها...وأشتريت بدالهم مايلي ....
الأهتمام بالجسم لمده شهر عالأقل .....زيوت للشعر وخلطات للوجه ...وحف بالحلاااوه ...

ولما تروحي للسوق تقدري تأخذي للي بعد الزواج مثلا ألأله للحف من براون
إذا ماتشيلي بالحلاوه
ملابس داخليه ..طبعا أطقم ..وقمصان نوم من نعومي ..وبيجامات اللي فيها رسومات أنا أحبها مثلا بها ميكي ماوس

بنطلونات وتنانير وبلايز أغلبها جنز والبلايز من ماكس واللي يعجبني أخذو ....
تجهيز العبايه... والجزم والأكسسوار والشنط ...

لما تتروشي وقبل ماينشف شعرك بخريه بالعود ولما تستشوريه برضو بخريه وشوفي الريحه كيف جنان

ونصيحه لكل عروس حتى أبو الشباب يمدحك بالريحه...لما تروحي للمحلات نعومي أطلبي طقم كامل لعطر شذى
وربي جنان يتكون من ((عطر ..وبودره بلمعه..وبخاخ جسم ...ومعطر...وورد مجفف ..وخدديتين))لونه برتقالي...

كل وحده أقولها عنه تمدحه من تأخذه ...

اولا السلام عليكم ورحمة الله
ع البركه مقدما اسأل الله لك ولكل بنت الزوج الصالح والحياه الطيبه والسعاده الدائمه..
اختي اول شي حطي لك ميزانيه لكل غرض يعني قسمي مهرك على ادوات التجميل والعطور والملابس بحيث اكتبي كم مثلا راح تاخذين ملابس زيارات وكم بنطلون وكم قميص نوم وكم بجامه وبعد الجزم والشنط ونصيحه لاتكثرون لان بعض البنات الله يهديهم يقشون السوق كله وتخلص مهرها في جانب واحد كن الاسواق بتقفل بعد زواجها وربي انصحكم كنكم خواتي لاني انا مجربه مع خواتي وقريباتي فتلافيت اخطأهم والحمدلله مرت بسلام ولاندمت على شي وحطي في بالك مثلا اليوم بتنزلين السوق تاخذين ملابس النوم ويوم ثاني حدديه للعطور وادوات التجمل ويوم للملابس العاديه هذا اذا ظروفك تسمح بنزلات متعدده وكذا عشان ماترهقين نفسك ,
اول شي خذي طقوم شنط عشان كل ماشريتي شي تحطينه في الشنطه وماتحوسينه مع اغراضك القديمه .ياربي وش باقي على فكره ادوات المكياج لا تكثرين لان بعضها فتره وينتهي انا عن نفسي اخذت علبه ظلال متعدده علبةبلاشرالوان متعدده وارواج 3احمر ووردي ولحمي من شانيل وكحل العين من جوه اخذت نوعين من شانيل وريفلون والعطور خذي بالعدد لان مع الوقت تملين ونفسك تغيرين نوعي فيها بين المركز الثقيل والبارد الخفيف عن نفسي اخذت جفنشي فرزاتشي ديور ومن نكتار 2ومن بودي شوب طقم على اللي جتني هدايا يمكن15لاتنسون مسك الطهاره من عبد الصمد القرشي وخمريات شعر وجسم والشنط والجزم نصيحه لاتكثرون خذي شي ماركه وحلو مثلا اسود ووبني هذي للزيارات الرسميه وكم وحده الوان متداخله حقت خرجات وتماشي تكون مريحه لك .
والله عندي اشياء كثيره ودي اقولها لكم لكن الوقت ما يسمح الحين يارب اكون افدتكم والله يسعدكم ويتمم لكم على خير ويحفظكم من كل ذي شر يارب ..اي سؤال انا حاضره ولي عوده اكمل لكم قصة حياتي عذرا على الاطاله ولاتنسوني من دعواتك ياحلوات

لما كنت اجهز لزواجي كنت دائما اخاف من الالتهابات اللي تجي بعد الزواج فاول شئ اشتريته من الصيدليه غسول للمنطقه اسمه كاري فري مره ممتاز استخدم بعد الجماع على طول علشان ماتجيني الالتهابات والحمدلله لي 7 شهور متزوجه ماصارلي شئ والحين حامل ادعيلي ان الله يثبت حملي ويسهل ولادتي وفي عطر خطير من زهور الريف اسمه دهن الريف حطيه بين صدرك وراء اذانيك تريه خطير وخليه عطر جسمك الخاص لانك كل ماعرقتي طلعت الريحه وفيه نفس النوع عطر وبودره جسم وجل استحمام

بسم الله الرحمن الرحيم
اول شي بارك الله لكم وبارك عليكم وجمع بينكم بخير
الله يسخر كل منكم للثاني
قبل كل شي لاتكثرين مشتريات لأنك بتروحين للسوق بعدين
خصصي جزء من المهر للَيزر وهو أهم شي وحتى منطقة البكيني سويها باللَيزر الذاتي عند الزلال وغيره
واستعملي صابونة البابايا 5×1 مع كل حمام
وهذي من الأساسيات
تعاملي مع زوجك وأهله بحب وأخلاص وحسن نيه علشان تكسبين قلوبهم كلَهم وتعيشين مرتاحه
على فكره اذا نسيت شي ذكريني على الخاص لأن ممكن مارجع للصفحه(نسايه)
والحين نبدا بالتفاصيل ........على بركة الله
فستان الزواج:
أول شي بالنسبه لفستان الزواج فيه موقع زينه شوفيه وترى مشغلها موجود بالرياض عندها فساتين عرايس انيقه وحلوه واسعارها معقوله جداً
واذا تبين أرخص فيه موقع فساتينه أحلى وأسعاره خرافيه بس ماأعرف اذا الخامات زينه والموديل مظبوط مثل الصور بس اذا زواجك بعيد ممكن افيدك لأني طلبت فستان علشان أتأكد من شغلهم وانا أنتظر
فساتين السهره:
بالنسبه لفساتين السهره فيعتمد على أهلكم هل انتم حقين عزايم والا لا
اذا كان لا ف2 يكفون
التيورات الرسميه:
التيورات ممكن تاخذين 10 بالكثير والباقي بعد الزواج (الموديلات تتغير)
اللبس اليومي:
اللبس البسيط من تنانير وتي شيرتات ايضاً لاتكثرين
قميص النوم الرئيسي:
قميص النوم عندك الدباس قمصانه حلوه وناعمه وتجي على الجسم واسعارها حلوه
خذي بيجامه حرير وحده ممكن تاخذينها من جلابيات الواحه حتى عنده قمصان زواج حلوه
القمصان اليوميه:
القمصان القصيره نصيحتي لك خذيها من الهرم لأنه كل فتره يجيب قمصان رهيبه والأسعار ببلاش يعني خذي من15-20 قميص والميزه فيها انه بعد سنه او أقل ممكن ترمينها وانتي مرتاحه لأنها لن تتجاوز 500 ريال ويمكن ماتوصل بعدوحتى القطنيه عنده حلوه
الأحذيه:
الجزم خذي سودا رسميه وممكن لون عاجي ونحاسي حلو يمشي مع كل شي او بني يعتمد (الرسمي يعني من 7سم أو اكثر)
وخذي كم وحده طول متوسط للأستعمال اليومي من3-4
او اذا تحبين الواطي جداً
وخذي وحده أو ثنتين رياضيه أنيقه اذا بتسافرين وانتبهي من العالي
الملابس الداخليه:
الملابس الداخليه خذي من شانتيل(بوش اب) 3 الوان اساسيه بني-اسود -ابيض
اما الباقي فعندك لاسنزا يجيب انواع جداً حلوه وعمليَه (خذي 6 )
الشنط:
للسهره خذي الوان اساسيه ثنتين او ثلاث بالكثير
اليوميه اللي يعجبك بس 4 والباقي بعدين
العطورات:
خذي بالكثير 4 وعندك من شيسيدو(زين)حق سهرات.وعندك كارولاين هيريرا.ودوتشي اند قباناالذهبي .ومن جوسي(فيفا لا جوسي )ابو فيونكه فوشيه
وخذي مجموعه من (بودي شوب أوزهور الريف اللي تحبين
والمسك السائل من القرشي (روعه)
دهن العود:
خذي صندوق اما خشب او جلد اللي فيها علب كرستال أوفضه وعبيها من العود ودهن العود عندك الماجد يجيب صناديق حلوه
المكياج:
كريم الأساس 1
كونسيلر 2 وأفضل ريميل (مثل الروج رقم 2)
بودرة 1(اذا كنتي تستعملينها
علبة ظل كبيره 1 فيها الوان كثيره بس أختاري الدرجات اللي تعجبك
لمعة الضل من فور ايفر ابيض على ذهبي او ابيض صريح(يستخدم في لمعة الوجه كله)
مكياج الخدود خذي 3 الوان اساسيه فقط وأقترح برجوا (خذي وردي رقم 95 او33 -واورنج 32-
الروج:
خذي 5أو 6 الوان تعجبك وفيه روج من مكياجي اسمه صبايارقمه14
خذي كم قلوس نفس العدد بدرجات منوعه وعنك vov
المسكره 1
الكحل السائل 1والقلم 1
محدد حواجب 1(فورايفر)
فرش المكياج :اللي متعوده تستعملينه وأفضَل اللي عصاها موف من سيتي بلازا
مفرش النوم 1 وأقترح نوعيه معينه مثل حقت الفنادق انيقه وبارده وفخمه تلقينها عند الشلهوب (كرتون بيج وغطاها أسود فيه ورود حمراوبيضا)
كريمات الجسم اللي متعوده عليه وممكن تخلطين معها شوي مسك علشان الريحه الحلوه
مناكير ومزيل مناكير
عدة الأظافر اللي بشنطه صغيره