المقادير
6 كوب دقيق بر ( ممكن استبدال كوبين بدقيق أبيض لو كان البر كثير النخالة )
16 فنجان القهوة سكر = 4 كوب وشوي
4/1 3 لتر ماء مغلي
( رشة زنجبيل وهيل وحبة سوداء )
الطريقة
يحمر السكر مع التقليب علشان ما يحترق ويصير طعمه مر
نصب عليه الماء المغلي كوب كوب بالتدريج مع التقليب علشان نرفع السكر المتكتل ( مع الحذر لأن في هالمرحلة راح يفرقع السكر)
نضيف البهارات ونغليه إلى أن يذوب كل السكر – نرفعه عن النار ونخليه يفتر
يحمص الدقيق شوي ( لا يحمر كثير علشان ما يغمق لون العصيد )
نضيف 3/2 القطر ( السكر المحمر مع الماء ) على الدقيق مع التقليب يالشوبك علشان ما يتكتل ( أو العكس نضيف الدقيق على القطر )
بيتكون عندنا خليط مثل المهلبية أو الزبادي
يتبع
نكسره ونصب عليه شوي من القطر ونضربه بالمضرب الخشب
( طبعاً إللي ما تقدر أو ما تعرف تضرب بقوة – مثلي – تستخدم العجانة أو الكيتشن ماشين بس على دفعات ويكون فاتر لأن الخليط بيكون ثقيييل مع الإنتباه لاااااا يخترب الجهاز وتدعوا علي )
بعد الضرب نحط القدر على النار ونسوي فتحات في الخليط إلى القاع ونصب الباقي من القطر ( عدا قليل ) ونتركه يطبخ على نار هادئة حوالي 45 – 50 دقيقة أو ندخله الفرن وهذا أفضل ونتركه نفس المدة أو أكثر
بعد ما يكون السائل تبخر وبقى شي بسيييط – نرفع القدر عن النار ونضرب الخليط بالمضرب ( وبيكون الضرب سهل لأن الخليط صار أخف ( ممكن نصب عليه من القطر لو شفنا إنه جامد كثير وصعب الضرب )