بناء على رغبة الاخوات العزيزات بنزل هالكيكة اللذيذة
وان شالله تعجبكم
وياليت تجربونها لانها فعلا لذيذة وتجنننن
المكونات
كوبين طحين
بيضتين
ملعقة ص فانيليا
ملعقة ص بيكنغ باودر
ملعقة ص بيكربونات الصودا
ربع ملعقة صغيرة هيل مطحون ناعم
نص ملعقة صغيرة دارسين بودرة
نص كوب زبدة لينة
كوب سكر
علبة قشطة
قبل لا نبدا الشغل نشغل الفرن
والحين
نخلط المواد الجافة كلها مع بعض ماعدا السكر
في الخلاط نخفق البيض والسكر والفانيليا والزبدة
وبعدما تجانس الخليط نضيف لخلطة الطحين بالتناوب مع القشطة
ناخذ قالب التوست المستطيل وندهنه بالزبدة او الزيت ونرشه قليل من الطحين
نصب نص الخلطة في القالب
ونكون مجهزين المكسرات
نص كوب عين الجمل (الجوز)
ربع كوب سكر بني
ملعقة صغيرة دارسين بودرة
ونخلطهم مع بعض
ونصبهم فوق الخلطة في القالب
بعدين نحط باقي الخلطة عالمكسرات
ندخل القالب الفرن لين تستوي الكيكة
نطلعها ونخليها تبرد تماما
نحهز التوفي عشان نغلفها فيه
3 ملاعق كبيرة زبدة
كوب سكر ناعم
ملعقة ص فانيليا
ملعقتين قشطة
نسخن الزبدة لين تسيح ونرفعها من على النار وبعدين نذوب فيها السكر والقشطة ونخفق عدل ونضيف الفانيليا لين يطلع المزيج ناعم ولامع
نصب التوفي عالكيكة ونشوفه ينزل عليها ودار مدارها بكل لذة
ننثر فوقها ما تبقى من المكسرات
نقطعها سلايس والطعم لذييييييييذ عالاخر
بالعافية على قلوبكم
بصراحة وانا انزل الموضوع رجعت بذاكرتي للوراء وتذكرت ايااااااام خلت
الله يذكر كل صديقاتي اللي كلوا من هالكيكة بخير
ويوفقهم لما يحبه ويرضاه ويسعدهم وين ما كانو ويجمعنا واياهم في الفردوس الاعلى
اللهم امين