حابة أحكيلكم قصتي ياريت ما تبخلو علي بردوردكم

السلام عليكم أخواتي حابة احكيلكم قصتي وبالمختصر لأنو هي طويلة جدا ورحلة عذاب ومعاناة واذا بدي احكيها كاملة بكل التفاصيل 50 جزء ما بكفيني ....

أنا قصتي كتير طويلة يارب ما تملو منها ...
اتزوجت من عشر سنوات تقريبا وبعد ثلاث اشهر طلعت حامل ورحت للدكتور وعطاني فوليك اسيد وشوية فيتامينات لأنو كان عم ينزل مني دم أسووووووود والحمد لله بعد هلاأدوية وقف الدم طبعا مع الراحة المهم الحمد لله كنت حامل بصبي وأموري تمام وحتى كنت طبيعية جدا وكل مين يشوفني يستغرب كيف هيك يعني ما بحس بتعب وبطني لحلقي وعم بمسح البيت ووطي واغسل على ايدي لأنو ما كان عندي غسالة الله وكيلكم والفهمان والمحترم كان ما يهمو شو يعني حامل شو ما حدا غيرك حمل يعني ومن هالحكي وكان يرفسني بصباطو على ضهري ((الله لا يسامحو)) وأنا بالشهر التامن ويألي ليش حملتي أنا ما بدي الولد مين ألك تحملي ما بدي ياه ما بدي ياه هيك يضل يصرخ ويعيط ويقول هيك ((الله لا يسامحو)) هو كان أكبر مني بــ 12 سنة وما بيحب يحمل مسؤولية أصلا لما اتجوزتو كان عطال بطال داشر بالشواريع وبياخد مصروفو من أبوه وأخواتو البنات ومو بس هو هيك أخواتو الشباب كلون متلو وهو كان آخر العنقود لا تقررررفوووو ((الله لا يسامحو)) المهم خليت ماما تجي لعندي بأول التاسع لأني تعبت وتقلت حركتي كتير وطبعا هو ما بيطيق ماما أبدا لأنها كاشفتو والصراحة هي كانت تكره الأرض يلي بيمشي عليها بس كان معها حق لأنو كانت شايفة أديش هو حقير ومو محترم وبيعامل بنتها أسوأ معاملة وروح قلبو البنات بيصير متل البلسم لسانو أدامون ((الله لا يسامحو)) المهم يا بنات وصلنا ليوم كنا قاعدين أنا وماما سهرانين لوش الصبح وفتت انا عالحمام الله يكرمكم وطلعت فا ماما اطلعت على رجلي وقالتلي وهي مرعوبة لك يييييييييي يا بنتي باينتا طاقة مية الراس أنا من رعبتي التلا لااااااااااا بس ما نشفت منيح لما طلعت من الحمام هي سكتت بس ضلت قلقانة وعيونا كلون خوف وصارت تراقبني زيادة عن اللزوم المهم فتت مرة تانية وطلعت وكمان كان في مي شارة لسفال رجليي هون ماما قالتلي لك بنتي أكيد مية الراس لازم تروحي عالمشفى فورا ألتلا لالالالا يالله انت ليش خويفة هيك مو مية الراس هي أنا فايتة نام وفعلا فتت نمت بس الصراحة ما غمضتلي عين لأنو كنت خايفة كتير والبيبي بطل يتحرك تماما مع أنو ابني كان عصبي كتيييييييييييير وحرررررك بطريقة رهيبة ما بيهدا بالمرة المهم فيقت المحترم ((الله لا يسامحو)) التلو قوم بسرعة بدي روح عالدكتورة فووووووورررررااااا الولد ما عم يتحرك والأخ ادايق لأني فيقتو الساعة 10 الصبح كان بدو يكمل نوم وقال شو مو ضروري هلأ لما فيق بس انا صرخت بوشو التلو عم ألك قووووووووم الولد ما عم يتحرك شو ما بتفهم أنت قوم بسرعة أمت فيقت ماما والتلا أنا رايحة عالدكتورة استنيني بتصل فيكي والهيئة هي كمان ما نامت من خوفها علي مسكينة ...
المهم رحت وفتت لعندا طوارئ يعني ما انتظرت الدور فحصتني عالجهاز وفعلا لقيت المي كلها رايحة والبيبي نشفان يعليي وبهدلتني وشرشحتني وما خلت علي أنو كان لازم أولد الساعة 4 الفجر وقالتلي بوشك عالمشفى فوووووررررررراااا وأنا تاركة العيادة وجاية وراكي فورا بس أنتي اسبقيني وأنا حبلغ المشفى المهم رحت ركيد عالبيت والت لماما هالحكي مشان تحضر حالها وشنتة البيبي المهم الأفندي قالي لاء مافي روحة على هي المشفى انا ما معي ادفعلك ولادة وعلى فكرة المشفى كانت عادية ومو غالية والله ابدا بالعكس بس الفكرة أنو انا كنت مرتاحة مع هي الدكتورة كتير وبحبا وحنونة علي فوق ما تتصورو ما حسيت بالخوف طول مو هي معي المهم قال منروح على مشفى أبي مزبط معون وحيولدوكي ببلاش والله لا يوريكم هالمشفى يلي عم يحكي عنها مجزرة مو مشفى كل الناس بيحكو انها بتقرف وما بيهتمو بالمرضى ومهملين ومافي نضافة وووووو المهم التلو لاء ما بولد غير مع دكتورتي المهم اخدني لعند بيت أهلو غصب وطلعنا وصار يحكي مع اختو ويشحد منها مصاري ويترجاها لأنو هو ما معو يولدني بهي المشفى وطبعا هي بلشت حكي بلا طعمة أنو مو لازم بهي المشفى خدها عالمشفى يلي بابا زبطلت ياها .. أنا التلو انسى غير مع دكتورتي مارح أولد وحملت حالي ونزلت قعدت بالسيارة وحضرتو شرف بعد نص ساعة معصب وعم يبهدلني ويسبني أنا والولد ((الله لا يسامحو)) المهم رحنا عالمشفى ولقيت الدكتورة والله جاية ركيييييييييييييدددد وقالتلي قلبي متل النار عليكي ما قدرت روح عالبيت اتغدى وغير تيابي تركت العيادة واجيت فورا المهم دخلت غرفة المخاض وحطولي طلق صناعي وبلشت رحلة العذاب وهداك الفهمان واقف فوق راسي عم يطلع فيني ومو عاجبو وكل ما بتجي الدكتورة بيبتسملا على اساس هو حباب كتير وخايف علي المهم فحصتلي الرحم لقتو مو فاتح غير 1 سم وكمان بعد ساعتين ما فتح ضل متل ما هو وأنا كل مالي عم بتعب والبيبي دقاتو عم تزيد فا هي خافت كتير بعد مرور ساعات قررت أنو تعمل قيصرية وطلبت من هالفهمان يوقع على الورقة تبع قبل القيصرية مشان تفوتني على العمليات المهم هو رفض وهي قالتلو ما بيصير لازم توقع حرام بدي فوتها عالعمليات المهم ماما ركدت وهي وقعتلا المهم حطولي قسطرة وطلبت أني امشي على رجلي ما بدي انزل عالعمليات عالكرسي وفعلا مشيت ونزلت وفتت على رجليي والحمد لله بس أول ما اتسطحت عالتخت وشعلو هالاضوية فوقي نزل ضغطي ونوموني فورا
المهم لما صحيت لقيت بيبي بجننننننننننننننننن متل الملاك عيون زرقا وخدودو حمرااااااااا وناعم وابيض متل التلج وماما عم تطلع عليه وعم تطلع علي وصارت تلحمسلي على راسي وتبوسني .. المهم يا جماعة أنو هو مارضي يدفع المصاري وصار يسبسب وبالنهاية ماما كان الها مصاري مع أختو فا طلبت منها تجبلا جزء منون وفعلا اجت وجابتون بعد ما بهدلها لماما هالمحترم وشرشحا انو شلون بتحطو وبتحط اختو بهيك موقف وتخليا تدبر المصاري وهي مو عاملة حسابها مع انون مصاري ماما اصلا هي مدينتون ياهون .. المهم طلعت من المشفى والحمد لله ولكن تعبت بعد اسبوع ما بعرف شو صار معي بس شفت الموت بعيوني ووقف قلبي لثواني واشتغل مرة تانية وماما مسكينة ماتت الف موتة ورايي وباست رجلو لحتى ياخدني عالمشفى ((الله لا يسامحو)) المهم يا جماعة بعد ثلاث اشهر الا يومين البيبي اتوفى الحمد لله على كل حال وعلى فكرة ما كان مريض ولا فيه أي على بالعكس صحتو كانت بتاخد العقل ومافي البلا بس بتتذكرو لما كان يقول مابدي هالولد مابدي ياه ليش حملتي مين الك بدي ولاد ...؟؟
رب العالمين حرمو منو بس حرمني أنا كمان وأخدني بذنبو ((الله لا يسامحو)) الحمد لله على كل حال
المهم هو وعيلتو اتهموني بقتل البيبي وحبسوني بالمشفى وجابو التحقيق وبدون يشرحو الجثة ومابدون يطالعوني الا لحتى يشرحو الجثة ((الله لا يسامحو لاهو ولا أهلو واحد واحد))
المهم قرر انو يطلقتي وقتا انا ما كان في مكان اعود فيه ماما كانت تاركة هي وبابا والبابا ما كان بحاكيني وماما كانت متجوزة واحد تاني وعايشة بلبنان ومافي ألي حدا بالمرة فا صرت اترجاه واتوسل الو ما يطلقني وطبعا زتني 3 اشهر عند عمي وكانت مرت عمي مدايقة من وجودي وعم تعمل جهدها لأرجعلو
المهم رجعنا بعد كلام من عمي وتوسلاتي ووووو والذل يلي أكلتو منو ومن عيلتو نسيتو بمقابل أني ارجع لبيتي وما انذل عند بيت عمي ...
المهم بعد مرور فترة طويلة حاولنا الانجاب لكن بدون جدوى ابدا وبلشت علاقتنا تسوء أكتر وأكتر وهو من الأول سيء بس أنا يلي ما عاد أقدرت طيقو بالمرة المهم صار يقول عني ما بجيب ولاد وصارت أختو تدورلو على عروس من تحت لتحت وكون انا قاعدة ويتغامزو ويحكو كلام ملغوم هو وبنت عمو وانا مالي فهمانة شي اتاري عينو على بنت عمو يلي عندا ولد ومطلقة اختو قالتلو هي مجربة لك اخي يعني ماشالله ولادة مو متل يلي عندك ....

المهم اني يوم بعد يوم صرت عم أقرف منو وأكرهو وزاد حقدي عليه وعلى عيلتو لأنو وين ماراح كان يحكي علي أني ما بجيب ولاد ويحترق قلبي من الكلام يلي اسمعو منو ومن الناس ومن تلميحات وتجريحات اخواتو ((الله لا يسامحون كلون)) المهم مرت 6 سنين وصار كل ما يشوف وحدة يألي شو رايك بهي حلوة عجبتني وانت لا تخافي رح تضلي مرتي الاولى بس هي رح تكون أم أولادي لأني كبرت وما عاد اقدر استنى اكتر بدي صير أب .. ((الله لا يسامحو)) لا تواخذوني بس محروء قلبي الله لا يحرقلكم قلب يارب ..
المهم خلص صار العد التنازلي للعلاقة وانا اصلا ما كنت غيرانة ولا مدايقة عليه ينباع بالعزا كنت بكرهو كره العمى بس أنا كنت محروقة على حالي وعلى عمري وشبابي يلي ضاع هدر مع هيك واحد ((الله لا يسامحو)) سبع سنين صارو وأنا عم بتحمل من أول يوم بس مشان ما يقولوا كلمة "مطلقة"
بس خلص صرت أنا ساعدو وورجيه أني معو ومارح اطلق منو وهو يتجوز عادي وينئي يلي بدو ياها ومن هالحكي ... وأنا كنت عم عيش أسوأ لحظات حياتي مو لأنو بدو يتجوز لاء ينئبر ما بهمني بالمرة بس لأنو كنت حاسة بالظلم والقهر وهداك عم يزبط لزواجو من بنت واطية متلو أصلا كانت عانس فا ما صدقت انو تتجوز وعرفت انها من البداية حاطة عينها عليه لأنو ؤافقتني لما عرفت أنو هو بيكون زوجي ههههههههه واطية كل واحد بياخد على شاكلتو وعلى فكرة لو كانت بتعرف شو بيحكي عليها من وراها كانت دفنت حالها بالتراب ههههههههه كان يجي ويألي يقطع عمرا شو شرشوحة ونورية ولبسها بيقرف وسودة بس عيونها حلوين بيعجبوني بس مافي متل أكابريتك أنتي ههههههههههههه ماكان يأثر علي كلامو أبدا المهم كان رايح يطلبها من اهلها رسمي بعد ما وعدتو اني مارح اتركو ابدا وعادي يتجوز المهم راح خطبها وتاني يوم كانت وراق الطلاق عم تستناه رفعت عليه دعوة خلع ههههههههه بيستاهل والحمد لله خلصت منو على أهون سبب ......
والحمد لله ربي كرمني بإنسان أعطاني الأمل بالحياة من جديد وحبني لشخصي أنا مو لأي شي تاني لا لمصاريي ولا طمعا بمصاري ماما ولا أملاكها ولاااااااااااااااا شي من هاد أصلا ما بيعرف شو عنا وشو ما عنا حبني وحبيتو من كل قللللللللللللللللللللللللبي واتجوزنا والحمد لله رجعتلي السعادة يلي انسرقت مني أضعاف مضاعفة والحمد لله رب العالمين أنا بحبو متل ما بحبني وأكتتتتتترررررررررررر وبشكر ربي على هالنعمة يلي وهبني ياها ((جوزي حبيبي)) والحمد لله بعد سنة زواج حملت وكنا فرحااااااااااااااااانييينننن كتير بس رب العالمين ماراد أنو يكمل الحمل وتعبت ونزفت ونزل بأول الرابع الحمد لله على كل حال بس ما فقدنا الأمل ونحنا هلأ صرلنا 4 سنين وشهرين متزوجين وادعولنا الله يكمل فرحتنا بالذرية الصالحة يارب ياااااااارب .. بتمنى من كل قلبي تدعولي أنو الله يرزقني ويرزق كل مشتاقة بالذرية الصالحة وتسمع خبر حملها بالقريب العاجل ويرزقها الحمل السليم المعافى يارب العالمين ...
قولواااا آااااااااااااااااااامين حبيباتي