عباية الراس الجديده!!!!!!!!

هلا اختي
مادام قلتي تبي من جربها اقولك
انا جربتها وماكنت حقيقه اتخيل انها مريحه زي كده
اولا ريحتني من عبايه الكتف الي هيئه كبار العلماء افتو بعدم جوازها
ثم هي جمعت فكرتها افضل من تخيط العبايه او وضع سحاب هي اجمل واسهل لها طقطق به تلف صحيح انها لها ايدي لكنها واسعه ومريحه
الحقيقه ان المسئله اذواق
لكن احب اذكركم ان المهم في العبايه ما تكون لها تطريز والوان وتصبح من ساتره الى
لافته
العبايه الي انا امدحها من دون منهيات شرعيه
وفقكن الله اخواتي وستركن في الدنيا والاخره

شوفي حبيبتي hadel بنسبه للعبايه اللي فوق الراس ما فيه مقارنه بينها وبين اللي على الكتف انا قلت هذي اريح من العاديه المفتوحه اللي تطلع الجسم...
واعتقد اني شرحت وكثرت وفهموني البنات شكلك انتي ما رجعتي للمواضيع اللي قبل
واذا كانت اللي على الكتف عاجبتك ليش التغير انا اكلم البنات اللي يلبسون على الراس 0

و اشكرك

الاخت الغاليه شطه ...هذا نص كلامك (السلام عليكم000

اللي يلبسون العباية على الراس عندي لهم بشرى ساره 00000

لقد نزل في الاسواق عبايات مريحه مرررررررره طريقتها نفس طريقة العباية على الكتف

بس احسن واستر هي على الراس فيها طقطق من فوق وبنص وهي لف واسعه بعد مايطلع

منك شي تمشين وانتي مرتاحه جربوها وادعولي )
....................
تعليقي ولا ابيك تزعلين مني احنا ان شاءالله في النهايه اخوات في هذا المنتدى المتميز..قلتي بشرى ساره للي يلبسون العبايه على الراس ...ودي ادري وش الفرق اني احط طقطق على طول العبايه او اني احطه على جنب ...من زمان واحنا نحط طقطق في العبايه على شان ما تنفتح وناخذ راحتنى في المشي ...او نخيطها ونحط في اعلاها سحاب...وفي الحالتين كلها منظر العبايه جدا مرتب ولا فيه اي تشويه للعبايه ..
زبدة كلامي وين البشرى اللي في هالعبايه انها بس تسكر على جنب صراحه ما جبتي شي جديد ....وعبايه الكتف المريح فيها ماهو الطقطق اللي على جنب المريح انها ما تنزل وتسحب في الارض فيه شي رادها عند الكتوف وهذا اللي انا صراحه توقعتك تبشرينا فيه لاني ولله الحمد من اللي يحبون الستر ويلبسون العباة على الراس ...
وعلى شان كذا قلت لك ان ما فيها اي شي جديد ...
و وريت اكثر من وحده سعوديه عندي هنا في الامارات العبايه الجديده على قولتك ولا وحده شافت فيها اللي انتي والاخت ام رغد2000 والاخت حبوبه شفتوه ...وشالو الفكره من راسهم انهم يفصلون مثلها لان مثل ما قلت لك ما فيها اي جديد ..
ولا فيها الراحه اللي تتكلمين عنها ..
واحب اذا مدحتي شي تعطينه قدره من المدح ولا نعطيه اكبر من حجمه...مثل ما سويتي مع هالعبايه ...
على العموم ارد واقول احنا اخوات ولا نزعل من بعضنا اذا اختلفت آرائنا........
..........................محبتك في الله hadel

السلام عليكم ورحمة الله وبركاته

هلا ياهدول وغلا


معليش هدوول اذا كانت العبايه ماعجبتك الحمد لله فيه بنات كثير عجبتهم ..


وشطه الله يجزاها الف خير ان شاء الله ويجعل اللى سوته في ميزان حسناتها يوم القيامه استفادت منها وحبت غيرها يستفيد جزاها الله خير ..


ياهدول يالغاليه فيه كثير مااستخدموا الطقطق او السحاب وانا وحده منهم ..فهالعبايه جت في وقتها صح ولا غلط ياهدوله..

بعدين شطه وضحت انها عبايه على الراس وقصدها زى عباية الكتف يعنى طريقة اللف اللي فيها ..

وانا والله ماشفت العبايه بس حاسه فعلا انها مريحه ..لانى زى ماقلت لك عمري ماجربت الطقطق او السحاب..


عاد ياهدول هذا جزاء اختنا شطه اللي حبت تنفعنا ..

خلاص هدول ها لاتزعلين ولا شي واذا كانت العبايه ماعجبتك ارسليها لى بس ببلاش :21: :05:

هديل طلب يالغاليه ودى اشوف مشاركتك بركن التجارب بتجربه حلوه مو زعله علينا:19: عاد يقولون وجه فيافي نجد على الاشراف مو زين وش رايك:15: :05: :15: :05: :15: :05:


الله يوفقك ويوفق شطه لكل خير قولى امين:15: وانا معكم:05:

يا عزيزتي يا فيافي نجد .....الله لا يجيب الزعل بينا قولي (آمييييييييين).
الموضوع وما فيه حسيت انها اعطت العبايه اكبر من حجمها اللي تستحقه في الوصف والراحه اللي راح نشوفها مع هالعبايه وانا كل اللي قلته ان ما فيها اي جديد يذكر خصوصا من ناحيه الراحه ....
وارد واقول انتي غاليه وشطه بعد غاليه وكل اعضاء المنتدى غالين علي ولا احب احد ياخذ على خاطره مني او يجي في نفسه شي علي (وانا قلتها من قبل اختلاف الرأي لا يفسد للود قضيه)......................وعلى دروب الخير نلتقي ان شاء الله..........محبتكم hadel