كيف طيب استثمررر
انا عندي حساب بالراجحي ينفع عنده استثمررر
مع العلم مااافهم ولاشي من الي تقولون والله اول مرة جديد علي وتوني داخلة بالراجحي
وكيف اعمل لية محفظة وش فايدتها هي الحفظة معليش بنات ساعدوني والله ماعندي الا الله ثم انتو لاني ماعندي اخوااا كبير يفهمني في هالشغلة

قمر الشرقية
هلا حبيبتى
راح افهمك السالفه
انت عندك فلوس اقل شىء 7500 ريال
وماتعرفين شىء بالاسهم لاتبيعين ولاتشترين
اذا حطيهن بالصندوق الاستثمارى (وهذا اللى نتكلم عنه) وهو اللى يشترى لك الاسهم ويبيعهن
والربح يحطه لك بالصندوق من غير تعب وهم
ولا ياخذ عليك فائده
طبعا الصناديق الاستثماريه تختلف(اصابع ايدينك ماهى وحده)
مثلا هناك الصناديق الاستثماريه الحلال(الرئد بالسامبا-الامانه بالبريطانى-صندوق الرياض2)
وهناك الصناديق الاستثماريه الحرام مثل(صندوق الرياض1-وووووووو)
وانت اكيد بدورين الرزق الحلال وبتروحين للصناديق الاستثماريه المحلله
نجى للنقطه الثانيه هل الصناديق الاستثماريه الحلال كلها نفس بعض
طبعا لاء مثال
-صندوق الرياض2 ربحه جدا ضئيل والله مايسوى تحطين فلوسك فيه
-الرئد بالسامبا-الامانه بالبريطانى هما الافضل بالصناديق للحين يعنى ربحهم ممتاز
ممكن تحطين 7500 ريال تجين بعد سنه تلاقينهم صاروا بأذن الله 15000ريال
او اكثر
نقطه ثانيه الفلوس اللى راح تحطينهم بالصندوق لازم تنسينهن على الاقل سنه يعنى ماتسحبين منهن ولا ريال علشان يكون الربح تمام
----الافضل بالاشتراك بالصناديق الاستثماريه اخر السنه الميلاديه لان الربح يكون احسن من هالوقت
----اقل مبلغ تحطينه بالصندوق7500 ريال
واذا فيه اى استفسار انا حاضره حبيبتى
والله يسهل عليك

مشكورة رمرم لانك افدتينى ويارب استقر على راى لانى متذبذبة هالايام

مشكورة عيوني الحين فهمت كل شي من شرحك مشكورررة وماقصرتي يالغالية واسفة اني تعبتك معي

ملامح نجد
(مشكورة رمرم لانك افدتينى )
هلا حبيبتى وحياك الله
(ويارب استقر على راى لانى متذبذبة هالايام)
ليه حبيبتى متذبذبه اتوكلى على الله واستخيرى
بس بقولك نقطه مهمه ترا السوق هاليومين مره زفت يعنى زين الواحد مايخسر رأس ماله الله يهونها واحنا ننتظر نهاية السنه الميلاديه وانشاءالله ترتفع الصناديق ونشوف الخير
اهم شىء تتخذين القرار المناسب حبيبتى قبل شهر10 ميلادى
والله يقدم اللى فيه الخير