بشرة بيضاء صافيه متوحدة ~ تجربتي لمدة شهر فقط 💕

سلام عليكم و رحمة الله و بركاته 

.

.

انا هنا عشان انقل لكم تجربتي اللي فرحتني و تغير فيني الكثير و خلتني انسانه ثانيه واثقه من نفسي و يحق لي و لكم باْذن الله بعد تجربتكم لطريقتي
طبعا كثير من منكم أكيد سمع بتقشير البيبي فيس 
لكن انا اليوم انقل لكم تجربتي بحذافيرها بعد ما جلست اقرأ تجارب بنات كثير و استعديت و اشتريت الأشياء اللازمة

في اشياء ممكن تستبدليها بشي انتي تستخدميه و لكن أفضل انه الي بيمشي على طريقتي يطبق كل شي فيها 

وانا بشرتي هي احداث المشكلات اللي تواجهني و حليتها

مشكلاتي و هي : السمنة / بشرة غير متوحدة / أسناني 
السمنة > الحمدلله بديت بدايت و دعواتكم لي اني أوصل للوزن المثالي 
أسناني > مركبة تقويم و باْذن الله الواحد الأحد انه بالعيد أكون خلاص شلته 
بشرتي > اللي هو موضوعنا و راح اقولكم بتفصيل ف يليت ما تتمللو


لبشرة صافية متوحدة متفتحة 
تجربتي في تقشير و توحيد و تفتيح بشرة الوجه
المستلزمات الضرورية :
1) محلول مقشر بيبي فيس رقم 1 ، 2 ، 3
2) قطن 
3) واقي شمس + 50 spf  انا استخدم واقي AVene
4) زيت جنين القمح او زيت اللوز المر  
6) كريم مرطب للوجه
* كريم بوندس الوردي ( النهاري )
* كريم بوندس الوردي ( الليلي )
7) صابونة بيبي فيس او صابونة الجلسرين 
8) فازلين الأصلي
ان شاءالله ما نسيت شي 




الخطوات :
* مسح الوجه كامل مع نصف الرقبه مع مراعاة عدم وضع المحلول حولين الشفايف و حولين العين بمحلول المقشر رقم 3 مرتين يوميا و انتظري 5 ل 10 دقايق او اقل لحد ما ينشف المحلول و بعدها حطي مرطب لوجهك ( انا كنت أحط زيت جنين القمح اذا كنت بالبيت و ما اطلع للشمس ) 
استمريت على هل منوال لحد ما بدأت البشرة تتقشر و و بعدها لما يكثر التقشير احطها مره فاليوم فقط لين ينتهي المحلول كامل و لأَنِّي اداوم أحط بنص ساعه واقي شمس  
*  بعد انتهاء عبوة المحلول رقم 3 نبدأ بمحلول رقم 2 و بنفس الخطوات تماما مع مراعاة الترطيب الترطيب الترطيب مهم جدا 
* عنايتي اثناء التقشير كانت 1) اغسل وجهي بصابونة الجلسرين < بعد فترة لقيت صابونة بيبي فيس و صرت استخدم الاثنين عادي 
2) بعدها انشف وجهي بطريقة الطبطبه 
3) اجيب قطنه و أحط فيها المحلول المقشر
4) انتظر شويه ينشف 
5) أحط واقي شمس اذا بطلع / أحط مرطب اذا بالبيت صاحيه / اذا اروح اطبخ أحط واقي شمس / اذا بنام أحط زيت جنين القمح و فالاماكن الجافة كثير أحط فازلين
* لما بديت استخدم المحلول رقم 2 شريت كريم بوندس الوردي الليلي و النهاري < لانه بفترة التقشير كريمات التبييض مفعولها أسرع 
* استخدم زيت اللوز المر اذا صحيت اي وقت من النوم احطه شويه و أدلك و أفرك بشويش عشان تنزل القشور 
و بس هذي التجربة كامله 
و انا الحين خلصت محلول رقم 2 
و عنايتي حاليا سويت طريقة لأحد الأخوات تقول اخلطي غرشتين من بيبي فيس 1 مع ملعقتين اتوقع من بيبي فيس 3 و طريقة ثانيه وحده تقول نص اسكينول خيار ضيفي له عرشه بيبي فيس 3
ف انا شسويت ما غرشة بيبي فيس 3 كلها بالاسكينول حطيت نصها و النص الثاني قسمته مرتين على غرشتين من بيبي فيس 1 
ف استخدم حق الاسكينول أحطه بوجهي و اغسله 
اما اللي البيبي فيس أحطه بليل و ورآه مرطب لازم 
طبعا أنسو انه مقشر فقط حطو ببالكم انه منظف و اللي تحب تستغني عن هل نقطه عادي جدا النتيجه نفسها بشرتي صافيه و تقدر تبدأ بماسكات
طبعا انصصصصح الابتعاد عن المكياج هل فترة و حتى عند انتهاء العلاج 
بنسبالي و الله صرت واثقة من نفسي اداوم أحط واقي و مرطب فقط و بشرتي منوره و متوحده قبل اذا ما حطيت فاونديشن اشوف شكلي كأني مريضه و الحمدلله رب العالمين


ملاحظات : 
احمرار البشرة وقت التقشير عادي 
اذا حسيتي بحكه فقط اضغطي باصابعك و لا تحكي 
اذا تهيجت بشرتك توقفي عن استخدام المحلول و حطي مرهم خاص للحروق
و طبعا كل وحده تعرف طبيعة بشرتها
لا اؤيد اي كريم تبييض سريع المفعول لانه الأغلب يحتوي ع الزئبق و الكورتيزون و هذا مضر للجلد 
الحامل و المرضعه ممنوع تستخدمه
و اي سؤال انا موجودة فالخدمة🌹

و اللي بتنقل الموضوع يليت تكتب اسمي 
و 
حبيت أفيدكم عشان كلنا نصير قمر و بلوك جديد بالعيد
ما أبغى منكم غير انه دعواتكم الله ينحفني بصحة و عافيه و يرزقني بالزوج الصالح العازب اللي يحبني وًيسعدني 💕