السلام عليكم
حبوبة انتي للحين عندج وقت وان شاء الله بتقدرين توفقين كل شي وتصيرين احلى عروس
اول شي انتي من وين؟؟
اذا من الكويت انا مستعدة اساعدج في تجهيزج واقولج شنو الاشياء اللي تحتاجينها والاشياء اللي مالها داعي
ووين تروحي وشتشترين
وهم اذا مو من الكويت انا حاضرة ومن عيوني

بالنسبة للخلطات اللي انا كاتبتهم ممتازين
بس اهم شي جربي بالبداية على منطقه صغيرة وبدين كملي عشان تعرفين اذا جسمج تقبلها ولا لأ
ولا تحطين الفكس بالخلطة لانه في بنات تحسست بشرتهم منه وانتي عروس مانبي نخرب عليج
وسوي حمام مغربي كل اسبوع لين يوم عرسج صدقيني بيتغير لونج وجسمج عدل بتشوفين بشرة جديدة اذا التزمتي
ولج الحرية تبين صالون ولا بالبيت نفس اللي انا حاطة طريقته
وعلى فكرة المجموعة مالت التبييض اللي قالت عنها الاخت امورة ترى ممتااااااااااااااازة
انا رفيجتي مستعملتها تهبل وييها صار شي ثاني منور وابيض وصافي وحتى المكياج طلع عليها غير
واشتري كل كريمات العناية من جيرلان لان سعرها فيها وماراح تتحسفين ان شاء الله

اهم شي لا تنسين تكثرين من العصائر الطبيعيه ترا لها تأثير على البشره وبتعطيك نظاره

عصير البرتقال مرررررررررررره زين للبشره

وعصير الجزر بعد ممتاز بس لا تكثرين منه حتى ما يطبع لونه بالجسم وممكن تخلطينه مع عصير برتقال

على العموم كل عصائر الفواكه مفيده

وعسى الله يوفقك

ألف ألف مبرووووووووووك...........وعقبالي ههههههههههههههههههه
والله قطعتي قلبي...........
كلام ANOTHER 100%

أنا جربت خلطة وشالسالفة( للبياض ) روووووووووووووووعة استمري عليها وانشاالله تفيدك

ابدأي من الان لأن الجلد يأخذ فترة حتى تبان النتيجة:27:

وبالتوفيق:26:

نصيحتي لكي يا اختي انتي ماباقيلك وقت واغلب الخلطات الطبيعية تحتاج وقت

حاولي ان دائما تروحي لصالونات التجميل

وتدوري الاحسن والارخص

وفي صوالين كثيرة تقدم عروض حلوة للعرايس من حمامات مغربية وتنضيف بشرة

وكثرت الحمامات المغربية تفتح الجسم اما بالنسبة للركب والاماكن السمرة روحي عند دكتورة جلدية تعطيكي الكريمات اللازمة او تسويلك تقشير

والف الف ابروك

وعقبالنا قولي امين

ألف مبروك حبيبتي
وتره 4 أشهر فتره كافيه أنج تصيرين أنسانه ثانيه
شوفي بعطيج طرقة شراب تفيد البشره والشعر ممتاااااااااازه
كوب حليب + ملعقة عسل اسود + ملعقة خميره
كل يوم عالريق والله أن مفعولها أينن
إذا عندج حبوب أو بقع حبوب مالج إلا منقوع المره
نقعي مره ببطل وكل يوم مسحي بقطنه المناطق اللي فيها حبوب
بالنسبه للمناطق الحساسه السوده عندج دهنيها كل يوم بالليل بعصير بطاط + عصير ليمون
والنتيجه تبين بعد أسبوع وإذا أستمريتي شهر بتطلع النتيجه قتاكه
وأهم شئ لازم أنج بعد كل وضوء تنشفين المنطقه الحساسه لأن الرطوبه مع الملابس تسبب السواد
الأكواع والركب أستخدمي لهم ليمونه راشه عليها ملح وفركيهم بعديم قشريهم بالسكراب وغسليهم بعدين دهنيهم بكريم جلسرين
الطريقه مأخوذه من وحده بالمنتدى ونفعت واااااااااايد
ومثل ما قاللو البنات الحمام المغربي أسبوعيا يعمل هبايب والله وأستخدمي خلطة الأخت شالسالفه للتبيض مع الحمام المغربي ممتازه
ممكن تستخدمين هرده (طحينه) على الركب والأكواع لما تنشف فركيها بليمون يوم وترك لمدة شهر ممتاااااااااازه
للشعر سوي ماسكات طبيعيه للشعر وأستخدمي البخار أسبوعيا والله بتستفيدين بس لازم تقولينلنا نوعية شعرج وأنشالله ما يصير خاطرج الا طيب
استخدمي الجنسنج للشعر يعطي نعومه ولمعه
الروب والسدر ثلاث مرات أسبوعيا للشعر ممتاااااز
المايونيز مره أسبوعيا
تشطفين شعرج بماي مخفف فيه خل تفاح بعد كل سبوح أينن
هذا اللي عندي الحين
بس أهم شئ لا ترتبكين ولا تحاتين وأنشالله كل اللي تبينه يصير وأنتي أحسن من غيرج
أنتي تحجيتي قبل أربع أشهر ناس يتكلمون قبل العرس بأيام
صدقيني الخلطات الطبيعيه تييب نتيجه تستمر معاج فتره أطول من الكريمات
ولج حرية الأختيار