السلام عليكم ورحمة الله وبركاته
من أقل من يومين كتبت موضوع وبعد محاولا ت يالله نزل هالموضوع اللي هو
( زوجي اليوم سألني عن طليقته ... آآآآه يالقهر )
وكثير من الأخوات الله يجزاهم خير ردوا عليه
واليوم أفتح برد على الأخوات لقيت الموضوع مغلق طبعاً ماأدري وش السبب
بس كتبت موضوع ثاني أرد فيه على بعض التعليقات وأتمنى انه ماينحذف بعد..
الحمد لله انا وزوجي متفاهمين الى أبعد حد
وماني صغيرة بالعمر عشان أدقق على كل صغيرة وكبيرة وأول مره أفضفض لكم لأني من جد ارتحت بالمنتدى واللي تفتح ملفي الشخصي تشوف مواضيعي قليلة وماأكتب عالفاضي والمليان بس قلت بشوف لأن المنتدى مليان بالعاقلات اللي يتميزون برجاحة العقل آخذ رايهم باللي صار وهل معي حق أو لا
المهم مجموعة الله يجزاهم خير مثل أم زياد والتواقة للجنان وغيرهم كثير رد يبرد القلب لامعي ولا ضدي مجرد تعطيك كم نصيحة وتفتح عقلك على أشياء .
ومجموعة الله يهديهم وعلى رأسهم الدموع وغيرها كثير كلوني بقشوري وهم ماعندهم علم عم حياتي الا من هالموضوع
ليه يالدموع ردك كذا جارح عيال زوجي أحبهم ويحبوني ويجوني كل خميس وجمعة وأبوهم مو محروم منهم عشان تقولين الله يجمع شمله بعياله والدليل على اني أخاف الله فيهم ان بنته الكبيرة مرة في جمعاتنا يتكلمون عن زوجة ابوهم الاولى قامت قدام الحريم كلهم وجت عندي وحبت على راسي وقالت انتي أحسن خالة بالدنيا وجدتهم أم أمهم تقولي دايما والله اني أعدك وحدة من بناتي .
ويوم قلت ماله حق يسأل عن عياله قصدي يسألني من وصلهم لأنه عارف انهم مع أمهم وماراح تخليهم بالاستراحة وتروح هذا قصدي .
لعلمك زوجي ماصار يعطي عياله مصروف شهري إلا بعد ماتزوجني لأني الحمد لله أعين وأعاون ...
للأسف طلع موضوعي هذا كأني أدافع عن نفسي بس انتم اللي حديتوني
وأبشر كل اللي يهمهم أمري ان زوجي حالف لي من زمان عالمصحف انه ماراح يرجع زوجته وماراح يتزوج علي بس يجي الحريم لحظات غيره لابد
واللي تقول الله يعينه علي أولاً أقول آمين ثانياً منيب علة على قلبه بالعكس أم عياله يعني منيب عروس وقاعدة اتدلع عليه .
وردهـ الحلوة أبشرك عيالي بخير وأخوهم الكبير في الطريق جاي اليوم الله يحفظه
وأنا الليلة بجيكم ان شاءالله وبجيب معي حلى يستاهل بؤك .
شكر خاص لأحلى أم زياد
أرجو مرة ثانية ان موضوعي يرى النور
والله من وراء القصد
متشندلة @mtshndl
عضوة نشيطة
يلزم عليك تسجيل الدخول أولًا لكتابة تعليق.
al wafa
•
جزاكي الله خيرا وجعله بموزاين حسناتك
الصفحة الأخيرة