تعبت وابي الطلاق

السلام عليكم

بنات بقول لكم سالفتي لاني ماعندي لا اخوات و لا اخوان اشكي لهم انا وحيدة امي وابوي الله يخليهم لي
عندي ولد عمره 5سنوات وحامل بشهري الاخير صارلي شهرين فبيت اهلي طفشت من مشاكل زوجي
عطيته فرص واااااجد بس مافي فايده
زوجي مايشرب ولا يلعب ولا حتا جرب يدخن ولا له ربع .. عيبه انه يمد ايده علي وعلى ولدي ويشك فيني ويطقني ويخنقني وولدي عايش حالة رعب يخاف من ابوه ومايقرب منه يقول ماحبه يابنات كلما يطقني ويشد شعري يقول لي وين كنتي فيه وانا اصلا بالبيت ماطلع بس هو شكااااااك كثير يشك تعبت من هالشك مو قادره اتحمل الطق قلت اتحمل عشان ولدي بس لقيت ولدي تتغير نفسيته الى الاسوء تخيلو مره طق ولده وشد شعره ومن الصاله الى المجلس بدون سبب خايفه يوم من الايام يخلص عليه مثل الي نسمعه عن الاباء وش يسوون بعيالهم

كم مره قلت له تعالج على طوووول جاني كففف من الي قلته والله اني كم مره رحت لاهلي زعلت وقلت مابيه يقعد بالسياره برا بيت هلي ويصيح ويكلم اهلي ويصيح يقول ابيها واحبها طيب انا احبه بعد بس ماقدر استمر وياه صحيح مومقصر معانا مغرقني من الخير من المصروف من الماركات مايخلي شي بخاطري بس ماهمني كل هالشي اهم شي الرااااااحه عندي واكره شي عندي الشك الحين انا عند اهلي شهرين تعبت مابي ارجع له ولاحظت ولدي تغيرت نفسيته للاحسن اول من الخوف يتبول على نفسه وماكان يضحك وكله خايف الحين غيييييير مرتاح ويضحك ويقول لي ابي اقعد هنا بيت جدي وانا والله بعد مرتاحه ابي الطلااااق عشاني وعشان ولدي ماتتعب نفسيته
احبه والله لاهو الي ناسيني ولاانا الي ناسيته الفراق صعب بس الراحه اهم

اخر مره كلم ابوي يصيح يقول له بعطيها الي تبي وبتغير بتعالج بس ابي ترجع وانا مومصدقته لانه دايم يقول هالكلام
عطيته فرص واجد .. اهله كلموني قالو لي رجعي له هو تعبان ندمان وحنا نبيك متحسفين عليك
والله اني يابنات امووووت عليهم ماقد ضروني بشي ويحبوني واعتبروني بنتهم ويعرفون ولدهم انه شكاك بس قالو اصبري والله ماقدر اصبر عالطق والشك والاهانات

تعببببت وابي ارتاح ابي اتطلق وفتحت الموضوع لاهلي قالو لي فكري على راحتك فكرت كثير بس ليه على الظلم الي شفته منه ليلحين احبه اي احبه شي غصبن عني بس مو معناته اني مابي اتطلق لا ابي الطلاااااق ابي الراحه بس مين جربت هالاحساس .. على قد الي سواه فيك وظلمك وشك فيك ماكرهتيه تحبينه!