عساكم بخير . الموضوع واضح من عنوانه ولاكن ..
هل يستاهل انك تصبغين هاللون من اساسه او لا !
هالسؤال يواجه اي شخص ..... وخصوصا في تجربة لون جريء مثل الرمادي .
>>>>
والرمادي لون طبيعي. وهو يظهر بالشعر من علامات تقدم السن او نتيجة اضطرابات بالهرمونات
فبالتالي هوا ينساب جميع درجات الوان البشره .
ولاكن كونك بتسحب لون في اكثر من مرحله ويا اما يظبط ويا اما لا هنا الوضع يختلف ههههه
وهينا من خلال تجربتي الشخصيه للون الرمادي وكيف قدرت اسويه بالبيت . واش اجابياته وماهي سلبياته.
نشوف باليويتيوب والاجانب سهالات يسونه بالبيت عكس عندنا , اولا منتجاتهم تسهل لهم لان اشيا كثير متوفره عندهم
مو موجوده عندنا . اثنين طبيعة شعورهم ولونها مو عنيده ولا قامته مثلنا ونظيفه بمعنى ماعليها لا حنه ولا سدر ولا هم يحزنون
..
قبل كل شي اذا كنتي او كنت بتسويه بالصالون/ عند حلاق
تاكد/ي انه يستعمل مع سحب اللون منتج اولابليكس
هالمنتج ابتكلم عنه اذا ماكان احد سبقني فيه .. وهو ثروة بعالم الشعر
اي حته انه منتج مهم يكون بالبيت لانه معالج ايضا للشعر يخفف بشكل كبير جدا من ظرر سحب اللون والصبغات
وشهادته عاليا جدا من اشهر خبراء الشعر بهوليوود .
نرجع للموضوع , تاكد/ي انهم يستعملون هالمنتج مع سحب اللون اذا رفض انه يجاوبك بحجه انه خصوصيات الشغل
او حاولو اقناعك انهم خبراء بسحب اللون ومافي ضرر فترا كلها خرطي , وخصوصا اذا كان شعرك يحتاج اكثر من جلسة سحب لون
اما اذا كنت/ي بتشتغل بالبيت هينا موضوعنا .
ع حسب طول الشعر وانا بتكلم بحسب طول شعري .
لين الرقبه.
تحتاج بلوندر=بودرة تشقير
اكسجين=30 فوليوم <ابدا لاتاخذ اقوى منه
قفازات
ملاقط شعر (بلاستك)
صحن بلاستك او حق الصبغات المتعارف
وفرشاه
ومشط نهاية معدنيه عساس تفرق الشعر بسهوله
اتوقع تسذا خلاص
مابي اطول بشرح سحب الللون بس في كثير يجهلون تكنيك سحب اللون
يفضل يكون احد يسويه لك عساس يخلص بسرعه والشعر ياخذ لون موحد
وايضا لم نجي نخلط كمية البلوندر انا شخصيا افضل انه يزيد ولا انه ينقص لان ابدا ماينفع
ينقص ونروح نخلط من جديد لان بالتاكيد درجات اللون بتختلف وهاذا الي مانبيه بتاتا .
الشي الاهم والي الكثير ينساهالجذور اصبعين بعد الجذور بعدين حط البلوندر لان الجذور تفتح بسرعه جدا
وغير كيذا لاسمح الله صار ظرر يكون بعيد عن جذور الشعر .
طيب اثنا ععملية السحب كل مانخلص من خصله نلفها بقصدير .ليش؟ القصدير يصدر حراره ويحتفظ بالخليط رطب
فتكون النتجيه اسرع وافضل , ولان الخليط لو نشف ماراح يفيدك بشي .
خلصنا نخليه 45 دقيقه ونغسله ولاننا مستعملين اولابليكس ان شاء الله الضرر بيكون يادوب محسوس
نجي للاهم
اللون الرمادي ابدا ابدا ابدا مابيظهر بشعرك اذا كان تحت رقم ثمانيه
ان شاء الله الصور تظهر .. زي ماهو واضح بالصوره درجات لون الشعر من رقم واحد الين 10
1 وهو اسود فاحم 10 وهو اشقر بلاتيني وهو اللون المطلوب . فلو كان شعرك اسود وتبي/ن توصل لرقم عشره
فبالتاكيد بيتطلب منك اكثر من جلسه سحب لون
وطبيعي جدا بالبدايه يصير لونه برتقالي ويبدا يفتح بكل جلسه ... وافضل شخصيا بين كل جلسه وجلسه راحه للشعر يومين بالكثير
ولا ننسى اننا نستعمل اولابليكس فما في خوف ان شاء الله وهاكذا الى ان نصل للون 10 او 9
انا شخصيا لان شعري به حنه وكل نباتات العالم صار مموج بين 8 و9 و10 هههههههه بس طلع جميل اهم شي
نجي للخطوه الاهم والاخيره
بعد السحب عندنا حلول كثيره يا اما نستعمل تونر من ويلا
او تونر من لاكمي ونختار درجات رمادي لان لاكمي في سلفر ولؤلؤي وويلا درجات عندهم
او صبغه رمادي مؤقته من كريزي او اي كانت الشركه ...
اش الفرق بينهم .
التونر يحتاج له اكسجين اي ضرر اضافي لشعرك ومع اولابليكس ماصار ينخاف من هالنقطه
المؤقته والي تدوم من شهر الى 4 شهور حسب غسلك للشعر انا افضلها لان بعضها مايحتاج اكسجين تنحط بدون
ولا ننسى الشامبو البنفسجي للمحافظه عاللون الرمادي . وكيذا خلصنا .
نتيجتني: انا كان لون رمادي جميل وطبيعي لدرجه ان البعض يحسبه طبيعي زي بدر صالح ههههههههههه
عيبه انه يخف بسرعه والشامبو البنفسجي نتيجته مو جيده زي ماتوقعت
وبالاخير صار ع رمادي زيتوني لون خنفشاري بس كنت افضل الرمادي هههه
بس يمكن لاني ماوصلت لاقصى درجه بالتفتيح ميبي لا اعلم
ولاكن للبنات بعد مايروح الرمادي وماتبون ترجعونه في خيارات كثيره اماكم كون شعركم مسحوب لونه
<<<تذكري وش اللون ال كنتي تبينه ويبيله سحب لون وبطلبتي هههههههههه حللي السحب
ولا ننسى كل اسبوع نعالج شعرنا بالاولابليكس عساس نرجع له حيوته من سحب اللون
المهم هاذي تجربتي للي حاب/ه ت/ي ـــصبغ رمادي