ولدت قبل وقتي والحمد لله على كل حال

السلام عليكم

ابشركم ولدت بتاريخ 18/10 وكانو محددين لي 16/11 بس الحمد لله على كل حال من العيد كنت احس باتعب بعد العيد رجعنا لبيتنا طبعا اهلي بمنطقه واحنا بمنطقه ثانيه بعد ماحس زوجي بتعبي رجعني لاهلي ورجع عشان الدوام كان راجع السبت يوم الاحد الصباح تقريبا الساعه عشر رحت للمستشفى عشان معاي مويات والله بس كذا رحت ماكنت احس بالم
دخلت على الدكتوره وقلت لها عن المويات وكشفت علي الا تقول الرحم فاتح اربعه سانتي قالت وﻻده
والخوف يذبحني واقعد ابكي المشكله ماجبت معاي اي شي واللي جايبني اخوي ،،، وهو يخلص اوراقي، وياخذوني لتنويم
واقعد اناضر فالغرفه كل شي يخوف واتصل على زوجي واقله انهم نوموني واتصل على امي واقولها امي ماصدقتني
المهم واقعد لين الساعه وحده وانا مااحس باي شي بعدين حطولي طلق صناعي يوم جت الساعه ثﻻث ونصف وارحم انفتح عشر سانتي والموت يجي ويروح بس كانت لحظات ماتنوصف الم وفرح بنفس الوقت ، نزل راس البيبي فالحوض وطول مانزل وانا خﻻص حسيت بالموت بس الحمد لله ساعدني الدكتور ضغط على بطني لحد ماشرف اغلا البشر يالله يابنات شعور مايوصف صوت صراخه ينسيك كل الام اللي مريتي فيه الممرضات والدكتور كلهم يباركولي اللي ولدني دكتور مع اني ماكنت ابغا دكتور بس كان هو المناوب ومافيه دكتوره انا ولدت بمستشفى الرس العام وكان اهتمام كانك فمستشفى خاص حتى جوالي كان بجنبي
الله يرزق كل محرومه