تعلن الخطوط العربيه الكركريه عن اقلاع رحتها رقم 0صفر0صفر0صفر0 والمتجهه بأذن الله الى
قلوب وأذان الاخوات بالواحه الكركريه
واللي يصير شاطر طوال الرحله نوعده انه يروح معنا بالايام القادمه برحله
الى مدينه فطوم حيص بيص
في اقصى جزر الويق واق خخخخخخخخ
كجائزه
اشطر مسافر على متن الخطوط العربيه الكركريه آملين من الله ان تقضوا مع رحلتنا وقتاً ممتعاً
طن طن طن طوطـــــــــــــــــو <<< علق خخخخخخخخخخخخ
يسعد مساء منهم على النفس غالين نكتب لهم بالرصاص قبل الاحبار
<<< على بالي اقول قصيد ه ههههههههههه
خلاص كلن تفقد قشه
ما احد نسى شي ، جبتوا البردنق توبيس سوري سوريقصدي بردنق النقل الجماعي ،، خلاص خلا ص والله لا ابطل الملاغه قصدي البردنق باص
وقبل لا نركب الطياره كلن يمر الله يعظم اجره اقرب دورة مياه
(والكرامه للجميع ) مانبي تبلشوننا أذا صرنا فوق فوق فوق هام السحب
من وسع ممرات الطياره الواحد اذا بغى يروح ضروري ضروري للحمام شال هم مشوار الوصول للحمام
من ضيق الممر
وخاصه اذا جت النظيفه النظيفه ببقالتها وقشاويله
وسدت الطريق عاد وشوله الواحد يقعد يتميلح ويقول ابي اروح للحمام
بس علشان يحب يشرف ويشوف الحمام
الحمام مثله مثل أي حمام على وجه الارض ههههههههههه
واللي يتـأكد من قشه الله لايهينه يركب الطياره بكل رجلينه ، وكلن يقعد وينثبر بمحله
على طاري ينثبر طنط رائعه تقول أن كلمة انثبر كلمه حلوووووه وزينه
واذا جلستوا على كراسيكم اربطوا الاحزمه مهوب لازم تحترون يقال لكم
وكل وحده تكتف تسنه في مدرسه وتحط اصبعها على اثمها
ايه نبي نطير ولا نبي أي مخالفة لشروط الخطوط العربيه الكركريه
ايه ياحبيلهم شاطرين وس ملحكم قعدتوا سموا بالرحمن وقالوا دعاء السفر:
الله اكبر, الله اكبر، الله اكبر،
سبحان الذي سخر لنا هذا وماكنا له مقرنين ، وإنا الى ربنا لمنقلبون ..............
لا تستلجون على هونكم فشلتونا اللي مايعرف الدعاء الحين يشغلون المسجل
ورددوا وراء ه بس على هونكم بلا لجه وصجه
واللي يحس ان تسبده تقلب والا والله انه يقضب معه كيس بلاستيك
مانبي بلاوي متلتله
عاد ان تسان انكم تبون تسمحون لي اسولف عليكم طول الرحله ترى ابدن ماعندي مانع
احب ماعندي السوااااااليف
واللي تحس ان ماوده تسمع تسد اذانه تدحرج قطعة قطن
وهاه لاتنسون ربصوا القطنه بشوي سعبول
علشان ماتطيح وتبتل في محلها هههههههههههه
واللي تبي تتحمل وتحتسب وتسمع ترى بالرحله يبون يوزعون علينا عصير جح
واللي تبي مع العصير حبة بنادول ترى بس للناس السبشل
اللي تبي تنفقع روسهم وتفغى فغي من هذرتي ههههههههههه
نسيت اقولكم أن الغرض من كتابتي للموضوع
هذا وعــــــــــــد وعدته الاخت جين اير الله يذكرها بالخير
واللي تطورت مع اللي تطوروا وغيروا اسمائهم
واللي سمت نفسها أحلام مؤجله
ارسلت لي اختي أحلام العام رساله
بعد مارجعت من السفرتتحمد الله على سلامتيوالله هالبنت واااااااااصله يوم كانت جين اير
بس ما ادري عن اخبارها عقب ماتطورت ليتها باقيه على الاول
ماعلينا طلبت مني أختي أحلام اني اذكرلها المواقف الطريفه في رحلتنا
عاد أنا وعدتها اني انزل موضوع عن المواقف الطريفه في رحلتنا
أو بعض الاحداث اللي صارت معنا
بصراحه أنا نسيت
موضوع الوعدوماذكرت الا يوم جاء قدام عيني موضوع الاخت( أيامي)
وكان بعنوان
(( الاجازه بعد شهرين وين النيه ))
مير انقــــزعقب هالموضوع
وادبتس اتفقد جوزاتنا هن الى الحين ملفوزات بمكانهن اللي أنا مغبيتهن بوه
ايه من ذل سلم
تعقدت من شغله كد سواها اخوي يوم كان صغير
كان الوالد مغبي الجوزات بشنطه
سمسونايت بس كل اللي بالبيت يعرف رقمها خخخخخخوش الفايده؟
وكان بالشنطه صور لنا عاد من ملحي كل يوم افتح هالشنطه واقعد اتفرج على الصور
من زود الملح والقبله معجبه بنفسي خخخخخخخ
ومره من المراريت فتحت الشنطه ولا قفلتها عقب ماشفت البكشرات
جاء اخوي من عقبي وحب يكون بذاك اليوم بيكاسيو
وما لقى يشخمط الا بالجوازاااااااتالله يعطيه الكسر امزح امزح استغفر الله
ان تسان انكم مامليتوا الموضوع يتبع
تبون اعلمكم ولا تعلمون احد قولوا قسم !!!
احطه هاه هماه بكيس الطحين بس مهوب الابيض حق الكيك والفطاير لا
الاسمر حق المطازيز والمرقوق لان ضامنه ما فيه احد يطزز ولا يرق غيري بالبيت
الحين ابي اسرد لكم بعض المواقف الطريفه اللي صارت لنا في سفرنا العام لماليزيا
هيــــــــــــــا نطلق
بعد ماوصلنا لكوالا لمبور كان التوقيت عندهم الساعه 1 الظهر
وكان التوقيت عندنا بالسعوديه الساعه 6 الصبح
يعني الى الحين على نظام ديرتنا مابعد تأقلمنا
على ماوصلنا للفندق كان دحومي نايم وماشاف أي شي من اللي حوله على نومته بالطياره
المراد اننا يوم وصلنا للفندق و جدعنا بنفسنا ونمنا
الى وقت معلوم
اهل ماليزيا كانوا قايمين في وقت نومتنا ياسوديا ائيربيا ويوم قمنا ناموا هم
المهم طلع صبح اهل ماليزيا وكلن بداء يروح لشغله وكنا حنا شبعانين نوووووم
كان دحومي يطالع مع دريشة الفندق
يوم شاف الحريم اللي راحين للدوام استغرب وليدي
وقام ينادي في أعلى صوووووته
يمه يمه شغاله :3_2_8v: هاجه شغاله هاجه
جيت عنده احاول افهم وش يقول يوم فهمت ويش يقول
مت عليه من الضحك تدرون ليش ؟
لان حنا بالرياض اذا شفنا أي شغاله طالعه من البيت
لوانها تكب الزباله
اقوانا لاتكون هالشغاله تبي تهج يعني تهرب من بيت كفيلها
بعذرنا من اللي شفنا من هالشغالات مهوب شوي
عاد ولدي يابعد تسبدي يوم شاف الماليزيات يحسب كل الشعب شغالات
ههههههههههه
موقف ثاني صار من دحومي
كنت دايم اذا ارتفعت اصوات بناتي بالنقاش او صوت دحومي
اقول لهم لاتفشلوننا لايكون عندنا أحد عربي ويفهم وش نقول
عاد مره رحنا في رحله بالحالنا في قارب خاص لعايله وحده
طلعنا من الساعه 8 الصبح
وماكان بذيك البحيرات الا ربنا وسواق القارب
عاد اخذوا بناتي ودحومي راحتهم بالصجه واللجه حتى انا بعد
كنا نوقف كل فتره والثانيه نشوف شي غريب بذيك المناطق
يوم جاء وقت الغداء وقف صاحب القارب
ودخلنا لمطعم وسط البحيرات وماكان في ذاك المطعم
الا خوجاااااات يامال الكانس اللي يكنسهم لاو بمكنسه خربانه ههههههههه
يعني ان الخواجات بالعربي(( مايفهمون وش نقوووول ))
عاد هم يتميلحون ويهرجون في أصوات عاليه على بالهم مثقفين
وهم مايدرون معين هي مفتره
( قصدي الكوره الارضيه ) وماغير يقعبون يعني يشربون من هالبيره
عاد وش سويت أنا حبيت اتميلح واسوي نفسي انا بعد مثقفه
وصرت اناقش بناتي وابوهم بالجمال الرباني
باللي شفناه من مخلوقات الله
وكنا حاطين الحاره بالببسي والسفن أم هههههههههه
المهم تغدينا وقمت علشان اغسل ايدي
ورجعت علشان اكمل الفلسفه
ما دريت الا دحومي يقول لي يمه يمه فشلتينا ورانا سعوديين
انا اخمرت وقطمت لساني واسكت
ومت من الفشل، وصرت ادور الفرصه علشان التفت اشوف السعوديين
اللي يقول عنهم دحومي
ويوم جت الفرصه التفت لقيت السعوديين اللي قال عنهم دحومي حمران عطران
يعني خواجااااااااات بالعربي دحومي صار ماعنده ماعند جدي
هههههههههههه
ومره يوم شاف دحومي الناس يرطنون عنقليزي
طبعاً أنا مامنيب من اللي يرطنون لا بالله
أنا من القوم اللي اذا بغى شي
مايقول من فضلك ولا اكس يوزمي
تدرون وش اقول ؟
هيه هيه صديق
على بالي بسوق البطحاء ولا منفوحه هههههههههههههه
دحومي يوم شاف الناس يرطنون ويحتسون عنقليزي
قال مابدهاش اسوي سوالتهم
وذاك اليوم دعس على رجل اخته تأبيطه ما دريت الا يوم قال:
اسف ثانكيو
على باله انه يرطن مثل اللي يرطنون خخخخخخخخخ
يتبع