جالسه ابكي ع حظي الزفت

طفشانه ومتضايقه استغفر الله😭
وفي هم مايعلم فيه الا ربي
استلم جمعيه زوجي وبيتي يبي له تعديلات
وحاجات مكسره يبي لها تصليح
الجمعيه 7 الاف تقريبا فرحت بها مره
وقالي بعدل فيها البيت من اول
ولما جات سدد دين لواحد كان متسلف منه ب 3 الاف
باقي اربعه من غير اشياء واكل قضينا للبيت منها
وبدينا شغل فالبيت ولا خلص وحايس لاخر شي
وهو مامعه ريال وراتبه للاسف مايسوي شي مره مره توهقنا يعني متخيلين العمال وقفو ورشو نص والباقي لا
عصصصصبت صراحه كان مابديت
المشكله الكبيره زواج اختي وبنت اختي قريب وانا ماجهزت بريال معتمده ع هالجمعيه وطارت الطيور برزاقها يقولي بعطيك 300 من الراتب ومو اكيد حتى عصبت وتخاصمنا وغلط علي وغلطت عليه لاني كمان بجهز لنفاسي 😭😭😭اتوقع بعضكم يضحك من وضعي
اختصار الموضوع عندي ذهب بسيط مدري ابيعه ولا استنى ومدري كم يجيب لي يمكن 1500 وحتى اقل
بس هو قهرني وضعه كذا من بدايه زواجنا وقلت له انت غلط انك تتزوج وتفتح بيت
هو فقير من اخذته ووضعه من سيء لسوء
ونادرا مايكون معه فلوس بس اذا كان معه مايقول لا فشي ولا بخيل ابدا
واذا كان وضعكم كذا بنات واللي حولك غير كيف قدرتو تتحملون خاصه اني فمجتمع مايرحم مامعك شي يعني ماتسوين شي كن الرزق بيدي وانا رادته

ابغى مشورتكن فبيع ذهبي + دعوه صادقه بتفريج همي لعل ربي يستجيب لكم