بسم الله الرحمن الرحيم
سبق ان قلت لكم اني بأكتب لكم تجربتي ...........
اخواتي اسأل عز وجل ان يمتع الجميع بالصحة والعافية والسعادة
غالياتي حفظكن الله .
وجدت فائدة كبيرة بفضل الله وأردت ان اشرككن معي فيها راجية من ذلك وجه الله ،
اختي الكبيرة وصل وزنها الى حوالي 93 ك ، والمذهل انها بدون حمية وخلال 4 شهور اصبح وزنها 75 كيلو ،،
كيف ؟
طبعا بما ان عندنا علم مسبق بضرر الحميات وخطورتها خاصة الحادة منها فلم تقوم بأي حمية سوى احيانا التقليل نوعا ما من الاكل او اجتناب الحلويات فترة ، لكن عندنا احدى الأخوات جزاها الله خير جارتنا الله يحفظها ويوفقها يارب ، كانت منذ اكثر من عام وهي كلما قابلتنا في مكان تنصحنا بقهوة الشعير ، وكنت اقول لها انا استخدم الشعير قهوة اشتريها واستخدمها ما شفنا منها فائدة قالت لي ياسلمى الشعير في السوق انواع متعددة منه ماهو جيد ومنه ما هو غير جيد وبعض الأنواع ضررها اكثر من فايدتها وهذا اللي يباع في علب على شكل قهوة ما منه فائده أبد لانه نوع ردي وما هو زين اتركيه وأشتري من اللي يبيعون من الأنواع ألزينه .
المهم سألتها عن النوع الزين وين يباع وكيف وأخذت انا وأختي منها
جوال اللي يبيعون الشعير الممتاز واتصلنا وتم ارساله لنا شحن وبدأنا نستخدمه منذ حوالي 4 شهور انا واختي وبعدنا بفترة الكثير من أقاربنا ومعارفنا لما عرفو الفايده منه .
بالنسبة لي الحمد لله تخلصت من كثير من المشاكل أولها الكرش ( والله يابنات كانت منتفخة من بعد اخر ولادة جربت مشد ودلكت بأعشاب ما فيه فايده كنت كأني حامل في السابع ) ، الحمدلله خلال 3 شهور نقص وزني ( مع اني ما كنت متينة مثل اختي ) لكن ترهلات البطن بدات تنشد صحيح مو مره لكن لاحظتها بشكل جيد والكرش اصبحت عاديه راح منها الانتفاخ ، البول وانتم بكرامه اصبحت اروح الحمام عدة مرات في اليوم وانا كنت يمر علي اليوم كله 3 مرات او حولها ،
الامساك ما عاد عرفته ،
زاد عندي الحليب مع اني والده من سنه و8 شهور ،
بدأت احس حتى براحه في نومي ،
والله انها أمور كثيره استفدتها
حتى بعضها ما له داعي اذكره ،
وهذا كله من فضل الله عز وجل يارب لك الحمد والشكر .
نرجع لأختي : ما تصدقون والله انها ما شاء الله نقص وزنها خلال يمكن 3 شهور او اكثر شوي واصبح وزنها في حدود ما بين 72 - 75 كيلو وطبعا هذا وزن مثالي لها لانها طويله ،
ما تصدقون فرحتها لما استفادت من هذه التجربة الحمدلله رب العالمين ،
نسيت اقول لكم ان البنات عندنا ياكثرهم اللي علمناهم واستخدموه هذا غير من استخدموه عن طريق جارتنا والكل يمدحونه وبفضل الله استفادو منه .
انا مثلما قلت لكم كنت من اول استخدم احيانا قهوة الشعير اللي تباع في المحلات وما لقيت منها فايده خاصه لأختي اللي استخدمتها لانها الظاهر كما قالت جارتنا نوعيات رديئة لانها حتى اسعارها رخيصه وطعمها وشكلها يختلف عن قهوة الشعير اللي نستخدمها الحين ،
اما النوع الزين من الشعير لا والله الا مفيد ومفيد جداً
طبعا انا قرأت عن الشعير وفعلا فيه فوائد كثيره مره وفعلا انا وأختي وقريباتي كلنا نقول ويننا عنه من زمان ؟
لكن الحمدلله على فضله ونعمه التي لا تعد ولا تحصى ،
ان شاء الله ما عاد راح نترك الشعير لانه فعلا من نعم الله العظيمه التي يجهلها الكثير .
طبعا انا قلت لكم جزوء من فوائده الا له فوائد اخرى غير التخسيس وحتى اللي تاخذه وهي نحيفه يحافظ على وزنها ، لانه يوازن الدهون في الجسم ،
وايضا مفيد لأمراض السكر والكلوسترول وكذلك للبشرة وللغدة ومدر للبول ومفيد للحوامل ويحسن اداء الدورة الدموية والهضم ومنظف للكلى ومفيد لفقر الدم والأنيميا وايضا مضاد للسموم فوايد كثيره ...
بقي اقول لكم على الطريقة
هو قهوة يعني يتم عمله مثل القهوة بالضبط يغلى ويضاف له قطعة زنجبيل اخضر مطحونه او مهروسه واذا أضيف له الشومر ما فيه مثل طعمه مره حلو .
واللي تبي تسويه لحاله بدون إضافات اخرى على حسب الرغبه .
وأسفه على الاطاله بس قلت أشارك خواتي في الفايده ،
اسال الله للجميع الصحة والعافيه والسعاده ،
سلمى سعود @slm_saaod
عضوة مميزة
يلزم عليك تسجيل الدخول أولًا لكتابة تعليق.
جزاك الله خيرا
كيف أعرف النوع الجيد الي ذكرتيه ومن وين اشتريه
ماعرفت إلا الي بالعلب زي القهوة
كيف أعرف النوع الجيد الي ذكرتيه ومن وين اشتريه
ماعرفت إلا الي بالعلب زي القهوة
هلا بخواتي الغاليات سمر ولوجين ، شكرًا على المرور وابشري لوجين عندي هواتفهم وفعلا الشعير اللي عندهم متعوب عليه منظف ومحمص ويحي في علب ،،،،، ما ابي دعايه لهم ولا اعرفهم لكن ودي الجميع يستفيدون لانه بجد ما شاء الله نوعيه ممتازه انا جربت مثلكم اللي في السوق وجربت هذا فرق كبير ،،
اذا بغيتم رقمهم عندي مدري كيف طريقة المنتدى عادي ارسله لكم برساله هنا ولا خاص ؟
اذا بغيتم رقمهم عندي مدري كيف طريقة المنتدى عادي ارسله لكم برساله هنا ولا خاص ؟
الشعير طعمه جدا جميل بدل القهوه
من المحلات اللي تبيع الدقيق و الحبوب
اشتريه و اغسله و اجففه و احمصه زي القهوه و أطحنه
انظف من اللي نشتريه جاهز و حتى الطعم يفرق كثييير
من المحلات اللي تبيع الدقيق و الحبوب
اشتريه و اغسله و اجففه و احمصه زي القهوه و أطحنه
انظف من اللي نشتريه جاهز و حتى الطعم يفرق كثييير
اعتذر لاني ما قدرت ارد على الخاص لان رسائلي ما ترسل بسبب اني عضوه جديدة لازم يكون عندي اكثر من 50 مشاركة علاشان اقدر ارسل لكم
اكرر اعتذاري لكل من ارسلت ومتواصلين ان شاء الله ارسل لكل واحده ارسلت لي على الخاص كل المعلومات ابشرو
اكرر اعتذاري لكل من ارسلت ومتواصلين ان شاء الله ارسل لكل واحده ارسلت لي على الخاص كل المعلومات ابشرو
الصفحة الأخيرة
الشعير معروف بفوائدة لكن مثل ماقلتي الناس مهملينه وابتعدنا عن الطب النبوي كفاية ان الرسول صلى الله عليه وسلم وصى بالتلبينه وهي من الشعير وهذه طريقتها للي حاب ...