من قد سافرت تركيا ؟؟؟بالله تدخل

اختي ميمي

انا رحت تركيا كذا مره وآخرها سنة 98
تركيا بلد حلوه انا بصراحة تعجبني والله كل بلاد الله حلوه بس رفقة السفر هي اللي تحلي اكثر
ممكن تسألين عن الفنادق 5 نجوم مكاتب السياحة عندكم او تتصلين بسفارتهم عندكم اكيد راح يعطونك معلومات كثيرة
المهم احنا نسكن في شقق او في بيوت على الجبل في منطقو يسموها (يلوا) هذي تروحين لها من اسطنبول عن طريق الباخرة وانت قاعدة في السيارة/باص طبعاً (حلوة التجربة)
روحي منطقة اسمها تيرمال فيها حمامات مايها ينزلك من الجبل حار وفي سوق (كوك جيدرا)
بورصة وفيها تركبين التلفريك وتروحين فوق الجبل تشوون لحم والجو بارد هناك حلو
جزيرة الأميرات وطبعا بالباخرة تركبون حنطور يدور فيكم وتتغدون هناك
اسطنبول حلوه وفيها اسواق حلوة
والله خاطري اروح لها مره ثانية
وحبيبتي اللغة احنا مشينا معاهم بالإشارات وتعلمنا كم كلمه و ناسها ناس طيبين

مرحبا...

انا رحت تركيا مرتين وناوية على الثالثة...

وااااااااااااايد حلوة...

بس يفضل انك ما تروحين بروحك....يعني مع مجموعة تنظمها السفريات.....وتطلع ارخص عليك...ويكون معاكم مرشد يوديكم كل مكان....مناطق مختلفة...

اسطنبول للتسوق زينة....سوق اسمه عصمان بيك....حلو ورخيص....بس انتبهي من السرقة....

تركبين باخرة من اسطنبول الى جزيرة اسمها جزيرة الأميرات....رووووووووووووووووووعة..هذي الجزيرة مافيها سيارات....كله حنطور....تركبينه ويلفك على كل الجزيرة....

والمطاعم على البحر شكلها روعة واكلها ممتاز.....وايد حلوة...

وبورصة أحلى وأحلى....تركبين التلفريك وتروحين عند مطاعم فوق الجبل.....
يجيبون لك شواية ولحم وانتي تشوين....

ويلوا....مياه معدنية حارة......للاسترخاء,,,,والسباحة....

وببسسسسسسسسسس...وعندك منطقة جديدة اسمها ابانت....جنة على الأرض...انا مازرتها بس شفت صور....

ونسيت اقولك بالنسبة للغة...انجليزي....واللي مايعرفون بالاشارة يفهمون ...لأنهم متعودين على السياح....

بس لو يكون معاكم مرشد وايد احسن....يتكلم عنكم.....

ومع مجموعة احسن...لانك ما تحسين بخوف مثل لما تكونين انتي واسرتك بروحكم...
يعني معاكم عوايل ثانية...

يعني مافي امل للنمسا ؟؟
تركيا ولا شي جنبها !!

اوافق لولو في الراي انكم تاخذون معاكم مرشد سياحي ويا كثرهم هناك مكاتب السياحة
وعلى فكره يقولون ارخصت وايد سواء في التذاكر او في السكن علشان السياح قلو وايد بسبب الزلازل
وبعد نسيت اقولج تزورين المتاحف اللي في اسطنبول اذا كنت من هواة التعرف على التاريخ تراها عجيبه
وعلى فكره انا زرتها 5 مرات وخاطري في السادسة
اقول ولا تخافين على نفسج ترا مافي حد يموت قبل يومه والله يعطيج طولة العمر ويرجعج بالسلامة
والله يعينج على آلافاتهم وملايينهم الفلوس تكثر في تركيا وتصبحين مليونيره في يوم وليله!!!