السلام عليكم ورحمة الله وبركاته
في البداية أسأل الله لي ولكل متأخره في الحمل بالبشارة العاجلة بالذرية الصالحة انه على كل شي قدير
أنا بدخل الموضوع عل طول..
أنا رحت للدكتور صلاح الدين حامد بمستشفى علوي تونسي الشهر الي فات..كان قمة في الاخلاق والانسانية ويناقش ويعطي أمل في الحياة. ويدعي ..سألني قد ايش لي متزوجة وسألني عن ما اذا كان يطلع لي حبوب في وجهي أو شعر.وسألني هل عملت عملية زائده او أي عملية بالحوض..وعملي تحاليل غدة وهرمون حليب وعملي سونار للمبايض.
المهم سألني هل أخذت علاجات من أجل الحمل قبل كذا فقلت له اي اخذت كلوميد لمدة ثلاث شهور..طبعا بإستشارة طبيبة في الطايف الي هيه الدكتورة امال في الفلاح ..صح تحب تسحب فلوس بس خلاقها روعه..
المهم الدكتور صلاح..
قال خلاص راح أعطيك كورس ثاني..وعطاني كلوميد أربع حبات في اليوم حبتين الصباح وحبتين المساء من ثاني يوم للدورة الى خامس يوم:icon36:أنا خفت لكن توكلت على الله وأخذتها.وقالي يوم 12من الدورة اخذ ابرة تفجيرية..
انا الي استغربته يابنات انو ماقال تعالي اشوف حجم البويضة ولا قال بيسوي لي منظار للرحم زي ماعملوا صاحباتي عند دكتوراتهم..
المهم انا شلت هم مرررره وقررت اروح يوم 12اشوف التبويض رحت مستشفى ثاني وكشفت التبويض لقيت بويضة وحده حجمها 22تحطمت قلت كل ذالكلوميد ولا طلع الا وحده .
المهم على طول اخذت الابرة التفجيريه طبعا قوتها 10000وكان الجماع بعد الابرة ب24ساعة وجاني ألم اثناء الجماع وبعده في المبيض الأيسر.استمر لمدة 4 ايام تقريبا..والشي الي خوفني الدكتور قالي كمان اخذ الابرة يوم 17..أنا خفت ودخلت النت وبحثت ولقيت انها تعمل كمثبت..توكلت على الله واخذتها قوتها5000وبعدها يجيني الام بسيطة جهة المبايض واذا اشتغلت يعورني ظهري مره..
طبعا بعد الابرة الثانية بثلاث ايام أخذت تحليل منزلي خاطري اشوف خطين زي ما انتم عارفين الابرة فيها هرمون زي هرمون الحمل..
وفعلا شف خط واضح وخط خفيف بس مو مرررره..فرحت بس ما اعتمدت عليه نهائي..بعدها بيومين صلحت تحليل وخف الخط مرررررررررررررررررررررررررررررررره.عن التحليل الي قبله .فحاسه ان الدورة بتجي لكن الحمد لله على كل حال.الي ابغى اقوله من هذي القصة كلها..ابغى تجاربكم مع الدكتور صلاح.لانه قال لي امشي على الكورس ثلاث شهور ان ماصار حمل ارجع له وانا خايفه من الابر والكلوميد. فما ادري تنصحوني أستمر على الكورس ولا لا.الشي الثاني دعواتكم لي بالحمل السليم..والله يرضى عليكم ويرزق كل متأخرة والله لايجعلنا من المحرومين..
فيه شي مهم بقولكم عليه ..صديقتي مرتين اخذت الابرة التفجيرية وماحملت ولمن استخدمت القسط الهندي جلست شهر واحد والي بعده حملت على طول ماشاء الله تبارك الله الله ييسر لها يارب..
يلزم عليك تسجيل الدخول أولًا لكتابة تعليق.
ينسوون :
ترا الكلوميد والمنشطات يقل مفعولها عند السمنه لازم تعالجين السمنة وتكيس المبايض قبل استخدام المنشطات تستخدمين جلوكوفاج 3 شهور اقل شي ثم بعدين تستخدمين المنشطات معها لان ارتفاع الانسولين هو العدو الاول الجدوة البويضهترا الكلوميد والمنشطات يقل مفعولها عند السمنه لازم تعالجين السمنة وتكيس المبايض قبل استخدام...
يازينك ياعسل الله يسعدك والله ماعمري شفت السمنه على نفسي أنا وزني حلو وكان يبغالي امتن شوي ولا عندي تكيس ولله الحمد والمنه
ياقلبي الله يفرح نظرتك بالذريه الصالحه يارب العالمين صراحه أنا ضد اللي يعطي كلوميد قبل يشوف الأنابيب والمبيض والهرمونات بعدين الكلوميد يعطى للي عندها ضعف تبويض أنا أكلت منها لييييين قلت بس وآخر شئ صار فيني قرحه بعنق الرحم كويتها وحملت بعد اربع شهور
الصفحة الأخيرة
لازم تعالجين السمنة وتكيس المبايض قبل استخدام المنشطات تستخدمين جلوكوفاج 3 شهور اقل شي
ثم بعدين تستخدمين المنشطات معها لان ارتفاع الانسولين هو العدو الاول الجدوة البويضه