بقولكم اشياء ان شاء الله تستفيدون منها
السبحه جيبي كم سبحه وحده عند سجادتك بعد الصلاه استغفري مثلا ميه مره ووحده عند سريرك احيانا ماننام علي طول نسبح ونستغفر بهالسبحه ونصلي علي الرسول ميه مره
قيام الليل خاصه الحين عطله اغلبنا يسهر خخصصي لو ربع ساعه صلي ركعتين واقري فيهم لو صفحه من كتاب الله تكونين قريتي قران وبنفس الوقت صليتي القيام
الصيام اللي تقدر يابنات الخميس او الاثنين او واحد منهم خير وبركه ولاتنسون سنه الظحي
ايضا الصدقه تصدقي دايمااا او خصصي مبلغ من مصروفك وربي يتقبل منا ومنكم صالح الاعمال
شغب انثى
•
فعلا كلامك صحيح الله يتوب علينا من هاالذنوب وانا معكم خواتي وباديه احفظ سوره البقره وعقبال ما اختم القران ياررررررررررب
الصفحة الأخيرة
فعلاً نحن منشغلين بأمور الحياه وملذاتها
وحتى لوفكرنا ان نتوب إلى الله ونسير على طريق الحق
ماإن أيام إلا وأغرنا الشيطان الرجيم
أعوذ بالله منه
وأنا عن نفسي بقدر الأمكان أحاول إني ماأزل عن هذا الطريق
والله يثبتنا جميعاً
انا أصلي قيام الليل الساعه 2
وكل يوم أقرأ نصف جزء من القرآن
وأستغفر 1000 مره
بنات حتى وأنتوا تجوفون التلفزيون أو عالنت أو مثلاً في السيارة أو عندك موعد بالمستشفى ومليتي الأنتظار أستغفروا ربكم مثلاً خلوا بأيدكم مسباح
ونحاول بقدر الأمكان نصلي السنه
ونسمع القرآن واحنه عالنت
أو تاخذين معاج كتاب صغير للأدعيه مثل كتاب حصن المسلم
ولاننسى الصدقه لأنها تطفي غضب الرب
مثلاً تخلين حصاله بغرفتك
والله يعينا على شكره وذكره وحسن عبادته