زين يارقيقة عطيني اياها.. بس ترى المشكلة ماعندي فرامة اللحم الا اذا شريته مفروم جاهز للخلطة البراعية..

وطريقتي بعطيج اياها وعن جد الظهر ينكسر وخاصة عاد هالأيام تعرفين ليش!!.. بس وانتي تسوينها لاتسوين شي ثاني.. أنا سويتها ويا بيتزا البطاطس.. عشان قلت بالمرة أقطع بطاطس كثير مرة وحدة..

علبة تونه واخلطي معاها تقريبا 5 –6 حبات بطاطس متوسطة مقشرة ومقطعة ومسلوقة.. جزرة مبشورة.. بقدونس مفروم كميته تناسب الباقين يعني ينشاف بالأكل مب كم حبة بس.. عشانه يعطي طعم وايد حلو.. وممكن اذا عندج بصل أخضر بعد حلو بس أنا لأنه مايكون عندي دايما متوفر فأحطي بدله البقدونس.. وبس بهريه بالملح والفلفل الأسود.. وأعجنيهم مع بعض.. وضبطي بالبهارات..

بعدين كوريهم كلهم.. أما دواير أو أصابع واللي أفضلهم أصابع أسهل وأحلى بالشكل.. وجهزي بصحن طحين وبصحن بيض وبصحن بقسماط..

يعني من تخلصين شغله ابدي بشغله ثانية..

أولا شكليهم أصابع وحطيهم بمكان واسع أو صينية.. بعدين قلبيهم بالطحين كلهم مرة وحدة ورجعيهم بالصينية.. وبعدين بالبيض والبقسماط..

بس هالمقدار تقريبا سوالي 146 حبة.. قليت خمس حبات وباقي 141 تبقين أطرشلج منهم!!

أنزين وحطيهم بالفريزر بصينية بس لين مايتثلجون شوي.. وبعدين وزعيهم بأكياس.. ممكن بعد بدل التونه تحطين دجاج مسلوق وشوية جبن مبشور بعد يطلع حلو بس أنا أكثر أسوي اللي بالتونة.. ألذذذذذذذذذذذذذذ

جربي الطريقة بتغنيج عن الجاهز الا اذا كام شي ثاني.. وماتعرفين تسوين..

مشكورة وبقولك لمن أجربها بأقرب فرصة إنشاءالله .....

وخليني أشوف طريقتي واعطيك إياها لأني حيل دقيقة بالمقادير ....

يم يم يم تجنن الطريقه يالمسافرة

اسويها باقرب فرصه...........وبالنسبه للتزين طريقتى مثل طريقة ام بدورى

المسافرة ........رقيقة .........ام خالد ........شكلنا كلنا هوايتنا الطبخ والمطبخ اشوفكم فى مواضيع عزيزة متواجدين على طول مثلى بس حبيت اسلك عليكم :26: :26: :26:

الله يسلمك من الشر ياأم خالد ... تصدقين آنا موهوايتي الطبخ بس شنسوي هذا المكتوب ... والحمدلله على كل حال .. الله عطى للرجل مهام وللمرأة مهام ... ونعم بالله ...
ومشكورة على السؤال عني ...

المسافرة تسلم إيدك على هالطريقة اللذيذة ... سويتها أمس وكانت روعة ... وبنتي حيل حبتها .. وتراني ماأحب التونة بس مع هالأصابع ماحسيت بالطعم يعني يدوب على خفيف .. وتدرين كنت قعد أقارن بين مالتك ومالت منال العالم ... لقيت إنها تحط شبنت وبصل وثوم ... يعني نفس مقاديرك بس تضيف شبنت وبصل وثوم وشوي البهارات غير يعني بابريكا وكمون ... المرة الياية حاولي تجربين طريقة منال للتغيير .. ويعطيك العافية