فديتكم ابي افضل مشغل للمكياج في الدرعيه

انا ساكنه جنب الدرعيه شوفي عندس مشغل مني وحده اسمه غاده هي وبناتها يشتغلوان في المشغل رقمها ×××××××× شغله رخيص وحلو وفيه مشغل ثاني بس غالي في درعيه وفيهم شوفت نفس فا خليك عند غاده مره طيوبه ورخيصه
والفستان عندس الاندلس فساتينهم حلوه وفيه محلين مقابل الاندلس روعه فساتينهم و محل في طيبه اسمه فاشن زون رخيص وحلو
وعندس بعد اسواق مكه رخيص وروعه جد حلو كل شي عندهم فساتين وكسسورات تجنن ورخيصه بس مشكلته بعيد شوي واي سوال انا حاضره بتوفيق ودعي لي :22:

الله يسعدك يارب ويوفقك

الاندلس واسواق مكه وين

تراي جديده على الرياض

هلآوين
حيآتسس الله بالرياض ديرتسس ..,

وبخصوص سووق مكه .., هو ع طريق الملك فهد .., مخرج طارق بن زياد ..,اتجاه جنووب .., بعد الاشاره فوق الكبري بتحصلينه قدآمتسس ..,

.., وسوق الاندلس ....ع شارع العليا العام ..,

حياس الله يا الغاليه هينا برياض ....,,,

-

إذا اردتي اسواق رخيصة وشعبية أو بالجملة فعندك :
- السويلم .... فيه عطورات ومكياجات واوله مجموعة من محلات لعب الاطفال بالجملة والقطاعي ...
- سوق العطايف يوازي شارع السويلم وفيه عدد كبير من المكتبات .
- شارع الخزان فيه مجموعة من محلات الديكور (( نقلاً عن شماليه ))
- أسواق العويس في الشمال ...تتميز بروعة الاواني المنزليه .
- اسواق السبالة للاواني المنزلية واسعاره جدا مناسبة ومعتدلة .
- إذا اردتي اقمشة عندك اسواق الاندلس في شمال الرياض ..
- هناك محلات الهرم للملابس موجوده امام العويس وبعض الاغراض من جزم كرمك الله وخلافة وكذلك لها فروع متفرقة في الرياض ..... رخيص جدا وموديلاته روعه والبظاعة تتغير بسرعه واحيانا تروحين تلقين اشياء حلوة مرة وممكن بعد يومين ماتلقين عنده شيء :22:
- مفروشات وتحف واواني منزليه تجدينها في اسواق بن دايل في جنوب الرياض وكذلك اسواق المدينة التي بجواره .
- هناك محلات مفروشات على امتداد شارع الامير عبدالله ...
- إذا اردتي اسواق بها ماركات وراقيه " العليا مول , صحارى , النمر , العقارية , العثيم مول"

القهاوي :
- د. كيف شارع الامير عبدالله
- قهوة ما اعرف اسمها تجدينها في تقاطع شارع التخصصي مع التحلية .بس حلوة وديكورها غير شكل .
المطاعم :
-هناك مطاعم شعبية وفيه جلسات عوائل أو ممكن تأخذين سفري مثل : ديرتي , غوزي . القرية الشعبية .
- مطاعم متنوعة : الخليج الصيني , تراي الهندي , عمو حمزة للاسماك واسماكة لا يعلى عليها .
شيراز الهندي
- شارع التحلية فيه مجموعة مطاعم بس ماتحضرني اسمائها .
- السرايا التركي في شارع الثلاثين
- توتي بيروتي شارع الضباب " لبناني "
فاكهة لبنان
العجمي روعه بس اغويلي شوي
ودعي لي من قلبس :22:هذا الي اتذكره وأي سؤال انا بالخدمة

رفع لعيونك