مرج الزهور
بنتها لسه صغيره خمس شهور
ومن قبل ماتولد اصلا وهيا حامل وقبل الحمل كان يقولها لأ نا عاوز اخد راحتى
ومن ناحية النظافه هيا زى الفل وبعدين كان بينام قبل كده عادى ولما تسأله يقولها كانوا اسبوعين كل شهرين بتحمل لكن دلوقت اقامه دائمه مش بحب حد ينام جنبى

هيا اصلا طيبه وهبله جدا ومحرجه وخايفه
حتى انها تصمم على انها ترجع غرفتها تقولى حيفهمنى غلط
جننتنى

ميرسيه جدا يابنات ومنتظره ردود اكثر

ميليسا حبيبتى صاحبتك دى باين عليها طيبه زياده عن اللزوم وهوبيستهبل زياده عن الزوم والموضوع ده لازم له وقفه لانها لو اتهاونت فى الاول مش حتعرف توقفه عند حده بعد كده عارفه لو بعد الولاده ماشى نلتمس له العذر عشان الواواه واللذى منه لكن وهى حامل كمان لا دة زودها وغلطتها انها سكتت له من الاول لان الى زى ده عايز السك اول باول

سندريلا........... بصى بقى انا مش متجوزه بس بصراحه بقى لو مكانها اللى مش عاجبه يخبط دماغه فى الحيط وجعته يقوم يشرف هوه فى الاوضه التانيه .........وثوووووورى بقى(على رأى هبه) يعنى ايه يطلبها وقت مايحب وبعد كده تروح الاوضه التانيه لا بقى لازم تثبت على موقفها وماتروحش لحد لغاية مالحياه تبقى طبيعيه زى الناس

ويا ريت تخليها تجيب البتاع ده اللى مش عارفه اسمه ايه اللى بيتحط منه واحد فى اوضة البيبى وواحد على الكومود جنب مامته بتسمع فيه اى صوت طالع منه اكنه جنبها بالظبط عشان تقومله لو احتاجها فى اى وقت عشان مايبقاش فيه حجة ازعاج لجنابه

ميليسيا بصراحة صاحبتك غلطانة لأنها سابته يدلع الفترة اللى فاتت دى كلها اللى أعرفه مكان الست جنب جوزها يعنى يقولها أى حاجة و يتحجج و تسيبه يتعود على كدا و خلاص المفروض تبتدى معاه من أول و جديد و تستخدم ذكاءها يعنى مينفعش تخش تقوله وسع هنام جنبك لأ تدخل تقعد جنبه كأنها نسيت تحكيله على حاجة و تبتدى تكلمه و تفضل لازقه لحد ماينام و بعدين تنام جنبه و كل يوم على كدا لغاية مايتعود على فكرة دى مشكلة كل الرجالة اللى بيسافروا لأنهم بيتعودوا على النوم فى مكان لوحدهم .

كلبيزو
هيافعلا زى مابتقولى كدا والمشاكل زادت جدا وارتباطهم ببعض قل

سمسمه
الصفحه نورت
ريقى نشف معاها واقولها لازم وقفه لازم تخدى موقف لازم ترجعى غرفتك واللى مش عاجبه يشرب من البحر وهيا مستهونه بالموضوع وفالحه بس تييجى تعيط لى