تكفـــــــــــــون ساعدوني وربي راح ادعيلكم دوم..

سسبحان الله

نظفي كل شيء بوقته و راح تدعين لي
بالنسبه للمطبخ
١-لا تخلين شيء بالمغسله حتى لو ملعقه صغيره اي شيء تستخدمينه غسليه على طول
٢- خلي عندك منظف اسطح للمطابخ مثل ديتول او مستر مصل كلهم حلوين مع منشفه خاصه و كل ما تحسين ان السطح وسخه بخي و امسحي
٣-الفرن بعد كل استخدام نظفيه
٤- حددي يوم بالاسبوع لتنظيف عميق

بالنسبه لغرفة النوم
١- اول ما تصحين على طول سوي السرير لا تآجلينه
٢- حددي يوم لتغيير المفرش و يفضل انك بنفس اليوم تغسلين المفرش المستخدم عشان ما يتراكم عليك الغسيل
٣- حاولين تنسين الغرفه و تمسحين بشكل يومي عشان ما يتراكم عليك الوسخ
٤- كل اسبوعين رتبي دولابك كله و كل فتره سوي جرد للملابس اللي ما تبغينها

بالنسبه للحمام و انتي بكرامه
١- على حسب الاستخدام اما يومي او يوم و ترك و حددي يوم لتنظيف العميق

الصاله
١- لا تنامين الا و هي مرتبه
٢- حددي يوم للتنظيف العميق

الغسيل
١- انتبهي لا يتراكم الغسيل اذا تبغين تحددين يوم براحتك

و افضل انك تس،ين جدول احسن لك

وعليكم السلام
قبل تنامي قولي

سبحان الله 33
والحمدلله 33
والله أكبر 34

وربي يعينك هذه وصيه الرسول صلى الله عليه وسلم لأبنته

وبنسبه للبيت قسمي كل يوم امسكي غرفه
ونظفيها تنظيف عميق ولما تخلصي حاولي انك تنظفي اول بأول ماتخلي شي يتكركب عليك

والارض مايحتاج صابون اول شي اكنسيه بمكنسه الكهرباء اسهل واسرع وحطي مويه وديتول وامسحي كل البيت وعادي اذا توسخت المويه بعدين كبيه وعبيه جديد وارجعي عيدي على البيت وخلاص يصير يلمع وريحته حلوه
بس لاتراكمين الشغل

مشاء الله بيتك صغنون ماراح يتعبك ان شاء الله

بحكي لك3 نقاط .., قبل كل شي احصري كل شغل البيت في 5 ايام فقط من السبت الى الاربعاء
ويصير الخميس والجمعه بس لشغل اليومي المعتاد مع الطبخ لو فيه ..,




اول شي الغسيل: (الافضل عندك غساله اتوماتيك)
كل يوم اول ماتصحين حطي شي بالغساله
1-يوم ملابس وثياب وشراريب بيضا حقت زوجك/ طبعا الملابس البيضا انا اغسل كل ما اجتمع 5 طقوم داخليه

2-ويوم ملابس ملونه لك وله

3-ويوم لـ (العبياات والسجاده والمفرش) على حسب اذا متوصخه غسلي او كل واحد منهم مره كل اسبوعين

4- ويوم الاربعاء خصصيه لـ الفوط حقت الاستحمام+فوط المطبخ/ عشان يتهووون بعد الغسيل كل واحد اغسليه بروحه

------------------------------

ثاني شي تنظيف البيت الاسبوعي :
خصصي 3 ايام بالاسبوع
1-يوم للمطبخ : كل يوم ثلاثا افضل شي
نظفيه بالكامل من الثلاجه والارضيات والدواليب اذا متصخه والفرن والمكريوف واكتبي نواقص الثلاجه

2-يوم لتنظيف الشامل : (يشمل كل غرف البيت وغرفه الظيوف بدون المطبخ)
من تنظيف المكيفات -مسح الغبار عن الاثاث -مسح الابواب-مسح المرايات-غسل الحمامات-كنس البيت-مسح السيراميك

3-يوم العمل الشهري:
كل اسبوع تمسكين غرفه وترتبينها وتنظفينها مثل(اسبوع غرفه الملابس-اسبوع غرفه النوم -اسبوع المخزن ) الخ
مثلا اذا الدواليب منحاسه او الكومندينات او بتسقين ملابس او تظفين الكركبات

4-وممكن تخصصين يوم للكوي

------------------------------

ثالث شي الاعمال اليوميه :
ترتيب السرير - تنظيف الحمام - ظف الكركبه من غرفه الجلوس -تجميع الزبايل
وممكن تسوينها قبل النوم عشان اذا قمتي ماعندك الاترتيب السرير والعمل الشهري
ويصير يوميا بعد تظيف البيت تنشرين الغسيل ولو كان عندك مجفف افضل على طول تدخلينها في الدواليب
والثياب عند الكواي


-----------------------------

وبكذا يصير عندك يوم بالاسبوع للعنايه بنفسك خلطات وشيل الشعر الخ
اتمنى افدتك
ادعي لي

استغفر الله