- السلام عليكم ورحمة الله وبركاته
انا قصتي مع دراستي متعبه تزوجت من 5 سنوات أخذت سنتين عند أهلي الله يحفظهم والباقي مع زوجي ومكان يبيني أكمل عشان لا يدفع فلوس وعشان لا أكون خريجة جامعه
و مره قال أخاف الوظيفه تغيرك زي الحريم
صح مافهمته بس قلت لاتخاف انا هي انا
الحمدلله صارعت وحمل وولادة وتربيه وجهاد لين تخرجت ه السنه يارب لك الحمد
ويوم جيت الحين ادور وظيفه يسلكلي طيب ابشري انا ادور أثره كله كذب
لأن قلتله ابي بشوال وكلمت كذا وحده اذا وظفتني لها اول راتب
صح البعض بيلومني بس مافي وظايف ه الزمن
هنا ياناس جن جنوووونه صار يصيح ويسب ويأشر بيده على وجهي ونزلت يده قلت وخرها ومسك شعري من ورا بغى يشده
وانا حلفت مااتتنازل عن حركته هاذي عشان مايكررها
جا عندي وقلتله ذا كله عشان فلوس صحيح قال معليش غلطان بس الفلوس اعمتتتته
مع أن راتبه عالي ونص في عماره أهله
وانا يوم قلت ودي اتوظف عشان امي وأبوي طريحين الفراش قال مو في حاجتك اخوانك في اخواني رواتبهم قليله
وراتبي لو احرقه مالك دخل ماقد سألت كم راتبك وين يروح
قال كيف تتوظفين وانتي معك 2 وأصغرهم سنه
قلت الله يخلي الحضانات
قال ليش تبين الوظيفه ماكله لابسه قلت الدنيا تطورت انت تعطيني مصروف بسيط وتقول لبسك وكل شي فيه حتى عيالي تخيلو
قلت ودي بليزر فيلر نظاره قال مااقدر على ذي قلت طيب ابي الوظيفه ولا أعطني مبلغ 2000 كل شهر قال مااقدر
حبيباتي هو احتمال يجيه بعثه بريطانيا سنتين وقالي بقعد 6 شهور وحدي عشان اعرف اذاكر واجيب مجموع ولا بيطلعوني
أصحابي كلهم سوو كذا قلتله بس كثير 6 شهور وانا عند أهلي من يوديني ويجيبني لا سواق ولا شغاله قال ماعليك تنحل واناعارفه أن قصده ابوه وتعرفون صعبه وانا كل ماتعب واحد قلت الو اخواني بعيدين وأبوي تعبان فكر فينا احنا اهلك قبل البعثة
والله قمت من النوم تعبانه مصدومه منه مااعرف كيف أتصرف معه والله يابنات انا طيبه لدرجه 5 سنوات وانا مع أهله بنفس الشقه تزوجت 19 سنه
وهاذا وأبوي شرط على المملك شقه ودراسة وكان في شقتي بس اجروها أهله
وتوني ه السنة صحصحت وطلبتها لأن ماصار في خصوصيه طبعا انا بديره وهم بديره بس أغلب الأيام عندهم وعند أهلي والمشكله بعيدين عن بعض أهلي وأهله نظطر نقسم
اختي تقول لاتخليه وحده 6 شهو قلت وش اسوي
انا ابي استشير العاقلات بصراحه وش اسوي هل اغير من أسلوبي اقوي نفسي شوي
ولا ابي اعتب عليه يصيرله مصيبه يابنات والله كل ماظلمني يصير له شيء سبحان الله العظيم العتب مو زين ودعوة المظلوم ماتنرد
من متوظفه وعندها اطفال زيي صعب انتظر لين 5 سنوات
جزاكم الله خير بإنتظاركم ترا ملخبطه بس كتبلكم بعفوية وش اسوي
بخصوص الوظيفة حاولي تتفاهمي معاه بالطيب وشوفي الطريقة المناسبة والشي اللي يحبه وتعالي له بطريقة ممكن تلينه
بالنسبة للدراسة اصبري هالستة الشهور راح تعدي بسرعة بعدها تروحين معه
والله يسخره لك ويهديه