بسم الله الرحمن الرحيم
ما اكتبه وجهة نظر قابله للصواب والخطأ
السوق تراجع الاسبوع الماضي اللي مقرب من 7000
ثم ارتد هناك سيوله تدخل السوق وتختار بعض الاسهم
منها زين ودار الاركان واسمنت نجران وغيرها
طيب وش المتوقع لها الاسبووع
اولاً :: اللي ضاغط على سوقنا ومخليه ينزل شح السيوله
بسبب تراجع اسواق العالم وخوف الناس من تكرار ازمة 2008
اللي نزل فيها المؤشر اللي حول 4000
فكل اللي عندهم كاشش محافظين عليه على امل الشراء باسعار افضل
لكن لو انحلت مشاكل اليونان واسبانيا خاصه بعون الله بيتحسسن وضع
سوقنا وبيدخلون اصحاب الكاش حتى لو على ارتفاع
دعمنااا النفسسي عند مستوى 7000 كسرها يخلينا ننزل ونشوف
6900 واذا كسرها فقدامه 6800 كسرها بقووه يخلينا نفكر في البحث عن قاع بعيد
للمؤشر ( هذا السيناريوا السلبي ) وما اتوقعه اننا نوصل لمستوى ابعد من 6900
بعون الله .
والغالب والله اعلم ان السوق بيترنح فتره صعود بسيط ونزول مثله حول منطقة 7000
ويجمعون ويشترون اللي باعوه علينا فووق
ثمن يطلعون بالسووق بقووه مثل الطلعه الساابقه
( ملاحظه فنيه السوق في طور تكوين نموذج فني اسمه العلم
الصاعد اذا تم ذلك فبعون الله قدامنا صعود لما فوق 8000 يارررب يتحقق )
لذلك اللي متعلقين قدامكم حلول
1- الصبر وبعون الله ربي بيفرجها .
2- بيع نصف الكميه والاحتفاظ بالكاشش لحين اتضاح الوضع
او البحث عن فرص افضل لاستثمار الكاش فيها .
3- تبديل مراكز مثل شريت سهم بسعر 28 ونزل وصار سعره الان 23
الخساره 5 ريال والسهم حركته بطيئه اشوف لي سهم متحرك
بسعر قريب من سعره ب 23 او اقل شوي او اكثر شووي
بحيث تكون الخساره حق العموله وكمية الاسهم زي مااهي
عندي تفائل وامل في ان سووقنا هالاسبوع بيكون احسسن بكثير
من الاسبوع الماضي يارب يااكريم
اللي ملززمين يبون يشترون في السوق هالفتره
انصحهم خلوكم كاشش طيب مرره ملزمين اشتروا اسمنت نجران
وقفلوا عليه وبعون الله مع استقرار السوق يكون اول الصاعدين
كل التوفيق ياارب للجميع
قطر الندى 2008 @ktr_alnd_2008
عضوة مميزة
يلزم عليك تسجيل الدخول أولًا لكتابة تعليق.
عرس المطر
•
الله يسعدك وينور طريقك
ما شاء الله عليك
موضوعك راااااااااائع
تحليل سهل وأسلوبك رائع ونصائح منطقية
بارك الله فيك وجزاك كل خير
وربي يزرقنا وإياكم من واسع فضله يا كريم
موضوعك راااااااااائع
تحليل سهل وأسلوبك رائع ونصائح منطقية
بارك الله فيك وجزاك كل خير
وربي يزرقنا وإياكم من واسع فضله يا كريم
امي جنتي
•
عندي كيان ب 10 واسمنت نجران ب10 ودار الاركان ب12.80 واعمار ب13.40 وجبل عمر ب22 واسمنت حائل ب25.80 واذا بعت جميع محفظتي الان باطلع بمكسب 600 ريال تقريبا وافوت علي مكسب حوالي 2000 ريال وشوي ايش تنصحيني ابيع واشتري بسعر اقل من مشتراي او اصبر لما يرتفع السوق
محتاجه فعلا نصيحه منك لاني اول مره ادخل سوق الاسهم
وجزاك الله خير
محتاجه فعلا نصيحه منك لاني اول مره ادخل سوق الاسهم
وجزاك الله خير
الصفحة الأخيرة