ورد.. @ord_43

عضوة فعالة

سالفة اخوي مع حريمه<<هاتوا ارائكم

مساء / صباح

الخيرات

انا بدش بالموضوع دغري وابي ارائكم بكل مصداقيه ووش الحل من ناحية رأيكم بالموضوع

اخوي الكبير عمره 30 سنه متزوج زوجتين الاولى عمرها 29 والثانيه 27

بتكلم عن الاولى شوي بعدين عن الثانيه بعدين عن اخوي عشان بس توضح لكم الصوره

مرته الاولى " جمالها متوسط طيبه اخلاق وتعاملها زين معنا ،، اهلي ساكنين بفيلا كبيره بالحيل كبيره وداخل حوش الفيلا فيه فيلا صغيره اللي هي فيلة اخوي هذا متكونه من شقتين اللي فوق مسكن فيها الثانيه واللي تحت للاولى بس كل وحده لها مدخل خاص فيها يعني اللي فوق مدخلها من قدام واللي تحت مدخلها من وراء

اكملكم عن مرته الاولى بداية زواجها منه طبعا زواجهم تقليدي لاحب ولاغرام كانت ببدايتها معه تحبه وتتعامل معه بأحساس صادق بعد ماحملت بدأت تتغير وبعد ماجابت البنت اتغيرت اكثر طبعا اتغيرت من ناحية اخوي بس معنا احلى من العسل تغيرها كان بعدم اهتمامها فيه وتمل منه وبس تشكى وتبي وتبي وهمها بالدنيا بنتها انا مو ضدها بذا الشي بس زوجها له حقوق المهم حذرها اخوي من تعاملها بس ولاهمها تسمع اليوم وباكر تطنش
بس تبي تجي عندنا وتجيب عيالها وتستانس معنا وتنسى اخوي
لما حملت بالثاني اخوي تزوج عليها وسبحان الله على ر دة فعلها الغريبه احلف بالله يابنات انها مانزلت دمعه وانها جاتنا واتعشت معنا عند اهلي وسهرت والوضع عادي جدا
على فكره ترى كلنا نحبها وفعلن البنت طيبه معنا بس تتعامل مع اخوي بأهمال يعني تخدمه وتشوف طلباته بس خوف منه تحترمه لانها تخاف منه تلبي طلباته لانها تخاف منه كل شي تسوي له بس خوف منه لانه عصبي ومره هددها بالطلاق وهي موتها ولاترجعني بيت اهلي لان وضعهم موتمام اهلها صح متربين بس وضعهم سيء جدا وهذي قصة الاولى طبعا عندها من اخوي بنت وولدين
ومهمله بأمور كثير اخوي يحبها

مرته الثانيه" حبابه وبنت ناس واهلها ناس معروفين واخلاق وذوق وجمال ماشاء الله والاهم ان اخوي يموت فيها ويعشقها وما ألومه لان تحطه على راسها وتركض فيه بس تبي تدللله وتهتم فيه وبنظافة بيتها وبزوجها وبكل شي يعني تقدرين تقولين حرمه بحق وحقيقه اسم الله عليها
تخدمه بأحساس صادق مو خوف منه لا حبن فيه احترامن له كل شي معه بأحساس صادق وفوق هذا كله لوحصل له شي تراعي ظروفه حنا الحمدلله وضعنا المادي زين بس اخوي هذا تحصله مشاكل ومايحب ياخذ من احد وهذي ماتفكر تطلبه شي وتصبر وتتحمل وراضيه بكل عذاريبه
وفوق هذا لاصار هوشه او مشاكل كله على راسها وصابره يعني بأختصار تعمل لأخوي اللي كلنا مانقدر نعمله لأزواجنا وفوق هذا كله لاهي راعية صداقات ولاطلعات ولا شي همها بالدنيا زوجها وبيتها وولدها

الان بتكلم عن اخوي"حباب ووسيم واخلاقه زينه ويراعي الله بكل تصرفاته بس هو عصبي حييييييييل وشخصيته قويه جدا جدا وانا على رغم من اني متزوجه وماله دخل فيني الى اني اخاف منه وله هيبته عندي وعند زوجي
وهذا سبب خوف الاولى منه غير انها تخاف يرجعها لاهلها

اخوي الان يموت على مرته الثانيه وهي تشهد اناملها اللي تحرقها علشان تضوي له انها تموت عليه
بس المشكله ان اخوي يخاف الله ويبي يعدل مع الاثنين بكل شي وهو فعلن عادل معهن بكل شي
بس بصراحه مومرتاح بحياته لان مايبي الاولى ويخاف الله فيها يخاف يطلقها ويخاف يعاملها مو زين ويخاف من كل شي يقول اخاف الله يعاقبني بها
يعني كثير يقصر مع الثانيه علشان يعدل مع الاولى ويشهد الله انه لما يكونون جميع مجتمعين اانه يتجنب يتعامل مع الثانيه بس خوف من الله انه الاولى تلاحظ حبه لها وعلى فكره هي تدري انه يحب مرته الثانيه ومايحبها بس طنش وياما كلمناها تتغير وماكو فايده

الان يابنات اخوي جاني البيت وضايقن فديته يقول انا مقصر مع ام عزوز اللي هي الثانيه بكل شي وحارمها من امور هي ماتستاهل احرمها منها بس اخاف اني اسويها لها وانا مابي اسوي للاولى لانها ماتستاهل
ودايم اجرح ام عزوز علشان ام نايف اللي هي الاولى
وجلس يسولف عن امور واجد وحسيت فعلن انها مظلومه الثانيه يعني هي اللي تحبه وتهتم فيه وتخدمه بروحها ويساويها باللي ماتدري عن هوا داره ولاتراعيه واهتمامها بس خوف منه

اللي قريب لها انسان ملتزم او شيخ تسأله هل يجوز انه يعامل الثانيه افضل من الاولى لان الثانيه من الاصل افضل من الاولى معه؟

وانتم شنو رايكم ،، بصراحه ام عزوز كسرت خاطري شايله بقلبها وسكته بس ربي عليم انهم عندي كلهم نفس بعض ماكو وحده اغلى من الثانيه لاتحسبوني اصف مع ام عزوز لاني احبها لا والله واصلن ام نايف قريبه مني اكثر

363

37K

هذا الموضوع مغلق.

ترف الصبا2008 • 13 سنة

ام عزوز تدري انها الثانيه يعني تحمل نتيجت خطاها

ايماس • 13 سنة

الله يصلح حال اخوك مع زوجاته المفروض عليه العدل بينهن باللي يقدرعليه من النفقه والمبيت وغيره لكن الميل القلبي هذاالرسول عليه الصلاة والسلام عجزعنه قال( اللهم هذاقسمي فيمااملك فلاتلمني فيماتملك ولااملك)لكن واجب عليه ان مايبين غلاوحده عند الثانيه

أرين الحلوة • 13 سنة

شوفي ياختي مالك فيهم هو وحريمه

يقول المثل ياداخل بين البصلة وقشرتها ماينوبك الا ريحتها

واخوكي مادام اتزوج خلاص خليه قد يتحمل مسؤولية فعلته وان حاب يفضض لك انتي اسمعي من هنا وخرجي من هنا مالك دخل

قوليله روح اسال اي شيخ وهو يفتي لك والله يعينكم

أم عـــناد • 13 سنة

ياحرام وربي كسرت خاطري شي يقهر اعطي زوجي كل شي وزوجي يعطيني وغيري نفس الشي المشكله انه على كلامك الاولى مهملته يعني قهر بس الشكوى لله لازم العدل

وصح حاولي ماتدخلين بينهم افضل لك

بسمة أحلامـي • 13 سنة

مايندرا

تدور الدنيا وتصيرين ام عزوز مدري ام حمود!!

اطلعي منها ماتدرين وش ببيتهم لايصيبك دعوة مظلوم وواضح تحاملك على الاولى !

والثانية يوم تاخذه تدري معه حرمه :)