مضايقة حيل من ما جرى لصديقتي دخلوا علموني شلون اساعدها:(

بسم الله الرحمن الرحيم

السلام عليكم ورحمة الله وبركاته
بنات بدخل بالموضوع على طول
اليوم الموضوع ما يخصني وانما يخص صديقتي


المهم....
الموضوع ومافيه ان صديقتي من تزوجت
وكل مرة تتصل فيني او اتصل فيها احسها مو طبيعية
ودايم اسألها يا فلانة اشفيج؟ احسج تغيرتي عن قبل
وهي طبيعتها بشوشة ومرحة وضحوكة واجتماعية لكن من تزوجت
حسيتها غيررررررررر غيرررر
بس كانت تقول هالكلمة ملل ملل ملل

ونا دايما اقول لها حاولي تشغلين نفسج بهذا وذاك لكن كل مرة اتصل او تتصل من 3 سنوات نفس الكلام ونفس الحالة
وكل مرة يزيد ذبولها وصوتها يخف اكثر واكثر

وتوها من شوي اتصلت علي
ابتدت المكالمة عادية شخبارج وشعلومج ووو الخ
بعددين سمعت من عندها صوت احد يناديها
الا اهية تقول بخشونة وكراهية مشغولة مشغولة بعدين

الا اقول لها ليش حاقرة زوجج مبزين شوفيه شنو يبغي بعدين اتصلي فيني مرة ثانية
مارضت!!!
قالت لا عادي
قلت لها خير

قعدت تقول :
ما تدرين بحالي يا فلانة انا عايشة بهم ما يعلمه الا الله ولا اقول لاحد كلشش وماكو الا انتي اقول لج وتوني اخبرج
قلت وقلبي قارصني: خير عسى ما شر؟

قالت : تصدقين؟ يعز علي
كل شي يعني اذا اقول له ودني المكان الفلاني يقول لي قولي لاخوج يوديج لكن اذا وحدة من خواته قالت تبي تروح مكان يكون حاضر وممنون وعادي عنده يودي اخته وينتظرها ساعات

تكمل تقول:
اهله مأثرين عليه وايد يعني انا حالي حال الشغالة مالي راي

يعني لما يجي بيسوي اييييييييي شي اول شي يروح لخواته يسألهم وياخذ رايهم بعدين اذا قرروا يخبرني
تقول : حتى طلعاتنه لازم وحدة من خواته معانا مستحيل نطلع بروحنا!!!
قلت لها وشلون علاقتج معاهم؟
قالت زينة وايد زينة تقول شايليني وحاطيني بعيونهم شيومين وطيبين معاي
قلت لها المشكلة بريلج!
قالت ايوة, جم مرة اقول له مابيك طلقني بس هو ماراضي
قلت لها طيب حاولي تحاجيه بالموضوع بهدوء
قالت :
والله عجزت وتعبت خلاص موبطايقة حياتي طفشت
قلت تعوذي من بليس ,, كنوع من التخفيف عنها ونا بقلبي الحرررررررررة
بس للاسف انا ما عندي خبرة بهالسوالف لاني ما عندي حماة يعني عايلة زوجي صغيرة وما عندي هالسوالف لله الحمد
مادري شلون اساعدها قلبي يعروني عليها
يعني تخيلوا بزواجهم كلللللللللل شي كان على ذوق اخوات زوجها كللللللللل شي من ملابس وغرفة نوم واثاث
بس لانها ما كانت تبي مشاكل وحمواتها معاها زينين ماقدرت تقول شي!!!
بصراحة اي وحدة مكانها ما راح تصبر والله
ساعدوها الله يخليكم
عطوني حلول شلون تخلي زوجها يعتدل لانه بصراحة مصخها اذا زوجته مالها راي ولا اهمية مادري ليش متزوجنها؟ عشان حاجته؟! واللهباط جبدي:angry2:
ساعدوها وكسبوا فيها اجر الله يخليكم