اعتدى ابوها عليهامشكله انسانيه في انتظار من يحلها<<الرجاء التثبيت>>

يابنات هناك موضوع خطير وحساس لازم نناقشه لانا بنات حواء مانسكت على الغلط ونتهاون في حقوقنا ........
راح ادخل في الموضوع بسرعة لاني فعلا ودي انفجر من القهر والحسرة على قريبة لي وصديقتي فهي في عمري تربينا مع بعض وعشنا طفولتنا مع بعض.......
ومع هذا راح تستغربو لما اقولكم اني ولامرة مادخلت بيتهم حتى مع امي كان ابويه يمنعنا , لكن ليش؟؟؟؟؟؟؟؟؟؟؟؟؟؟؟؟؟؟؟؟؟؟
كنت استغرب لما كبرت حسيت انها موطبيعيه يمكن معقدة ماادري يوم وفاة ابوها كانت تضحك عادي ماكنه ابوها فعلا كانت لغز شخصيتها , تصرفاتها ؟؟؟؟؟
انا لما اتوفى ابويه كنت مخطوبه وكانت اختبارات النصف الاول من اولا ثانوي ماقدرت اروح الاختبارت وجاتني حالة اكتئاب شديدة لاني كنت دلوعته جاتني فترة قررت فيها اني مااتزوج حسيت (استغفر الله)بالياس من الدنيا اذا ابويه راح خلاص انتهت الدنيا بالنسبه لي لا زواج ولا غيره وتعبو اهلي لين مااقنعوني وملكولي بسرعة لانهم عارفين انو خطيبي(زوجي الان)ابن عائله وطيب والكل يمدحه وماكانت امي تبغاني اتهجول على يد اخواني على كلامها والملكه صارت ايام العدة عشان مااتراجع واتركه...
كانت صديقتي مستغربة ممن حالي ايام كانت تقوللي كل هدا عشان ابوكي؟؟؟؟؟؟؟؟؟؟
واتزوجت انا واتزجت هي كمان رجل ذو سمعه واخلاق فوق الوصف ومركز اجتماعي مرموق وغني كل البنات تحسدها عليه سكننا انا وهي في الرياض لوحدنا بس انا اتزوجت قبلها بسنه .....
جاتني يوم زيارة مفجاء ة اضطر زوجي يطلع من البيت....كانت منهارة سالتها خير عسى ماشر ايش صاير فلان زعلك؟؟؟؟؟؟؟؟ودار بيننا الحوار وكاتبتلكم هو بالنص لانو عور قلبي ماقدرت انساه وكان قبل ماجي بكندا بكم يوم.......

لا والله ما زعلني .
طيب ايش فيكي موطبيعيه وجهك مورم من البكا كانك صارلك سنه تبكي.
في موضوع خطير ابغا اقولك عليه.
خير شغلتيني .
انا عارفة انو في تساؤلات كانت باينه على وجهك من زمان في تصرفاتي صح؟
ايش جاب الطاري؟
لا تستعجلي انا يا بنت الحلال في محنه ادعيلي انو ربي يفرجها علي ماعمرك سالتي امك ليش ابوكي الله يرحمه مانعكم تجو بيتنا ؟
(والله انحرجت من سؤالها لاني سمعت انو ابوها سئ السمعه واي اب يخاف على بنته اوزوجته تروح لهذه العائله زيارة)
انا عارفة ليش سكتي ! ابويا كان سئ السمعة كان سكير وعربيد وكانت امي تنام لوحدها في الغرفة عشان كدة كان . . . . يغتصبني
ايييييييييييييييييييييييييييييييييييييييييييييييييييييييييييش؟؟؟؟ انتي صاحيه ؟ ايش اللي تقوليه هذا ؟
والله ماباقولك غير الصحيح وارجوكي اسمعي قصتي للاخر افتكر وانا صغيرة 8سنين كانت امي من سكره تنام لوحدها في غرفة تانيه وكان يجيبني الغرفه ويخليني اتفرج معاه على افلام.........................
ويعتدي علي بعد مايحط يده على فمي عشان صوتي ويقوللي اذا طلعتي صوتك اذبحك
ووالله تكون حالتي مايعلم فيهاالا الله من صياح وبكا واذا خلص جاب اكبر سكين في البيت ويحطها على رقبتي ويقوللي لو قلتي لامك او اي احد ما تلومي الا نفسك وانا ماني عارفه ايشاللي قاعد يساويه اصلا..........وفضل على حاله الين ماسار عمري 13 سنه مرض بالمرض الخبيث واتدهورت حالته الصحية والنفسيه واستقويت عليه طبعا لاني صرت افهم وكنت بالغه وعرفت انو هذا انتقام من الله وكنت دايما اتشمت فيه واتقصد هدا الشي وكنت قاسيه عليه واتعمد اهينه اذا كان بحاجه لي طبعا ماصار يقدر يساويلي شي واذا طلب مني اي شي ورفضت يزعل ويصارخ ويهدد اقوم اقوله جيب السكين اذا تقدر والا اجيب الساطور احسن(بلهجة سخرية)
يقوم يسكت وما يقدر يقول اي شي , وصارت معاملته مرررررررررة طيبه معايا ويحاول يرضيني ويشتريلي هدايا ولكن خلاص قلبي مو قادر ينسى وحشيته....
في يوم من الايام جا وقاللي

انا تعباااااااااااااااااااااااااااااان

سكت مارديت عليه , راح غرفته وسمعت صياح اروح القاه يبكي بكل قوته وقلبي حن عليه لكن جات صورتي وهو يعذبني في بالي كابرت وتركتو من غير مااسال حتى ايش فيه خير؟؟؟؟؟؟؟؟؟؟ ماما كانت معزومه في فرح واخواني متزوجين (علما انها البنت الوحيدة)
يعني مافي غيري انا وهو في البيت....
جات ماما الساعة 4 الفجر من الزواج وقلتلها على حالته قبل شوي دخلت تتفقده (هي كمان كانت تعامله ببرود نتيجة وحشيته اللي اشهد عليها من ضرب وذل لها )
لقتو مرمي على الارض وهو مفااااااااااااااااارق الروح!

وانا صدقيني زعلت عليه لكن مو مرة............ والمشكله ااي انا فيها . . .
زوجي مرة طيب من ايام الملكه اعترفتلو على كل شي ومع هذا صمم يتزوجني وقاللي انتي مالك ذنب وكان موقفو رجولي معايا
بعد الزواج كل مايقرب مني تجيني حاله هستيريه ومااخليه لمسنى وتجيني حالات اكون في قمة الرومانسيه وانا اللي اطلب منو . . .
انا محتارة صارلي شهرين ماخليتو يلمسني لكن والله موبكيفي احس انو راح يضيع منى وانا مالي غيرو.........

بس يابنات هذه قصتها عورتلي قلبي والمتني عرضت عليها تروح لطبيب نفسي رفضت بشدة ومارضيت تبغى حل , كلمتني اول امس من السعوديه وقالت انو زوجها بدا صبرو ينفد وخايفة انها تخسرو ....
استاذنتها اني اعرض مشكلتها من دون ذكر اسمها ولا صلة القرابه اللي بيننا وافقت على امل انكم تلاقو حل لمشكلتها . . .
على فكرة هي مخلفة وعندها بيبي ..........
هي محتارة وعندها تساؤلات :
1 ضميرها الحين مؤنبها لانو ابوها مات وهو موراضي عنها هل كان معاها حق في اللي كانت تساويه معاه من قساوة وهو مريض؟
2 معروف انو عقوق الوالدين عذابه في الدنيا والاخرة وهي خايفة انو اولادها يعاملوها زي ماعاملت ابوها (مع العلم انها بارة بامها الحين وتموت في رضاها)

الله يعلم اني نقلت المشكله منغير زيادة او نقصان والله على مااقول شهيد

ارجوكم يابنات مشكلتها بجد انسانيه البنت في ازمه لو زوجها راح منها راح تضييع وكفايه الضياع اللي هي فيه!!!!!!!!!!!!!!!!!!!!!!!!!!