عفوا البروستد

اختي حبوبة جربيه مرة وشوفي الفرق اولا مابيفتح وبعدين لما بتتركيه لحتى يروح ضغط البخار بيسحب الحمض وبصير طعمه غير
بالنسبة للبقوليات (الحمص والجريش والعدس000)فلازم نخليه يغلي ونسحب الرغوة الي بتتشكل بعدين بنحط الغطا وبنضغطها ولازم السائل ما يتجاوز بهالحالة نص ارتفاع الطنجرة
اما الزيت فما جربته فيها واظن ان البروستد بيلزمه طناجر عالية التحمل للحرارة

أم مضر ياريت تكتبي بتفصيل أكثر كيف بتطبخي ورق العنب في طنجرة الضغط ؟؟ كمية الماء لوين لازم تكون ؟؟

تكرم عيونك بالنسبة للمي والحامض لازم تغمر ورق العنب متل اي طنجرة تانية ولاننسى نتقل ورق العنب ونخليه على نار عالية لحتى يغلي ويعطي صمام الطنجرة الانذار بانه وصل للضغط المناسب (بصفر اوبيهتز حب نوع طنجرة الضغط) بعدين بنخفف النار جدا وبنتركه حوالي 45د اذا كان ورق العنب بالاصل في برطمانات ماء مملح اما اذا كان محفوظ بالفريزر فيكفيه 15-20د وبعد ماتطفي النار لاتفتحي الطنجرة قبل نص ساعة على الاقل ولما بتفتحيها فرغي الحمض واعيدي اغلاقها اذا رغبت بعدم تقديمها مباشرة لانها تحتفظ بحرارةالاكل لساعة تقريبا
ملاحظة نحن نطبخ ورق العنب بماء مع حمض اما اذا كنت تتطبخيه بماء فقط فانه يحتاج لوقت اقل لان الحمض يؤخر عملية الاستواء
ارجو ان اكون افدتك وانا ساتابعك هنا اذا احتجت الى اي اسئلة اخرى000تحياتي

تسلمي حبيبتي وربي يزيدك من واسع فضله
أفدتيني كتير كتير
لكن بدي أغلبك معي
شو بتقصدي بالحمض ؟ وعشان ما بكتر اسئلة ياريت تكتبي طريقتك بالتفصيل الممل جداااا عشان ما برجع أسألك مرة تانية
تبدي بحشوة الورق و صف الورق في الطنجرة و تنتهي بمكونات طبخه

شفتي كيف أني غليظة :) ما بيعطيني حدا فرصة إلا وأنقضيتي عليه بأسئلتي :)


ومشكورة سلفا حبيبتي