مجرد فش خل

سوق عالم حواء التجاري

السلام عليكم

حبيت اطرح موضوع ....وهو عن زيادة الاسعار...وخصوصا فى العبايا والشيل ..الصراحه السوق مولع وايد ...والمشكلة كلها مقصه مع العذر للكل ...بس العبايا والشيل ما تسوي هالمبالغ الا توصل لها ..الا بالالاف والا ما ادرى بشوه ...والله لا تستون مخبل ومن يقلولكم سعر دفعتوا ...
شو الفرق بين قطعة العبايا قبل سنتين والحين والله انا عنى استخدم نفس القطع وهى الصالونه ما اعرف شو رقم واحد ....وكنت اسوي عبايا ب 200 او 250 اذا كثر ...والحين نفس القطعه وبمديل بسيط وما يسوى والله يقولج ب 700 او 900 ...شو هالخبال ....
وحتى فرحنا لما سمعنا ان بناتنا قاموا يصممون وقلنا بنفعهم ...طلعن اشد من الهنود ....
والعبايا اذا لبستيها كم مره بتستخدمينها؟؟ مره او مرتين وخلاص ..فليش هالاستنزاف
وعلى فكره هذا بس فى الامارات هالخبال فى الاسعار
انا مفصله عبايا فى قطر طقم ..عباة الفراشه وقطعه رقم واحد ب 300 ريال قطرى ...والله ان فيها تطريز على اليد بالاوان حلوه وشغل شغل بس ب 300 ..ولو سويتها هنا بقلون على 700 او 500
ووحده مسويه عبايا من البحرين ب 500 ...واخذ الموديل محل من المحلات كانت تضبط عباتها عنده وقام يبيعها ب 1000 ...مب حرام ..؟؟

امس اسمع محاضره لعمر عبدالكافى على قناة الشارجه ...وذكر قصة بائع اقمشة معروف كان فى الحجاز ...وكان المسؤول على البيع ابن اخوه ...
فمره وهو ماشى فى السوق شاف واحد ماسك قطعه من اقمشته فساله بكم اشتريتها ...فقال ب 400 دينار ..فقال والله انها لا تسوي غير 200 دينار ...فالرجل اخذ يجادله لان يعتقد انه حصل على سعر رخيص ..
فقام الرجل واخذ القطعه من يده والمشترى يمشى واره ...وصاحب المحل متوجه لابن اخوه فى المحل ..فمسك اذنه وقال له بكم بعت هذه القطعه فقال ب 400 دينار قاله انها ب 200 دينار ..قال ابن الاخ لكنه لم يعترض واردها ب 400 دينار...وبعدين اخذ 200 دينار وارجعهم لصاحبها ...
لان الانسان ما يكون جشع ....ولا ينسى ( ويل للمطففين )
وحرام استغفال الناس ..والانسان ما يحاول يعوض عن خساره من كل زبون 100%
وانا الا اشوفه ان الناس تشترى بالجمله ولما اتبيعه اتحاول تخلى تعويض الخساره يعوضه كل زبون ...وهذا نصب واحتيال ...وكل انسان مسؤول يوم القيامه ...
فالانسان يكسب ويكون تاجر ولكن بعيد عن الجشع ...

هذا مجرد راء ...ولكم الاخذ به او تركه ...كل انسان وضميره ..
انا عنى بتوجه للاسواق الخليجيه لانها ارخص من سوقنا والبنات والربع ما يقصرون فى شى ...
30
2K

يلزم عليك تسجيل الدخول أولًا لكتابة تعليق.

تسجيل دخول

مليكة القلم
مليكة القلم
والله صادقه يا اختي

والحقيقة اني فعلا لاحظت بان ارتفاع اسعار العبايات والشيل اكثر شي موجود في الامارات
ويوم كنت مقيمه في الامارات مره كان ودي بعبايه ما فيها موديل خطير وقماشها عادي وقالي بـ 800 درهم
طلعت من المحل ورحت خلاص مو ضروري اخذ نفس الموديل رحت على محل ثاني رخيص وفصلت عنده نفس العبايه وصفت له الشكل اللي ابغيه وفصلها لي بـ 250 درهم

لا ومره دخلت على محل عبايات بابوظبي مول يوم سألتها كم العبايه قالت 4000 درهم (تخيلي اربعة الاف درهم) والله اني يوم مسكت الخامه عاديه جدا ويوم شفت الشغل اللي عليها ما يسوى ما فيه لا شك ولا شي طبع وخفيف جدااااااااااااا وفوق كذا ديزاينها بايخ وفيه اكثر واكثر بنفس المحل حوالي 9000 درهم العبايه

هذا جنون

وبنفس الوقت حتى الانسان نفسه بيتحاسب يوم القيامه

حتى لو الانسان غني وفلوسه كثيره بيتحاسب يوم القيامه على امواله لانه ربنا بيساله ويحاسبه عن ماله كيف صرفه وبشو حطه فهذا اسراف ماله داعي


وكمان التجار الزياده الغير طبيعية بالسلعة ما يجوز شرعا على حسب ما قرات اكثر من فتوى

يعني لازم ما يتجاوز الفرق بين محل والاخر فرق غير طبيعي
ولا يكون مثلا الشي يستاهل 200 وينباع على 500 لانه يكون كذا زاد بالسعر على شي ما يستاهل حقه
وفيه فتاوي بخصوص هالمواضيع

بارك الله فيك
ام مارية
ام مارية
السلام عليكم ورحمة الله وبركاته
صح كلامكن خواتي ..
الاسعار قاعدة تكلم السما هالايام ...لا بعد المفروض ان العباية تكون ستر وغير ملفته
حسب ما نكسب من وراها اثم ...لا وعبايات هالايام لا تسالي عن الستر ..هي ابعد ما يكون عنه ..
لا وتلاقون ان كل وحدة تنافس الثاني انه عبايتها تكون احسن واغلى وعلى الموضة!!!
حتى العباية رمز الستر صارت موضة !!!!!!!!!!!!!!!!!!!!!!!!!!!!
اليوم اذا بغيتي شي بسيط يعني بس قطعة مفصلة... فوق ال400.!!!..


اسفة يمكن طلعت من الموضوع الاصلي بس هالشي كان يحز في نفسي من زمان فلقيت فرصة اني اكلم البنات عنه حتى لو ما حد عبرني ..
eng_h
eng_h
اشكرج اختي بنت الضبي على الموضوع
وبالفعل لازم على التاجر ان يخاف ربه في البيع و يطمع لان الربح البسيط
والله يدوم اكثر من الربح الكثير
واهم شي كسب ثقة الناس
العســـل
العســـل
eng_h eng_h :
اشكرج اختي بنت الضبي على الموضوع وبالفعل لازم على التاجر ان يخاف ربه في البيع و يطمع لان الربح البسيط والله يدوم اكثر من الربح الكثير واهم شي كسب ثقة الناس
اشكرج اختي بنت الضبي على الموضوع وبالفعل لازم على التاجر ان يخاف ربه في البيع و يطمع لان الربح...
:26:
أم عبادي وحسن
أم عبادي وحسن
مشكوره الغاليه على هذا الكلام الصحيح

بس شو بقول الله يعين

والله يوفقج إن شاء الله