خذي فطاير وحلويات جاهزه أرخص وأسرع لك

اذا قهوه بس سوي حلا وكيكه مع القهوه والشاي موالح وفطاير وبعدين كابتشينو. او عصير فرش مع مني جاتوه
واذا فطور سوي فطاير التوستر.وصينيه توست بالدجاج او التونه وصينيه التوست بالباذنجان والجبن وبف باستري بالجبن وكلها هذي تقدري تسويها من الليل. مع حواضر من محل حلو ومقدوس وانواع زيتون ومثلا سانتويشات بيض مسلوق مع شريحه طماطم وخس ومايونيز
وبالتوفيق دعواتك لي

إذا جو أول شي قهوة وتمر وحلا ..بعدين سندويشات ((فلافل أو توست بالدجاج أو بيتزا وفطاير جاهزة)وعصاير وآخر شي شاي مع بسكويتات مالحة ومكسرات وممكن شيبس وفشار(بوب كورن)
اتمنى اكون افدتك..

فديتكم جميعا ماقصرتوا
تريسيا تسلمين ماقصرتي
جاراتي تقريب ست حريم بيجوني فطور طبعا

تقدرين تسوين من الليلة اللي قبلها كب كيك
سواء شوكلا أو فانيلا
سوي بيتي كروكر مرة لذيذ وسهل ويبقى عااااااددي لليوم الثاني
وبنفس اليوم اصحي سوي لك دلة شاي بحليب ودلة قهوة وممكن شاي اذا حابة
وسوي أومليت بيض وممكن تحطين بصحون خيار وطماطم وجبن أبيض وتوزعينها عليهم
وتقدرين قبلها تسوين بيتزا صغار وتخلينها بالفريزر واذا جاو تخبزينها لهم
وحلا قهوة وخليه بالثلاجة قبلها بيوم

أما الآخوات اللي قالو صينية دجاج ومسقعة
مع احترامي الشديد
هالأكلات مو مناسبة أبدا هم بيجونك 8 الصباح يعني توهم صاحين من النوم

خليك على أطباق الفطور
والبان كيك لو تسوينه بيكون روعة بس مشكلتك ما عندك وقت أخاف ما يمديك

وطبعا لا تنسين الخبز وممكن تروحين السوبر ماركت قبلها تاخذين من العسل والمربى الصغار حقت الفنادق
وفيه بقسم الأجبان أنواع جبن وزيتون بتكون حلوة

ويارب تنبسطون بالجمعة الحلوة