ليش الكيك يكون ناجح عندي ولكنه محروق من الأطراف والقاعدة؟

مرحبا اختي ديباجه

اسمحي لي أرد عليج بالنسبة لاحتراق الكيك في عدة عوامل

أولا نوع القالب ... في بعض الانواع من القوالب توصل الحرارة بسرعه ... فتأكدي إذا كان القالب اللي عندج من النوع الثقيل أو الخفيف .. وبعدين اخذيها قاعدة .. دايما حطي الكيك على حرارة واطيه نوعا ما .. حتى لو قالوا لك في الوصفة 180.. ما عليج منهم ... خلي نار الفرن هادية حتى لو تاخذ وقت أطول .. ولا تفتحين الفرن الا بعد نص ساعة أقلاً

ثانيا ... لا تخفقين الكيك وايد بالخلاط ... اخفقي البيض والسكروالمقادير السائلة أول شي ومب وايد .. بعدين ضيفي المقادير الجافة .. ولا تخفقينها مدة طويله عشان العجينة ما تصير سائلة عندج وتحترق بسرعة..

انشالله أكون أفدتج :) وسامحيني عالإطالة :)

اتوقع انج داهنه القالب بكمية زيت او زبده كثيره بالاضافه الى ان فرنك ممكن يكون حار بزياده جربي وطي درجة الحراره عما هو مكتوب وقللي كمية الزيت اللي تدهنين فيها القالب مال الكيل واحسن لج تستعملين قوالب التيفال اللي مضادة للالتصاق

الفرن افتحيه على الحار من تبدين تخفقين الكيكة...وحطيها بقالب تيفال اصلي ( الاحمر)..

بعدين اذا احتمى الفرن ارفعي الرف مو للنص الا فوق النص اللي يكون مرتفع فوق درجتين...

وبعدين اخفضي النار وسط او اقل بشوي عشان تطبخ على رواق ولا تحترق الاطراف بسرعة..

طبعا النار تكون من تحت فقط....اذا انتهت الكيكة سكري اللي تحت وافتحي اللي فوق عشان تتحمر وخلاص...

ولا تكثرين من فتح الفرن لان هذا راح يخربها ومايخليها تنتفخ وتنجح...

نفس المشكله اعااااااني منها......تطلع لي الكيكه يااايسه و محترقه من برع

مشكورات الأخوات إللي ردوا...أنا القالب إللي عندي نفس شكل التيفال ولكن مكتوب عليه صناعة مصر مو تيفال أصلي..بس كان هذا المتوفر عندي من الجمعيه إللي قريب البيت..إنشاالله بدور التيفال الأصلي...أما الفرن فوضعته في النصف سأجرب أضعه أعلي شي..أما الزيت والطحين فصراحة أنا أضع كثير..قلت يمكن يخفف من الحرق طلع يزيدها..والحراره سأضعها هاي المره 150..صرت أستسهل وأصنع كيك الجاهز مال العلالي والروبن هود...عشانها ما تحترق...