الدكتورة والامهات الفاضلات الرجاء الدخول للمســاعدة

مريت بهالتجربه كثييييير ..

عنصر المفاجأه!! إذا قالت كلمه من هالكلمات لا تتفاجأين أو تبينين لها ردة فعل
مختلفه!! لأنها تحس انه هالكلمه قاعده تسوي شغل!!

4 سنوات احس مب صغيره وتفهم العقاب!! إذا عاقبتيها عاقبيها عقاب يكون
ما ينتهي إلا باعتذار منها على الكلمه .. ولاتبينين انج متبهدله قدامها ومب عارفه
تتصرفين .. مثل أنه تبينين ضيقه على ويهج أو تبينين اليأس لأنها بتحس بالانتصار
وبتحس انها هي المسيطر .. حسسيها انج انتي المسيطره .. إذا قالت كلمه .. عطيها
انذار انها اذا كررتها راح تتعاقب العقاب الفلاني وإذا كررتها نفذي العقاب بدون
ما تكلمينها أو تناقشينها.. أو تعاتبينها .. بعدين اطلبي منها تعتذر طبعاً عطيها فرصه
شوي تظل معاقبه عشان تحس انها سوت شي كبير.. بعدين اطلبي الاعتذار..

وكل مره تكررها نفذي نفس العقاب .. لاتنوعين لها تتسلى في العقوبات

شكراً اولا على ردك حبيبتي
المشكلة اني حاول اتجاهل كلامها واطنش كاني ماسمعت شي وهي تنسى كم يوم بس الاخت الصغيرة لها بالمرصاد وانتم عارفين عمرها سنتين وكل شوي تردد الكلام ولاتدري وش معناه حتى الكبير ماتدري وش معناه واللي قاهرني ان الصغيرة اكثر ماتقول هالكلام اذا كانت معصبة وشلون ما ادري ؟؟الله يصلح ماعطى

والف شكر اختي

والله فيه طريقة مجربة 100%
كلما قالت كلمة غير لائقة أو لفظة بذيئة حطي في اصبعك شطة حااارة (قطرة لاتكثرين) :30:
وحطيه على لسانها ولاتستعجلين في النتيجة وبتشوفين اللي يسرك فيها

بالنسبة لي فاحسن حل انك تقوليلها ان الله ما يحب اللي يقول كلام جذي

انا متبعة هالاسلوب مع اولادي بكل شي اذا سووا شي زين اقولهم الله يحب جذي

واذا سووا تصرف مو زين مثل السب او الكذب اقولهم خلاص الله ما يحبك لان انت جذبت

والحمدلله ما يجذبون ولا يسبون و تعودوا قبل لا يتصرفون اي تصرف يحطون الله جدام

عينهم مع انهم صغار لكنهم يحاسبون نفسهم على كل شغلة

السلام عليكم
عليك التعامل مع المشكلة بهدوء
حاولى ان تلفتى انتباه ان هذا خطأ وستصبح طفلة لا يحبها الناس
ولا يكون العقاب بالضرب يكون بحرمانها من شىء تحبه
وحاولى تنبيهمن يردد تلك الالفاظ انه لا يجب ان تقال امام الطفلة لانها تلقط الكلام
ويصبح فى نظرها شىء عادى لان الاخرين يرددونه
والله معك