جريش خالتي بيد أمونه لايفوتكم

السلام عليكم

خالتي الله يسلمها ويحفظها أم السنع والحكم كلها هي مشهوره بجريشها الذي لايقاوم

عاد أنا قلت لازم أصير سنعه زي خالتوا وأسويه وأضبطه وأصير مشهوره زيها وأسحب البساط من تحتها ههههه

ولازم أعلم خوياتي وحبيباتي بنات حواتي (حواء)

المقادير :مقادير ياقلب العنى مقادير .

جريش تركي (مهم).أنا سويت ثلاث أكواب .خالتي عاد أكيد أكثر لأنها دوم تسوي كميه كبيره.

رز ومو لازم يكون مصري أي رز

ولحم أو دجاج أو بدون خالتي تسويه بدون بس أنا أحب اللحم

بصل مقطع صغير أنا سويته بفرمة البصل بس ماصورتها اذا تبون وملزمين أصورها لعيونكم كم بنات حواء أنا عندي >>>>حشى ماصارت طبخه سوالف يلا الدنيا كذا هههههه >>>>>>خلصينا ياام الحكم

الطريقه ؛خساره مافيه أغنيه لطريقه ولا كان هذيتها لكم أقصد هيجنتها بما أننا جالسين نطبخ أكله شعبيه .


مافيه طريقه بس عادي وش تبون أنتم هههههههه

تحمسون البصل ياحلوين وتحطون الحم أو دجاج أو بدون وبعدين تكبون المويه الحاره وبعدين تحطون الجريش والرز بصراحه مااخفيكم سرا أنا نسيت أحط رز وتوني أنتبه يوم كتبت لكم يالله كل الطرق تؤدي الى روما ؟!!:p

وبعدين تحطون ست حبات ماجي أنا حطيت خمسه بس كذا عناد في خالتي

وتخلونها تطبخ ساعه وبعدين ياحلوين نجي للمهم وللسر وسر الطبخه

















































أقول












ولا









يوه خوفتوني بشويش علي ترى بعلم خالتي عليكم

تحطون كاس جبن الكبير هذك الدب أبو عشرين مو المعصقل أبو 18 أنا برضه عناد في خالتي حطيت أكثر من نص العلبه بس مو كلها .

وهذا هو سر طعم جريش خالتي المميز الا وهو الجبن الكريمي طبعا .

والحين أجيب لكم الصور بشحنها وأجيبها لكم محمله من شاحنة عالم حواء