أسهل برياني وفي نص ساعه بس ((صور))

السلام عليكم ورحمة الله وبركاته
شلونكم يابنات حواء؟؟ اليوم جبت لكم برياني لذييييييييذ ويخلص في نص ساعه:icon28:

المقادير
رز مسلوق نص سلقه مع كمون حب وورق غاروملح
خاطة الدجاج: يعني نخلط هذي المقادير كلها مع بعض
دجاجه مقطعه
عصير نص ليمونه
2 ملعقة بهارات البرياني الهنديه (مهران) موجود في السوبرماركت
علبه ونص زبادي
ملح
بصله كبيره مقطعه شرائح ومقليه
نص ملعقة كركم
فلفل احمر حسب الرغبه 3 ملاعق زيت
3 فصوص توم مدقوق
قطعه صغيره زنجبيل مدقوق
نص كوب بقدونس مفروم

طبعا هذي الخلطه بيكون لونها اصفر والدجاج ني:09:
الطريقه :
نضع خلطة الدجاج في قدر بالتساوي ونضيف الرز ونضيف على الوجه زبده وبقدونس مفروم وممكن مكعبات بطاطا مقليه لو تحبين
نغطي القدر بالقصدير جيدا ونحط عليه الغطا وحطيه على نار عاليه لحد ماتسخن الخلطه وتلاحظين بخار يعني لمده 3 دقايق وبعطين وطي عليه قد ماتقدرين وخليه لمِدة 20 دقيقه فقط عشان مايحترق ولاتخافين راح ينضج الدجاج.. انا زينته بالبصل والحمص المقلي

هذي الطريقه هي طريقة ام زوجي الله يحفظها ادعولها يابنات ان الله يرزقها بحفيد<< يِعني يرزقني انا الطفل السليم المعافى :42:
اخليكم مع الصور