نصيحة لله لمن يفكر بالأنتساب في جامعة حضرموت للعلوم والتكنولوجيا{الدمام - جده-الرياض

نصيحة لله لمن يفكر بالأنتساب في جامعة حضرموت للعلوم والتكنولوجيا{الدمام - جده-الرياض}
أخواني وأخواتي الكرام

السلام عليكم ورحمة الله وبركاته

في البداية كنت مترددة في كتابتي لهذا الموضوع بس بصراحة إلى يسير من الجامعة يجبرني أكتب من باب الفضفضة والتـــحــــذيــــــر وتقديم النصيحة من هاذي الجامعة
وكتابتي بتشجيع من بقية الطالبات المظلومات من هاذي الجامعة!!!!

((( قبل ما ابتدي ترى موضوعي طوييييييييييل يبغاله طولة بال لأنه شكاوي من مجموعة طالبات يعني اللي تقرا لاتدعي علي إني طولت بالكلام بس لان فيه شرح بالتفصيل عن بعض اللي سار ))

عشان مااطول عليكم
بأسم مجموعة من طالبات الجامعة وتحديدا قسم رياض الأطفال -منطقة الدمام- نقدم النصيحه::


((جـــــــــــامعة حـــضـــــرموت للعلوم والتكنولوجيا))

أحنا عرفنا الجامعة عن طريق الإعلانات في المبوبة ومقرها (الدمام-جدة-الرياض) وبنياتنا الطيبة سجلنا وتحديدا حكاية الـــــــــــــرســـوم الميسرة اغترينا فيها

المشكلة الأولى::
من بداية تسجيلنا واستلامنا الكتب كانو محددين الامتحانات في تاريخ معين
وكنا نطلب من الاداره ملخصات تساعدنا وتفهمنا اسلوب الجامعه وحتى كنا نطلب محاضرات ،، طالبات قالولهم في محاضرات لكذا مادة وطالبات قالولهم مافي ((يعني تناقض عيني عينك بكلامهم مع الطلاب))
وسارت محاضرة لمادة وحده وطلبوا فيها رسوم بحجة أنها مش محاضره لاكن كحصص تقويه للراغبين!!!!
وعلى حكاية الرسوم بحجة أنها إيجار لقاعة المحاضرات ((طيب ليش ماكانو عارفين هذا الشي من قبل مايفتحون فرع لجامعتهم ان القاعات لها متطلبات ))
وصحيح الرسوم للسنة الدراسية لترم الواحد 2000 ريال و150 للكتب بس شغلة كل شي برسوم هذا الشي استفزازي
ليش مااخذوها من البداية ولا أنهم كل شوي ادفعوا لكذا وادفعوا لكذا!!!!!

المشكلة الثانية::
تأخر موعد الامتحانات من غير إعطاء خبر لمجموعة من الطلاب والطالبات إلا في وقت متأخر!!

المشكلة الثالثة::
من وقت التسجيل وبزيادة قرب وقت الاختبارات كنا نطلب بشدة وجود ملخصات مساعدة أو نماذج اختبارات
وما أقول لا أخذنا نماذج بس زي قلتها ومش لكل المواد ولو إننا ما اخذناها كان أحسن وبقولكم السبب بعدين !!!

المشكلة الرابعة::
جات الاختبارات ((والكل يعرف خوف الاختبارات )) ومحتاجين دعم من الجامعة ومساعدة وتشجيع بس للأسف!!!!
قبل الاختبارات طلبوا من كل طالب 50 ريال رسوم دخول المادة يعني 300 لستة مواد
ومع العلم ويشهد الله ان في ناس ماعرفو بهذا الشي إلا وقت وصولهم اللجنة!!
غير أنهم قالوا لأول طالبة دخلت لجنة الاختبار ممنوع الدخول الا اذا دفعتي 50 رسوم المادة
(( قال أيش المره هاذي إيجار لقاعات الاختبارات سواء للأولاد أو للبنات وغير أنه إيجار للمشرفات إلي يشرفون علينا))
وبعد مظاهرات من مجموعة من الطالبات لغوها واعتبروها جزء من رسوم البطاقة الجامعية وهي ب 100 ريال ((ونفس الشي ماجانا خبر عنها إلا وقت الاختبار))

المشكلة الخامسة::
أول امتحان وصلنا عنه نموذج أسئلة امتحان طلبة جدة لانهم اختبرو قبلنا وكانت سهلة وبسيطة تفاءلنا فيها تفاؤل كبير إن الامتحانات ميسره وان إدارة الجامعة الأساسية ((في حضرموت)) مهتمين بالطلبة
لاكن أتفاجئنا واتفجعنا بالأسئلة وقت ماقريناها من درجة الصعوبة إلي فيها وإنها تختلف 360 درجة عن النموذج إلي وصلنا وغير كذا كان في أسئلة مش معانا في المقرر ورجع اللوم على دكتورة المادة



((يعني بالله إدارة الجامعة ماتشوف نماذج الاسئلة بعد ماتنكتب وتشوف مدى صعوبتها وخــــــــــــــــــصــــــوصـ ــــــــــا إن إحنا انتساب لا مراجع لا ملخصات لا محاضرات تساعدنا ولسا أول سنه وأول ترم بدل مايشجعونا حطمونا تحطيم من أول مادة وسدو نفسنا عن بقية الاختبارات))
((لاكن الشهادة لله التغت المادة بعد مظاهرات البنات وقرارهم انهم مايكملون في نفس الجامعة اذا كان تقديرهم للطلاب بهذا الأسلوب_ _ تقريبا هاذي الحسنة الوحيدة)))
غير إن مادة من المواد وصل نموذج لها لامتحان جدة في نفس صباح يوم الامتحان يعني أغلبية البنات ماكانت عندهم زيها وبالفعل جانا الاختبار بنفس أسلوب النموذج الجديد والاغلبيه معتمدين على القديم!!!

المشكلة السادسة::
وهاذي سارت مع وحده في قسم ثاني وهي تطلب مساعده من دكتور مادة معينه عندها (والدكتور تقريبا كان متواجد بالرياض او الدمام)) وكان يقولها تواصلي عن طريق الايميل ،، البنت مسكينة خرب كمبيوترها كيف تتواصل!! مافي غير انها تكلمه شخصيا وفعلاً كلمته وسألته عن كذا سؤال مش فاهمته وقبل الامتحان بكم يوم في نفس المادة طنش اتصالاتها سواء من جوالها او أي جوال ثاني ويوم الاختبار قفله مره وحده ووالله والله والله نفس الاسئله الي سئلته جاتها في الاختبار!!!

المشكلة السابعة::
كانت طريقة الأسئلة في اغلب المواد تجينا كلها اجباري مافي مثلا سؤال اختياري
أو زي النماذج إلي قلت عنها أول كانت عندنا فتره واعتمدنا أسلوبها السهل لاكن وقت الجد ،،، مختلف الأسلوب بالمره وصعبه مش زي النماذج فقره سهله وفقره صعبه ونختار السهل بس هذا اغلبه صعب ((وارجع أقول مافي تقدير للطلاب بأنهم أول سنه ويرغبونهم في الدراسة))

المشكلة الثامنة:
بعد انتهاء الامتحانات قالوا عشر أيام أو أسبوعين بالكثير وتطلع النتايج
وانتظرنا إحنا ياالطلاب أسبوع – أسبوعين – ثلاث – أربع بعدها اتصلنا قالوا لسا ماوصلت لليمن بدري لان التصحيح هناك
قلنا طيب وسكتنا
وتمر الأسابيع وكل أسبوع يقولون الثاني اكيد يوم السبت
نتصل السبت يقولون الاربعاء
نتصل الاربعاء يقولون السبت
وعلى هذا الموال ،، وغير أنه يرد إلي ماسك إدارة الدمام مع احترامي ((ماعنده كلمه وحده)) يعني كل بنت تتصل تسأله يقولها كلام وكل بنت بموعد نتايج وهمي
من شهر ونص وصلنا كلام إن في مشكله مع إدارة الجامعة في اليمن ومسئول إدارة الرياض والدمام ((هو نفسه لان مسئول جده واحد ثاني))
!!!! طيب أحنا الطلاب ايش دخلنا بالمشاكل هاذي !!!!
ليش تتأخر نتايجنا!!!!!

وبتقرب 3 شهور ننتظر النتايج
ونتايج أيش مجرد ترم واحد في أول سنه
يعني على كذا مانخلص جامعه إلا وأعمارنا فوق 30 وياريتها نتايج تفرح إلا مجرد (استبيان) ورقه فيها علاماتنا وهم مسويين عليها حنه ورنه

المشكلة التاسعة:
تقريبا من شهرين ونص مجموعة من الطلبة والطالبات سجلو لترم الثاني برسوم جديدة على أمل الكتب كاملة ،، وسجلو وهم لسا منتظرين نتايج الترم الأول ،، وقت التسجيل عرفوا إن الكتب ناقصة لاكنها بتوصل بالقريب والى الآن الكتب ناقصة ومش محدده الدروس المقررة علينا
ومجموعة ثانية شاطره استلمو كتب من غير مايدفعون ولا ريال الين ماتطلع نتايج الترم الأول

المشكلة------::
ناس مساكين طفح عليهم الكيل وحبو يتكلمون مع مسئول له كلمه يكون اقلها قد الاسم إلي حامله سواء دكتور أو مدير مكتب أو حتى موظف في الإدارة
يعني يشتكون عند مكتب الدمام قالوا كلمو الرياض كلمو الرياض قالو كلمو جدة كلمو جدة قالو احنا مالنا دخل
أجل نكلم مين!!!!!!!!!!!
بعد إعفاء المسئول القديم عن منصبه الأسم بس انه مسئول لأنه هو السبب في كل اللي سارلنا ((ماأقول إلا حسبي الله ونعم الوكيل))
المسئول الجديد إلي بداله يقول لسا هو راح يوصل مشاكلنا وشكاوينا لإدارة الجامعة يعني ياليل ماطولك

ولأن كم طالبة ناوية تنسحب من الجامعة وتبغى تسترد مبالغها إلي دفعتها لترم الثاني لأنه بصراحة حرام جامعة أهلية دراستها بفلوس مافي احترام للطلاب ولا تعامل معاهم زي الناس ولاتجاوب ((وماخفي أعظم بس خليني ساكته)) وعلى كذا مرسبين كم بنت
وكل مسئول نتكلم معاه يحولنا على الثاني يعني مافي أحد يعتمد عليه !!!
والي قاهرنا على هذا كله أن الجامعه معترف وموصى فيها من وزارة التعليم العالي السعودي!!!!

(( يعني هاذي تصرفات لبقه او محترمه او منطقيه من جامعة أو إدارة جامعة))
بس ربنا هو العالي والداري بالظالمين

وهاذي نصيحتنا لكل من يرغب في الالتحاق بالجامعة
وصلتها لكم بكل أمانه عشان حرام تضيع سنين من الطلبة بسبب لعب ادارة زي ماضاعت سنتنا عالفاضي اقلها الين تتعدل إدارتهم

((سنــــــــــــه كامله ندرس تـــــــــرم واحد الحمدلله والشكر))