السلام عليكم
اختي دخلت محل ملابس اسمه على اسم بلد امريكيه لقت سلاسل وعليها تعليقات وحده من التعليقات طلعت صليب شوفوه بالصوره. اختي راحت نبهت العاملة السعوديه وقالت لها شكرًا راحت الموظفة قالت لواحد ثاني معاها في المحل على الصليب قام الأخ يتفلسف. قال اصلا من قال الصليب حرام؟ الرسول عليه الصلاه والسلام دخل بيت سفيان وشاف الصليب وقاله ادفع جزيه ما قال شيله!! ما ادري من وين اخترع ذي القصه قال كلام كثير اخر شي قال على اختي ناس ما تصلي الا يومين وتيجي تبلغ على صلبان. طبعا احلى شي ما يدري اختي ورآه قاعده تسمع اختي للاسف ما قالت له شي والسعودين الموظفين طبعا خايفين ينطردوا ما قالوا شي. انا اتحرق دمي دخلت المحل شالوا الصليب ورحت شفت فيلسوف زمانه قلت له انت ايش اسمك قال معتصم (لبناني)قلت ايش دينك قال مسلم قلت سني ولا شيعي عشان اعرف كيف اتكلم معاك ضحك سكت شويه وقال سني ؟( من متى السنه يقولوا الصليب مو حرام؟). قلت على اي أساس تقول الصليب حلال قال انا مااحب اللي يقول حلال وحرام قلت هذه السعوديه الإنجيل بكبره ما يدخل عندنا وعيسى عليه السلام حيكسر الصليب اخر الزمان وانت تقول انه مو حرام قال انا ما اعرف قلت انت المفروض ما تتكلم المفروض تحمد ربك انه الهيئه ما شافت الصليب ولا كان قفلت المحل ( انا على بالي يقفلوا المحل ما ادري انه يشيلوا البضاعة) قال خليهم يقفلوا المحل. قلت ابغى اتكلم مع المدير قال انا المدير. وين السعوده اللي قالوا عنها؟ نهايتها لبناني مو عاجبه ديننا ويسب الزبائن كمان. المهم انا سمعته كم كلمه صار يقول انا اصلا كنت أكلم الكاشير قلت انت كنت تتكلم عن اختي قعد يعيد نفس الجمله كنت أكلم الكاشير قلت المفروض ما تتكلم عن زباينك بهذه الطريقه قال شكرًا!! طلعت من المحل دحين هذا الآدمي ابغاه يعرف انه الله حق قال ايش الصليب مو حرام غير أسلوبه الوقح في الكلام. اذا تعرفوا كيف اقدم شكوى عليه ساعدوني