ميرندا
•
حبيبتي ميرندا ... مشكوره يا الغاليه على ردج و الف شكر على وسع صدرج في تقبل النقاشات ... حبيبتي بالنسبه للمشروع الثاني ابغاه يكون مجرد "صالة ترفيهية للألعاب" ... لأن المحافظة اللي أنا فيها مافيها شي ترفيهي ابداً... اذا الناس يبون يترفهون يا ينزلون السوق اللي هو عبارة عن عدة محلات في شارع واحد ... أو تروح الحرمه فيهم للمشاغل اللي رغم بساطتها الا انها كثيره و في كل شارع وزاويه بهالمحافظه أو يطقون مشواير إلى المدن القريبة منها للترفيه عن انفسهم و أطفالهم سواءً كان بمطعم للعائلات أو مدن الألعاب لافتقار هالمنطقه لهالشي... أدري ان كلامي ما يبدو منطقي بس هذا الواقع ... ماكو الا مطعم واحد للعوائل ومحد يدخله لأنه مطعم صيني والناس هناك ما يحبون هالشغلات فتحسين المطعم مقتصر على شريحه معينه من الناس... والسكان هناك تعودوا على هذي الشغلات و على المشاوير بس بالنسبه لي يمكن لأن صار لي بس سنتين و 7 شهور "فترة زواجي" جاتني كآبه من المكان هذا ... ففكرت ماذا لو أني سويت مركز ترفيهي ... بحيث مو بس انا اللي استمتع فيه بس كثير من الحريم اللي هناك يشتكون من هالشغله بس ما بيدهم شي ... فقررت اني ابتدي بهالمشروع .. مع ان زوجي يقول انها فكرة سيئه بس الحريم الكثير اللي اعرفهم هناك أكدوا لي انهم يتطلعون لهذي الفكره ... ممكن الفكره ماتلاقي قبول من الرجال في البدايه لأن شي جديد عليهم بس مع الوقت راح يتعودون... و بصراحه أنا ودي بهالمشروع بعد عشان المنطقة توها بدت تنتعش التجاره فيها ... و أنا ماني طالبه اسوي شي كبير فوق امكانياتي... باختصار ابي استأجر محل كبييير مساحته تكون بمقدار مساحة صالات الألعاب اللي بالعادة تكون في المراكز التجارية و المجمعات... و أقسمه بنفس التقسيم تقريباً و ديكورات حلوه ... والصالة تكون مقسمه لعدة اقسام... قسم خاص بالاطفال الصغار يحتوي على الالعاب الهزازة و كل الشغلات اللي تشتغل بالكوينز "القروش" مع البيت الهزاز او النطاطيات... وقسم ثاني للأطفال اللي أكبر شوي ... يكون فيه سيارات التصادم و القطار الأرضي و الألعاب المروحية و هالشغلات ... و بيت الأشباح... و قسم آخر خاص منعزل يكون فيه العاب الكمبيوتر او الالكترونية مع العاب الطاولة... وابي اعرف من وين احصل على هالشغلات هنا في السعودية .. لأني لقيتها و اسعارها مناسبة بس خارج السعودية او بالاصح خارج الخليج وهذا صعب بالنسبه علي اني اروح واشتريها من الخارج ...فأبي مكان هنا بالسعودية يوفرها لي... و ابي اعرف اسعارها هنا .. لأن في الخارج اسعارها معقوله... و أنا ناويه باذن الله اذا نجح المشروع اكبره و اخليه مدينة ترفيهية متكاملة... مدري اذا فكرتي وصلت و الا لسه؟!!!... واتمنى انج تساعديني فيهاحبيبتي ميرندا ... مشكوره يا الغاليه على ردج و الف شكر على وسع صدرج في تقبل النقاشات...
الاخت الكريمه
فكرتك رائعه وتفكيرك سليم ، والاهم اقتناعك ورغبتك في المغامره
اذا كانت هذه رغبتك فتحتاجين اولا الى قاعدة بيانات حول الفئات العمريه التي ستخدمينها وعلى ضوء هذه البيانات تحددين احتياجاتك ( هذا اذا رغبتي في اتباع الخطوات السليمه ) واقصد بلاحتياجات اي الاجهزه وهذه خطوه اتمنى ان تاخذيها بعين الاعتبار
موضوع استيرادها من الخارج انا لا انصح به بالرغم من انها ارخص وتامينها من الداخل يضمن لك ( خدمه ما بعد البيع ) الصيانه ، قطع الغيار ، وحتى التدريب والتطوير
ومثل هذه التجهيزات موجوده في المدن الرئيسيه ، وما عليك الا الحصول على الادله الخاصه بالغرف التجاريه والبحث تحت موضوع الادوات الرياضيه وستجدين العديد منها وهي وكالات موثوقه ومشهوره ومعروفه للكل
الامر المهم والذي احب ان تاخذيه بعين الاعتبار ايضا هو ان تشتري الجهاز الجيد والذي سيخدمك لفتره طويله و لو ان سعره سيكون مرتفع ولا تغامري بشراء الاجهزه الرخيصه لانك ستضطرين الى استبدالها لانها وغالبا ما صممت للاستخدام المنزلي وابحثي دائما عن كلمة (heavy duty ) على المنتجات والاجهزه التي ترغبين في اقتنائها
اتمنى ان تكون الصوره قد وضحت
تحياتي للجميع
فكرتك رائعه وتفكيرك سليم ، والاهم اقتناعك ورغبتك في المغامره
اذا كانت هذه رغبتك فتحتاجين اولا الى قاعدة بيانات حول الفئات العمريه التي ستخدمينها وعلى ضوء هذه البيانات تحددين احتياجاتك ( هذا اذا رغبتي في اتباع الخطوات السليمه ) واقصد بلاحتياجات اي الاجهزه وهذه خطوه اتمنى ان تاخذيها بعين الاعتبار
موضوع استيرادها من الخارج انا لا انصح به بالرغم من انها ارخص وتامينها من الداخل يضمن لك ( خدمه ما بعد البيع ) الصيانه ، قطع الغيار ، وحتى التدريب والتطوير
ومثل هذه التجهيزات موجوده في المدن الرئيسيه ، وما عليك الا الحصول على الادله الخاصه بالغرف التجاريه والبحث تحت موضوع الادوات الرياضيه وستجدين العديد منها وهي وكالات موثوقه ومشهوره ومعروفه للكل
الامر المهم والذي احب ان تاخذيه بعين الاعتبار ايضا هو ان تشتري الجهاز الجيد والذي سيخدمك لفتره طويله و لو ان سعره سيكون مرتفع ولا تغامري بشراء الاجهزه الرخيصه لانك ستضطرين الى استبدالها لانها وغالبا ما صممت للاستخدام المنزلي وابحثي دائما عن كلمة (heavy duty ) على المنتجات والاجهزه التي ترغبين في اقتنائها
اتمنى ان تكون الصوره قد وضحت
تحياتي للجميع
الصفحة الأخيرة
موضوع حلو ومشوق تسلمين اختي ميرندا وجزاك الله خير على مجهودك الكبير
بصراحه حنا في اشد الحاجه لمثل هذي الدراسات الي توعي المرأه وترشدها وتضعها على الطريق الصحيح ..بوركت وجعله الله في ميزان اعمالك ان شاء الله..........