انا ماقد جربت الا عجينتين وهم ال10 دقائق
وعجينة هند
كلهم خيال بس لام تطولين تعجنين

عجينه العشر دقاق تصلح للي زي وزيك خذيها من المنتدى حواااااااااااااااااااا حبيب الروح

الطحين الكويتي ممتاز للمعجنات جربيه يساعد على نجاح المعجنات انا اذا استخدمت الطحين السعودي لانه مخلوط بالبر تفشل العجينه ولاتنفش

عندي عجينة ممتاااااااااازة جدا ولا يوم ولله الحمد خربت علي جربيها وبتدعين لي

اول شئ لازم عجانه وتعجن فيها لمدة 10 دقايق وعجانتي تيفال ورخيصة ب 150 واختي عندهاوحده ب80 بس مدري وش اسمها

ثانيا استخدمي دقيق الكويت ينجح بعكس العادي يتعبك
ثالثا الخميرة من تشترينها حطيها بالفريزر على طول وافتحيها وخذي منها ورجعيها للفريزر
رابعا المقادير كلها بكاس الجبن السائل الكبير
وهي 4 كاسات دقيق حطي 3 بس منهم في العجانه وخلي الرابع على جنب
وحطي فوقهم 3 ملاعق اكل حليب بودرة
وبيالة سكر
وملعقة صغيرة ملح
وربع ملعقة صغيرة بيكنج باودر
وملعقة اكل مليانه خميرة

شغلي العجانة شوي تختلط المكونات ثم اضيفي التالي
كاس زيت مقاس كاس الجبن الصغير واذا ما عندك نص الكاس الكبير
وكاس ماء ونص دافئ فقط لا تزيدين

وشغلي العجانة
واذا بدأت العجينة تتماسك رشي عليها شوي شوي من كاس الدقيق الرابع لحد ما تتماسك وتنفصل من زبدية العجانه وتصير زي الكورة
وبتستهلكين الكاس الرابع كله وبتصير عجينة لينه وتفرد بسهولة ويكفيها نصف ساعة تتخمر
اهم شئ كل ما طولت عجن كل ما زانت وحتى بالفرن يطلع تحميرها زي المخابز

وبتحتاجين ترشين شوي دقيق اذا جيتي تفردينها

وعلشان تنجح فطااائرك اهم شئ في وجهة نظري انك لم تفردينها وتحشينها وتشكلينها تخليها بالصينية تتخمر مرة ثانية قبل لا تدخلينها بالفرن يعني افردي واحشي وحطي بالصينية وغطيها بسفرة بلاستك علشان ما تنشف ثم ادهنيها وانا عن نفسي ما ادهنها ابد لونها يطلع حلو بالفرن

وقبل لا تدخلينها الفرن شغليه قبل بفترة خليها يصير حار علشان تستوي وتصير هشة ولينه ولا تقسى وتيبس

عادة تقعد فطائري اقل من 10 دقايق بالفرن وفرني كهرب

وان شاء الله تزين معك
وهذي العجينة لكل شئ >>فطائر بانواعها وخلية وبيتزا وسينابون اي شئ فيه عجينه استخدم هذي

ممكن تسالي الاخوات قبل ما تبدائي باي طبخه او عجينيه معينه

عشان ياكدولك ايش الصح وايش الغلط