السلام عليكم ^_^ ..
هذي كيكه لذييييذه جدا فوق الوصف وطعمها مميز ...
ذاقها عندي خالو ربي يخليه لي ، وسأل من وين مشترينها ،
وبكللل ثقه قلت انا مسويتها ياا تاج راسي ،
ولا شك يومها لأنها كانت مقصوصه بصينيه الباوند كيك ..
المقادير :
3 كاسات دقيق ونرشه بشوي ملح
5 حبات بيض
ملعقه صغيره ونص باكينج باودر
شوي فانيليا
نص ملعقه هيل مطحون
نص ملعقه زنجبيل مطحون
نص ملعقه قرفه مطحونه
كاس سكر
كاس زبده لينه >> انا حطيت نص كاس زبده سايحه ونص زيت
ربع كاس عصير برتقال
نص كاس حليب سائل
جوز مجروش لوز مجروش زبيب حبات هيرشي >> مكنش متوفر الهيرشي..
الطريقه :
نسلق لوز ونقشره ونجرشه بالمكينه ..
والجوز نحطه بكيس نايلون ونجرشه >> ما يتعب
زبيب نغسله وننشفه ..
ممكن تحطين مشمش مجفف او اي نوع مكسرات تبين ..
جهزنا الدقيق والمكسرات ..
نضيف ع الدقيق البكينغ باودر والملح ..
هنا ننخل الدقيق بالمنخل ومعاه البيكنغ باودر والملح عشااان تنفش الكيكه ..
هنا نضيف المكسرات والزبيب ونخلطها مع الدقيق عشان لا تهبببط بقاع الصينيه ..
هنا البيض والحليب والزيت وعصير البرتقال
والسكر معاه الهيل والقرفه والزنجبيل والفانيلا ..
مزوده بمقدار الحليب عشان لو احتجت ما احوس ^_^
نخفق البيض مع السكر والهيل والقرفه والزنجبيل والفانيلا
لين يعطينا قوام كريمي و نضيف الزيت والحليب السايل
اللي هو نص كاسه (( انا بالصور معبيه الكوب كله )) وعصير البرتقال ..
نضيف الدقيق على الخليط ونحركه بالملعقه
ليييييين يتجانس تماما >> ويكون قوامه ثخيييييين ..
يتبع ~
نجهز الصينيه ندهنا بزيت ونرشها بدقيق ..
ونحط الخليط وندخله الفرن من تحت لين يستوي ونشغل فوق يتحمر ..
وهذا شكل الكيكه النهائي والصور ذي من اول عندي لاني نسيت
اصورلكم شكلها النهائي بهالمره ^_^ ..
رااااح تعجبكم ان شاء الله ...
وسوووها بالصينيه المجوووفه من النص
او بصينيه الباااوند كيك اقسميها بصينيتين لان الكميه كبيره ..
لا تنسوووني من دعواتكم الجميله ..
سبحان الله وبحمده .. سبحان الله العظيم