يا زمان الصبا << ذكريات جامعيه

السلام عليكم
حيث اني فاضيه ومبطيه عنكم
قررت اني اعود عليكم بسباحيني الجميله
طبعا سلسلة سلمى لن تنقطع
لكن اليوم راح يكون فيها شي من التجديد
بصير اكتب سوالف
يعني كل يوم حلقه
<<<< وش عندها طاش ما طاش
اقصد يعني بيبدا رمضانكم بدري هع
المهم يا الغالين

السالفه وما فيها
ان سلمى
خريجة انتر ناشونال سكول ومن اكثر الناس مزاجيه وعنصريه و شوفة نفس و تكبر و غرور وثقل دم ونعفقه وتفاهه و فشخره على غير سنع <<< ما خليتي شي >>> حديث الروح طبعا

فقد كان من الطبيعي ان تكون سنتي الجامعيه الاولى في جامعة البنات خاااااااااااااليه من البنات
الله لا يلومني طبعا
اللي ما شاف جامعة سعود فعليشه
ينقصه الكثير من الوعي الديني قولوا لي ليه وعي ديني
لان الجامعه هذي للعظه والعبره
كلن يحس بنعمة اللي عنده
يقولون لو تشوف جامعات الناس تهون عليك جامعاتك و كلياتك ودواماتك و بيتك وعيالك وكلش

ولكني اتخذت قرار حاسم ان ما بدهاش ولازم هالسنه تكون افضل من اللي قبلها خصوصا انها سنة تخصص
والعلل اللي بيكونون معي في المحاضرات بيكونون معي لين اخلص من هالقرف اللي انا فيه
هذا اذا ما تزوجوا وحذفوا ترم!!! الا ليه اي سعوديه طالبه تتزوج تحذف ترم ؟؟
بزعمها صغيره يعني عند المعرس وانها بدال ما تقعد في الجامعه سنه تجلس سنه ونص ولا وش السنع
لا تقنعوني ان البنات هالايام بتجلس في البيت ترم علشان تقابل رجلها وتفطره وتغديه وتطبخ وتنفخ
طل طبعا
الا منبطه نايمه الين يرجع من الشغل ويجيب الغداء معه
ما علينا
المهم اني لابد اني الاقي احد اقرقر معه الين اتخرج ويسلفني ملازم وينقلني محاضرات يعني يصير لي شله زي باقي البنات امهات الشلل
الا الشله ليه اسمها شله ؟؟؟
يمكن من الشلل ولا من الشيل ولا من الشيله<< شيلة منيخل يعني اللي ما يعرفها يسال امه
الزبده شلتي قادمه باذن الله الييييييييييييين اتخرج
على طاري التخرج .... كم باقي
لحول
من ندخل الجامعه وحنا نقول كم باقي؟؟
ليه ما ننبسط زي هالعالم في الجامعه
معقوله فيه سعوديات يفكرون ياخذون صوره جماعيه في حدا القاعات للذكرى ولا يسون كتاب جامعي لخريجات الدفعه يرزون فيه صورنا مثل الجامعات العالميه
الظاهر اننا نفشلهم
ما ود احد يعترف بوجودنا
بس حلوه فكرة الصور والله يا علي صوره في بطاقة الجامعه
اشششششششششوا انهم ما يحطونها في كتاب
كان ما نعرس
يوووووووووووه متى افتك من عقدة العرس
كل بنت تسال نفسها هالسؤال متى اعرس ؟؟؟؟
يمكن علشان يحذفون ترم

يا حليلي هذي اول ابتسامه جامعيه لي هالسنه الله يجعلها سنة كلها ابتسامات

وما يمديني اقطع هاجوسي الا قاطعتني ضحكه جماعيه يصحبها اشارات غريبه بالايدي والارجل والخشش فهمت انها تهكم وسخريه
من شله مع تحفظي على الكلمه
من شلة بنات
امحق علاقات اللي بسويها من اولها يتهزون بي عيني عينك
حرام الواحد يضحك مع نفسه في هالجامعه
وع
الله يسامحك يا نواف لو انك ما خذني معك وفاكني من هالعالم المريضه
الله ياخذهم فككوا ام جوي
ااااااااااااااه يارب يارب اتزوج واحد يدرس برا ويخليني ادرس معه الله يقطع هالعادات اللي ذابحتنا بعذرنا يالسعوديات نتمنى العرس
تبين تسافرين اعرسي
تدرسين اعرسي
تستقلين اعرسي
تستقرين اعرسي
تلبسين كعب اعرسي
تحطين مكياج اعرسي
تلبسين قميص نوم اعرسي
كل رغباتنا البسيطه مرتبطه بالعرس
اجل لو نبي شي يستاهل وش نسوي

هالمره اللي قطع هاجوسي مسؤلة شؤون الطالبات وهي تعطيني جدولي
سلمى ؟
ايه سلمى
دراسات اسلاميه ؟؟
لا انا طالبه علم نفس
معدلسسسسسسسسسسسس ما يكفي
بس انا درست سنه اعداد عام على اساس بكون علم نفس
والله عاد موضوعس هذا ما ينحل الا عن طريق ادارة الرجال خلي ابوس يراجعهم ويغير قسمس
ابوي مسافر
اخوس
اخوي يدرس فامريكا
اجل اعرسي
!!!!!!!!!!!!

كن هالعرس في جيبي وانا معييه
ياشين اللي يزن على البنت اعرسي اعرسي
ما جا حمار القايله اللي عليه السكني اللي اباخذه
الله ياخذ عمر العدو

اندوش راسي وادوشتني وفي الحلقه الاخير عقل الله قسمي وطلعت غلطانه في الاسم واشوا طلعوا مسجليني علم نفس
واللي دراسات اسلاميه وحده ثانيه
متى نتطور ونصير زي جامعة الاولاد
ما نبي اكسفورد ولا هارفورد
نبي نمشي امورنا توماتيكي بدال ما حنا للحين كل شي يد بيد ولا يطق على جدار
متى يصير عندنا ايميلات و وواجبات عن طريق النت ومحاضرات على سيديات و سعة صدر

المهم اني بديت احس برغبه شديده في العوده الى الببت خصوصا اني مواصله ولا يتزاول لي الا السرير وبما ان جدولي يبدا من يوم الاثنين واليوم السبت قررت اني اسحب عليهم من هذه اللحظه الى اليوم الموعود

يتبع