معنات رهف بعد طلاق اهلها

السلام عليكم ورحمه الله وبركاته
عندي مشكله انسانيه وابيكم تجودو علي بالحل
هذا في واحد يصير لامي من بعيد كان صغير بالسن يعني23تزوج بنت عمه والي تكبره بكثير ومتزوجه قبله 2وعندها 5بنات تزوجها وما جلس كثير معها وطلقها وهي حامل ولدت وجابت بنت المشكله الحين كلها با لبنت
البنت هذي مدري كم جلست عند امها بعد الطلاق قامو خوالها قالو ما حنا مسؤلين عنها ابوها اولى فيها ورمو البنت عند ابوها بعد مشاكل انا مدري عنها ابو البنت ما عنده الا اخت وحده من امه متزوجه خال البنت وامه متزجه بعد موت ابوهم الي رباهم زوج امهم الي هو خالي المهم عمت البنت اخذتها عندها وربتها مع عيالها 3 بس كانت معاملته اشوي سيئه ما كانت مهتمه فيها وعيالها يضربوها وعلى ذمت الناس الي يقولوا المهم االبنت هذي مشرده وكلا ما يبها صارت مشكله ثانيه بين عيال العم قامت عمتها ورمتها عند جدتها ام ابوها وسافرت لا نها في ذيك الفتره ماهي بنفس المنطقه جدتها حليله وكويسه بس حرمه ماتهتم كثير بالاطفال طبعا البنت كان عمرها يمكن3 سنوات وداها ابوها لامها قامو خوالها رجعوها في الفتره ذي البنت صارت ضايعه ما حد يهتم فيها طبعا الشي هذا اثر على نفسيتها الي يشوف البنت يحس من تصرفاتها انها مي طبيعيه كلامها مو مفهوم لقافتها زايده ما تعرف الخطر واشياء كثيره انا احاول اختصر في دي الفتره امي حكت لابوي الله يرحمه قصتها قال ابوي الله يجعلها في موازين حسناته هاتيها احنا نربيها نكسب اجرها امي اصغر شي كان عنده اختي يمكن كانت 4ابتدائي ومرت ابوي عيالها باقي صغار المهم قالت امي لجدتها وعمتها ابي البنت قالو احنا ما عندنا مانع بس نشوف ابوها دقو على ابوها قال خلاص جابتها امي عندها وكانت البنت نفسيتها مظطربه تاكل اظافرها تجرح حالها وتجي توري ابوي الله يرحمه الدم تحاول تلفت انتباهم طبعا ابوي الله يرحمه قال لابوها مانبي منك اي شي نسيت اقولكم فذيك الفتره ابوها كان عاطل المهم مرت الايام وما احد سال عنها الا اذا شا فوها صدفه مع امي في عزيمه او منا سبه طبعا البنت ما تعدل سلوكها ومن اسواء الى اسواء بالرغم من اهتمام اخواتي فيها يلبسوها ويكشخوها بس هي من النوع الي ما يبان فيه ما تتخيلو لو اقولكم احساسها متبلد ماتفهم كل شي تعبث فيه طبعا حاول اخواني يعدلو من سلوكها بس ما قدرو تطلع في الليل وتطارد البساس في الشارع ما تخاف
هي الحين عمرها 7سنوات بس هي هي ما تغيرت كم مره حاولت ترمي نفسها من السطح حتى المدرسه سجلتها امي فيها ما تحملوها اسبوع دقو على امي قالو تعالي خذيها هذي عنيده ما تميز تخيلو تسوي حركات في المدرسه تهاوشها المدرسه وترمي نفسها على الارض وتعيي تقوم اليومين الاولى كانت كل مدرسه تمر تحظنها وتقول هند الاولى ما تت انا هندجديده طبعا المدرسات يبكو لانهم عارفين قصتها
ابوها تزوج وعنده بنتين بس ما يسال عنها لما امي تجي الرياض تراجع توديها لهم ما يصدقو متى ترجع امي يجو يرموها عند امي طبعا ابوي توفا قبل سنه وقلنا نبي نعتبرها اجر عن ابوي الله يرحمه ويغفر له ان شاءالله بس البنت تصرفاتها لا تطاق فيه ناس كثير يقولو لامي انتي وش تبغين فيها رجعيها لاهلها هذي مسؤليه وكانت تقول امي الي يجري على يجري عليها كلنا تحت رحمه ربي امي تحببها في ابوها ومرت ابوها وتسولف لها عن امه عشان ما تكرهم والاهل للاسف كلن عايش حياته طبعا في اشياء كثيره بس انا ابي اختصر عشان اجي للسالفه الي خلتني اكتب الموضوع هذ يا حبيباتي قبل اشوب دقت مرت ابوي علي وقالت شفتي الي صار اختك الصغبره من اليوم تبكي سببتلها هند حاله نفسيه قلت ليش قالت هند طلعت عا السطح ومسكت بس وذبحته وطلعت مصرانه واختك تشوف اختي عمرها 3 سنوات وما صحينا الا على صراخها وصراخ مرت اخوي من المنظر المرعب اختي الصغيره ما خذه اشوي من تصرفات رهف
الحين قولو لي ايش انسوي معها اهلها ما يبونها وهي صارت خطر وامي من زمان لما نقول رجعيها تقول انتم تبو تحرمونا اجرها وتزعل عندها
نسيت اقولكم لما المدرسه طردتها دق اخوي على ابوها وقال ودها شيخ يقرا عليها وبعد علعله جا ء ابوها ويقول انه ودها وانه ما فيها شي بنات اعطوني حل يرضي امي ويرض مرت ابوي الي خايفه على بنتها وولدها الصغير