منو فيكم حواجبها رفيعه وخاطرها تكون سميكه بس الشعر اللي نابت يسببلها احراج..ادخلوا

بنات منو فيكم حواجبها رفيعه وخاطرها تكون سميكه بس الشعر اللي نابت يسببلها احراج وتكون مضطره اتم عنفس الرسمه ..ادخلوا وتتعلمون مني طريقتي السحريه...

مرحبا بالغاليات ..
اكيد كل وحده فيكم اتبعت الموضه وحفت او خففت حواجبها على شكل قوس او رقم ثمانيه وتريد تتبع موضه السنه مثل حواجب الهنديات انا بعلمكم طريقه بتفيد كل البنات اللي بتتزوج او المقبله على مناسبه وتريد تفاجئ الجميع حتى للبنات اللي اهاليهم مانعينهم من الحف الين تعرس وتقدر تخفف بشكل غير ملحوظ بس حابه ما يسببلها احراج مع صديقاتها في المدرسه او الكليه واليكم طريقتي:
المطلوب
1)تشترون جولين الاخضر كريم التقشير بتحصلون في الصيدليات ,الجمعيات طبعا تعرفون شكله .
2)تشترون فازلين الازرق من بيبي جونسن للاطفال عكس الوردي المعطر .
3)تيبون فرشاه المكياج اللي شعيراتها مستقيمه بس تكون صغيره الحجم اللي تستخدم في وضع الظلال اللي تحت الحاجب عرفتوا اقصد اي وحده؟
4)تفرغون علبه ماسكره قديمه ما تحتاجينها ابدا وتنظفينها مع فرشاتها وتعبين زيت الخروع داخلها وافضل زيت الخروع اللي شكله مثل دوا الكحه زجاجته بني وغطاه ابيض بتحصلونه بالصيدليات او الجمعيه
5)تشترين فرشاه اسنان يديده اللي نوعها السوفت وتخصصينها لتمشيط الحاجب دايما ولابد بدل فرشاه اللي اتي مع فرش المكياج
6)تشترين صبغه اسمها بيجان اللي يستخدمونها الشواب هي اتي بس على لون اسود او بني مسود وعلبتها مرسوم عليها وجه رجل وامراه ولونها اخضر غامق وابيض وبداخلها مرهمين رقم 1و 2 +قفازات وفرشاه
طريقتي للي ما يقدرون يخفون حواجبهم الا في ليله عرسها ::
1) ادهني محيط حواجبج فوق وتحت عند الجفون العليا بفازلين الازرق
.2)مشطي حواجبج بفرشاه الاسنان شعر حواجبج عاى فوق
3)يبي شوي من كريم التقشير وبواسطه فرشاه الظلال وزعي الكريم بطريقه مستقيمه كانج تحطين اي شاده البيج تحت الحاجب وانتظري دقايق وبتلاحظين الفرق
طريقتي للي حواجبهم رفيعه وحابين يسمكونها ويفاجئوون الجميع بلوك يديد:
1)ادهني حواجبج ليل ونهار بزيت الخروع وبالذات فتره استقبالج للدوره الشهريه لان هذا الوقت ينبت الشعر اللي بالوجه والجسم اسرع من اي وقت
2)اول ما تلاحظين نبتوا حواجبج فوق ولا تحت لا تعطين فرصه للي جدامج يلاحظ عليج وعلى طول شقريهم بس قبل التشقير حطي فازلين نفس الطريقه اللي شرحتها من قبل عشان الجلده ما تهيج عليج وتمي على هاي الطريقه لمده 3 اسابيع ويستحسن الين ما تشوفين ان الشعرعبا كل الفراغات وصار عندج حواجب سميكه بس شقرا اللون
واهني اتيكم طريقتي السحريه قبل لا تنوين تروحين الصالون بساعه او يوم كامل :
1) حطي فازلين على جلده حواجبج وكثري على المنطقه المحاطه بالحواجب
2)ييبي صبغه بيجان واحطي زي حبه الرز بالتساوي من مرهم 1ومرهم 2 واخليطيهم مع بعض وبفرشاه الظلال اللي كنت تستخدمينها وقت التشقير وزعي الصبغه على حواجبج الشقرا والسودا عشان ياخذون نفس اللون وانتظري 5 دقايق (لا تخافين اذا لاحظتي اللون لما يغمج اكثر ولا اتسرب على جلده لان الفازلين اللي حطيتي قبل بيعزلج لون الصبغه عن الجلد.
3)اغسلي ويهج....ادري شكلج يخوف ؟؟؟؟ بعد ما تنشفين ويهج رطبي الجلده المحاطه بالحواجب بفازلين الين ما تروحين الصالون وهني تقدرين تطلبين رسمه حواجب الهنديات

بالنسبه للعرايس وبنات بوظبي بدلكم على احسن صالون لرسمه الحواجب الهنديه او اي شكل حسب موضه السنه:
1)صالون سيدتي الجميله واطلبي بالتحديد وحده صينيه اسمها سنو
2)صالون المركز الطبي واطلبي بالتحديد وحده بكستانيه اسمها ريكا

3) صالون ايفانا واطلبي بالتحديد وحده هنديه اسمها ونيته
4) صالون ايفا الاخضر اللي بجانب نكست واطلبي بالتحديد وحده هنديه اسمها كبرى

ونعيما مقدما ياالغاليات...